అనంతపురం సభ విజయాన్ని జగన్ జీర్ణించుకోలేకపోతున్నారన్న పులివర్తి నాని
Andhra Pradesh Telugu | Suryaa Desk | Published : Thu, Sep 11, 2025, 07:41 PM_2629.jpg)
వైసీపీ అధినేత జగన్ పై టీడీపీ ఎమ్మెల్యేలు తీవ్రస్థాయిలో విరుచుకుపడ్డారు. అనంతపురంలో నిర్వహించిన 'సూపర్ సిక్స్' సభ భారీ విజయం సాధించడాన్ని వైసీపీ నేతలు తట్టుకోలేకపోతున్నారని చంద్రగిరి ఎమ్మెల్యే పులివర్తి నాని, పూతలపట్టు ఎమ్మెల్యే కలికిరి మురళీమోహన్ విమర్శించారు. తిరుపతిలో వారు మీడియా సమావేశంలో మాట్లాడుతూ జగన్ పై విమర్శలు గుప్పించారు.జగన్ మానసిక స్థితి సరిగా లేదని, అందుకే సభపై అవాస్తవ వ్యాఖ్యలు చేస్తున్నారని పులివర్తి నాని అన్నారు. "ప్రభుత్వాన్ని నిత్యం విమర్శించే బదులు జగన్ నడి సముద్రంలో దూకడం మంచిది. ఐదేళ్లలో ఆయన చేసిన అభివృద్ధి ఏంటో ప్రజలకు బాగా తెలుసు. మెడికల్ కాలేజీలు కట్టేశామని పచ్చి అబద్ధాలు చెబుతున్నారు. రాష్ట్రంలో యూరియా కొరతకు కూడా గత వైసీపీ ప్రభుత్వమే కారణం. మా కూటమి ప్రభుత్వం ఎవరిపైనా కక్షపూరితంగా వ్యవహరించడం లేదు" అని నాని స్పష్టం చేశారు.
|
|