ప్రభుత్వ తప్పిదాలని ప్రశ్నిస్తుంటే అవినీతి ఆరోపణలు చేస్తారా?
Andhra Pradesh Telugu | Suryaa Desk | Published : Sat, Sep 06, 2025, 01:26 PM
ప్రభుత్వ వైఫల్యాలపై ప్రశ్నిస్తుంటే ఓర్వలేక నాపై అవినీతి ముద్ర వెయ్యాలని ఎల్లో మీడియాలో నాపై తప్పుడు వార్తలు రాస్తున్నారు అని మాజీమంత్రి అంబటి రాంబాబు మండిపడ్డారు. అయన మాట్లాడుతూ.... చంద్రబాబు, లోకేష్, ఈనాడు చెరుకూరి కిరణ్, బీఆర్ నాయుడు, ఆంధ్రజ్యోతి రాధాకృష్ణల కన్నా అవినీతిపరులు ఎవరుంటారు..? ముందే రిపోర్టు తయారు చేసుకుని విజిలెన్స్ ఎంక్వయిరీ అంటున్నారు. దేనికైనా సిద్ధపడే నేను రాజకీయాల్లోకి వచ్చా. ఇలాంటి హెచ్చరికలకు, అరెస్టులకు నేను భయపడే ప్రసక్తే లేదు. నేను ఎమ్మెల్యేగా ఉన్న కాలంలో పేకాట, కోడిపందేల ఊసే లేదు. అయినా నేను పేకాట ఆడించానని తప్పుడు వార్తలు రాస్తున్నారు. తప్పుడు కేసులను న్యాయస్థానాల్లోనే తేల్చుకుంటా. ఆ సమయమే వస్తే అరెస్టును కూడా ఎంజాయ్ చేస్తా. లోకేష్ రెడ్ బుక్కి నా కుక్క కూడా భయపడదు. అన్నింటికీ సమయం వచ్చినప్పుడు సమాధానం చెబుతాం. నా వెనుక నియోజకవర్గ ప్రజలు, వైయస్సార్ కాంగ్రెస్ పార్టీ, వైయస్ జగన్ గారు ఉన్నారు. వీరంతా నా వెంట ఉండగా ఎందుకు భయపడతాను..? కూటమి చేసే ఏ యుద్ధానికైనా నేను కూడా సిద్ధమని అంబటి రాంబాబు స్పష్టం చేశారు.
|
|