జపాన్దేశ ప్రధానమంత్రి షిగెరు ఇషిబా తన పదవికి రాజీనామా చేయాలని నిర్ణయించుకున్నట్టు ప్రకటన
international | Suryaa Desk | Published : Sun, Sep 07, 2025, 03:08 PM
జపాన్ రాజకీయాల్లో అనూహ్య పరిణామం చోటుచేసుకుంది. దేశ ప్రధానమంత్రి షిగెరు ఇషిబా తన పదవికి రాజీనామా చేయాలని నిర్ణయించుకున్నట్టు ప్రకటన చేశారు. ఆయన నేతృత్వంలోని అధికార లిబరల్ డెమోక్రటిక్ పార్టీ తీవ్రస్థాయిలో నెలకొన్న అంతర్గత విభేదాలు, పార్టీలోని కొన్ని వర్గాల నుంచి వస్తున్న ఒత్తిడి ఈ నిర్ణయానికి ప్రధాన కారణంగా తెలుస్తోంది.ఇటీవల జరిగిన పార్లమెంట్ ఎగువసభ ఎన్నికల్లో అధికార ఎల్డీపీ మెజారిటీని కోల్పోయింది. ఈ ఓటమి తర్వాత పార్టీలో ఇషిబా నాయకత్వంపై అసంతృప్తి పెరిగింది. గతేడాది 2024 అక్టోబరులో ప్రధానిగా బాధ్యతలు చేపట్టిన ఇషిబా, ఏడాది పూర్తికాకముందే పదవి నుంచి వైదొలగనుండడం గమనార్హం.తన రాజీనామాపై ఇషిబా స్పందిస్తూ, "పార్టీని బలోపేతం చేయడానికి, దేశ రాజకీయాలను స్థిరపరచడానికి ఈ నిర్ణయం తీసుకున్నాను" అని వివరించారు. ఆయన రాజీనామా నిర్ణయంతో జపాన్లో రాజకీయ అనిశ్చితి నెలకొంది. అధికార ఎల్డీపీ తదుపరి నాయకుడిని ఎన్నుకునే ప్రక్రియను ప్రారంభించింది. ఈ పరిణామం జపాన్ ఆర్థిక, రక్షణ విధానాలతో పాటు ఆసియా రాజకీయాలపై కూడా ప్రభావం చూపే అవకాశం ఉందని విశ్లేషకులు భావిస్తున్నారు. త్వరలోనే కొత్త ప్రభుత్వ ఏర్పాటుకు సంబంధించిన మరిన్ని వివరాలు వెలువడనున్నాయి
|
|