సెక్యూరిటీ లాఘవం.. రాహుల్ గాంధీ ప్రోటోకాల్ పాటించడం లేదని CRPF హెచ్చరిక
national | Suryaa Desk | Published : Thu, Sep 11, 2025, 04:20 PM
రాహుల్ గాంధీ భద్రత విషయాన్ని సీరియస్గా తీసుకోవడం లేదని, ఆయన సెక్యూరిటీ ప్రోటోకాల్ను పాటించడంలో విఫలమవుతున్నారని సెంట్రల్ రిజర్వ్ పోలీస్ ఫోర్స్ (CRPF) వెల్లడించింది. ఈ విషయాన్ని CRPF వీవీఐపీ సెక్యూరిటీ చీఫ్ సునీల్ జాన్ స్పష్టం చేస్తూ, రాహుల్ గాంధీకి లేఖ రాశారు. కాంగ్రెస్ నేత ఇటీవల ప్రోటోకాల్కు విరుద్ధంగా వ్యవహరిస్తున్నట్లు లేఖలో పేర్కొన్నారు.
సునీల్ జాన్ రాసిన లేఖలో ముఖ్యంగా కాంగ్రెస్ అధ్యక్షుడు మల్లికార్జున ఖర్గేను ఉద్దేశిస్తూ, రాహుల్ గాంధీ తన భద్రతపై నిర్లక్ష్యం చూపుతున్నారని ఆందోళన వ్యక్తం చేశారు. సెక్యూరిటీ బృందానికి సమాచారం ఇవ్వకుండా ఆయన ప్రయాణాలు చేయడం తీవ్ర సమస్యగా మారిందని పేర్కొన్నారు.
CRPF ప్రకారం, విదేశీ పర్యటనల సందర్భాల్లో కూడా రాహుల్ గాంధీ ముందుగా సమాచారం ఇవ్వకుండా ప్రయాణిస్తున్నారని తెలిపారు. ఈ విధంగా ప్రోటోకాల్ను పక్కనపెట్టి ప్రయాణించడం వలన భద్రతకు ముప్పు ఏర్పడే అవకాశం ఉందని హెచ్చరించారు.
ఇలాంటి చర్యలు రాహుల్ గాంధీ భద్రతను మాత్రమే కాకుండా, భద్రత కల్పిస్తున్న సిబ్బందిని కూడా ఇబ్బందుల్లో నెప్తాయని CRPF స్పష్టం చేసింది. భవిష్యత్తులో ఇలాంటి పరిస్థితులు తలెత్తకుండా కాంగ్రెస్ నాయకత్వం తగిన చర్యలు తీసుకోవాలని సూచించింది.
|
|