ట్రెండింగ్
వైద్య విద్యారంగాన్ని నాశనం చేసింది వైసీపీ ప్రభుత్వమే
Andhra Pradesh Telugu | Suryaa Desk | Published : Sat, Sep 06, 2025, 06:44 PM
గత వైసీపీ ప్రభుత్వం వైద్య విద్యారంగాన్ని పూర్తిగా నిర్వీర్యం చేసిందని, 17 మెడికల్ కాలేజీలు నిర్మించామంటూ మాజీ ముఖ్యమంత్రి జగన్ చేసిన ప్రచారం పూర్తిగా అవాస్తవమని ఏపీ స్వచ్ఛాంధ్ర కార్పొరేషన్ చైర్మన్ కొమ్మారెడ్డి పట్టాభిరామ్ తీవ్రంగా విమర్శించారు. తన ఐదేళ్ల పాలనలో కేవలం ఐదు కాలేజీల (విజయనగరం, మచిలీపట్టణం, ఏలూరు, రాజమండ్రి, నంద్యాల) నిర్మాణాన్ని ప్రారంభించి, వాటిని కూడా అసంపూర్తిగా వదిలేశారని ఆయన ఆరోపించారు. శనివారం నాడు మంగళగిరిలోని టీడీపీ కేంద్ర కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. జగన్ తన అవినీతి, నిర్లక్ష్యంతో రాష్ట్ర వైద్య వ్యవస్థను భ్రష్టుపట్టించారని, దాని పర్యవసానాలను కరోనా సమయంలో ప్రజలు కళ్లారా చూశారని అన్నారు.
|
|