కరివేపాకు ఫ్రిజ్లో పెట్టకుండానే తాజాగా ఉండేందుకు ఏం చేయాలి
Recipes | Suryaa Desk | Published : Mon, Sep 08, 2025, 10:35 PM
కూరల్లో, చారుల్లో, పులిహోరలో, పప్పులో ఇలా ఏ వంటలోనైనా ఒద్దిగ్గా ఒదిగాపోతుంది కరివేపాకు. పోపులో వేస్తే ఆ గుమాళింపు గుమ్మాలు దాటి వాడవాడంతా తిరిగొస్తుంది. ఆ పోపు వాసనకి సగం ఆకలి అవుతుంది. కేవలం వాసన, రుచి మాత్రమే కాదు, కరివేపాకు తినడం వల్ల జుట్టుకి బలం, ఆరోగ్యానికి ఆరోగ్యం అని తెలియగానే చాలా మంది సైడ్ ఇంగ్రేడియెంట్గా కాకుండా మెయిన్ వంట పదార్థంలా మార్చి దాంతోనే పచ్చళ్ళు, పొడులు చేస్తున్నారు. దీంతో నిన్నమొన్నటి వరకూ సైడ్ క్యారెక్టర్లా తీసిపాసే కరివేపాకు ఇప్పుడు మెయిన్ క్యారెక్టర్ అయిపోయింది. అబ్బా కరివేపాకుకి కూడా ఇంత సీన్ ఉందా అనుకోవద్దు. ఉందండి బాబు. చాలా మంది కరివేపాకు విదేశాల్లో దొరకదు, దొరికినా ఇక్కడ సువాసన ఉండదని ఇక్కడ్నుంచి పార్సిల్స్ పట్టికెళ్లేంత డిమాండ్ కరివేపాకుది. మరి అలాంటి కరివేపాకుని ఫ్రిజ్లో పెట్టకుండానే ఎక్కువరోజులు వాడుకోవలంటే ఏం చేయాలో తెలుసుకోండి.
ఓవెన్లో
ముందుగా కరివేపాకుల్ని కాడల నుంచి వేరు చేసి ఆకుల్ని శుభ్రంగా కడగండి. ఆ తర్వాత వాటని ఓ మైక్రోవేవ్ సేఫ్ బాక్సులో వేసి ఓవెన్లో 2 నెలల పాటు హీట్ చేయండి. దీని వల్ల మాయిశ్చర్ పోయి డ్రైగా మారతాయి. ఇలా డ్రైగా మారిన కరివేపాకుల్ని ఏయిర్ టైట్ కంటెయినర్లో పెట్టేయాలి. వీటిని మనం దాదాపు 3 నెలల వరకూ వాడుకోవచ్చు. దీని వల్ల టేస్ట్ కూడా బాగుంటుంది. ఎక్కువగా పోపులోకి దీనిని వాడుకోవచ్చు.
నీటిలో స్టోర్ చేయడం
కరివేపాకు మనం ఓ గ్లాసు నీటిని తీసుకుని అందులో స్టోర్ చేయొచ్చు. ఈ ప్రాసెస్లో కాడల నుంచి ఆకుల్ని వేరుచేయొద్దు. కరివేపాకు కాడల్ని నేరుగా నీటిలో ఉంచండి. రెండు మూడు రోజులకి ఓ సారి నీటిని పారబోస్తూ కొత్త నీరు పోయండి. ఇలా చేస్తే ఫ్రిజ్లో పెట్టకుండానే కరివేపాకు ఎక్కువ రోజులు తాజాగా ఉంటుంది.
ఎండలో ఆరబెట్టడం
ఇది నెలలు తరబడి వాడేవారికి చాలా బాగుంటుంది. కరివేపాకుల్ని కాడల నుంచి వేరుచేసి ఆరబెట్టి ఎండలో ఎండబెట్టండి. బాగా ఆరిపోయాక దీనిని కంటెయినర్లో స్టోర్ చేయండి. ఈ ఆకుల్ని మనం బిర్యానీ ఆకుల్లానే వాడుకోవచ్చు. తాజా కరివేపాకుల్లా ఉండకపోయినా వంటల్లో వేయగానే దీని రుచి కూడా బాగుంటుంది.
పాడైపోయిన ఆకుల్ని
కరివేపాకు బాగుండాలంటే ముందుగా ఆ కాడల్లో పురుగు పట్టిన నల్లగా మారిన ఆకుల్ని తీసేయండి. మిగతా కాడల్ని మీరు పైన చెప్పిన పద్ధతుల్లో మీకు నచ్చినదాన్ని ఫాలో అవ్వండి. ఇలా చేస్తే ఎక్కువరోజుల వరకూ కరివేపాకు పాడవ్వకుండా ఉంటుంది. అయితే, కడగకుండానే ముందుగా ఆ ఆకుల్ని తీయండి. అప్పుడే ఆకులు ఎక్కువరోజులు తాజాగా ఉంటాయి.
జిప్లాక్ బ్యాగ్
కరివేపాకు తాజాగా ఉండేందుకు మందుగా కాడల నుంచి ఆకుల్ని వేరు చేసి ఆకులు పూర్తిగా ఆరబెట్టి జిప్లాక్ బ్యాగ్లో ఉంచండి. ఇలా చేయడం వల్ల కూడా కరివేపాకు చాలా రోజుల వరకూ ఫ్రెష్గానే ఉంటుంది. ఇవన్నీ కూడా కరివేపాకుని ఎక్కువరోజులు స్టోర్ చేయడానికి వాడొచ్చు
కంటెయినర్స్
కిచెన్ కంటెయినర్స్ ఉంటాయి. అవి మల్టీ పర్పస్ అనే చెప్పొచ్చు. ముందుగా మీరు కరివేపాకుల్ని కాడల నుంచి వేరు చేసి పొడిగా ఉన్న కరివేపాకుల్ని కంటెయినర్స్లో అడుగున ఓ టిష్యూ పేపర్ వేసి కరివేపాకు అందులో ఉంచి మరో టిష్యూ పేపర్ పైనుంచి పెట్టి మూత పెట్టేయండి. ఇలా స్టోర్ చేసిన కరివేపాకు ఎక్కువ రోజులు తాజాగా ఉంటుంది.
|
|