తాడిపత్రిలో హై టెన్షన్ వాతావరణం
Andhra Pradesh Telugu | Suryaa Desk | Published : Fri, Sep 12, 2025, 11:46 AM
మాజీ ఎమ్మెల్యే, వైసీపీ కీలక నేత కేతిరెడ్డి పెద్దారెడ్డి ఇవాళ(శుక్రవారం) తాడిపత్రి వెళ్లేందుకు సిద్ధమయ్యారు. మున్సిపాలిటీ స్థలంలో అక్రమంగా ఇల్లు కట్టారని కేతిరెడ్డి పెద్దారెడ్డికి నోటీసులు జారీ చేశారు తాడిపత్రి మునిసిపల్ అధికారులు. తాడిపత్రి పట్టణంలోని మాజీ ఎమ్మెల్యే కేతిరెడ్డి పెద్దారెడ్డి ఇంటికి ఇప్పటికే కొలతలు వేశారు అధికారులు. తాజాగా మరోసారి తన ఇంటికి మున్సిపల్ అధికారులు కొలతలు వేస్తున్నారని తెలుసుకొని తాడిపత్రి బయలుదేరారు కేతిరెడ్డి పెద్దారెడ్డి. పుట్లూరు వద్ద కేతిరెడ్డి పెద్దారెడ్డిని అడ్డుకున్నారు పోలీసులు. మధ్యాహ్నం మూడు గంటల తర్వాత కేతిరెడ్డి పెద్దారెడ్డి తాడిపత్రి వెళ్లాలని సూచించారు జిల్లా ఎస్పీ. అటు తాడిపత్రిలో జేసీ ప్రభాకర్ రెడ్డి, కేతిరెడ్డి పెద్దారెడ్డి ఇంటి వద్ద భారీగా పోలీసు బందోబస్తు నిర్వహిస్తున్నారు. దీంతో తాడిపత్రిలో హై టెన్షన్ వాతావరణం నెలకొంది.
|
|