మోదీ-పుతిన్ మీటింగ్పై జెలెన్స్కీ స్పందన.. ప్రత్యేక కాల్
national | Suryaa Desk | Published : Sat, Aug 30, 2025, 11:25 PM
షాంఘై సహకార సంస్థ (SCO) సదస్సులో పాల్గొనడానికి చైనాకు వెళ్లిన ప్రధాని నరేంద్ర మోదీ.. చైనా అధ్యక్షుడు షీ జిన్పింగ్, రష్యా అధ్యక్షుడు పుతిన్తో పాటు పలువురు కీలక నేతలతో సమావేశం కానున్నారు.ఈ క్రమంలో, ఉక్రెయిన్ అధ్యక్షుడు వొలొదిమిర్ జెలెన్స్కీ (Volodymyr Zelenskyy) మోదీతో టెలిఫోన్లో మాట్లాడారు. ఉక్రెయిన్ పరిస్థితులపై తాజా సమాచారం పంచుకున్నట్లు ప్రధానమంత్రి కార్యాలయం (PMO) వెల్లడించింది.ఈ సందర్భంగా శాంతియుత మార్గాల్లో సమస్యలను పరిష్కరించుకోవాలన్న భారత్ ధృఢమైన అభిప్రాయాన్ని మోదీ మరోసారి తెలియజేశారు. శాంతి పునరుద్ధరణ కోసం జరుగుతున్న కృషికి భారత్ పూర్తి మద్దతు ఉంటుందని ఆయన స్పష్టం చేశారు. అంతేకాకుండా, భారత్-ఉక్రెయిన్ ద్వైపాక్షిక సంబంధాలను మరింతగా బలపరిచేందుకు ఇరు దేశాలు కట్టుబడి ఉన్నట్లు పేర్కొన్నారు.చైనాకు చేరుకున్న మోదీ ఏడేళ్ల తర్వాత తొలిసారి ఎస్సీవో సదస్సులో పాల్గొనడం విశేషం. జెలెన్స్కీతో మోదీ టెలిఫోన్ సంభాషణ నెలలో ఇది రెండోసారి. ఆగస్టు 11న కూడా ఇరువురు చర్చలు జరిపారు. అమెరికా మాజీ అధ్యక్షుడు డొనాల్డ్ ట్రంప్, రష్యా అధ్యక్షుడు పుతిన్ల సమావేశాల ముందు ఈ సంభాషణ జరగడం ప్రాధాన్యం సంతరించుకుంది. జపాన్ పర్యటన ముగించుకుని చైనా చేరుకున్న మోదీ, తియాంజిన్లో జరగనున్న SCO సదస్సులో పాల్గొననున్నారు.
|
|