ఈ మెడికల్ కాలేజీ కట్టింది నువ్వా చంద్రబాబు?
Andhra Pradesh Telugu | Suryaa Desk | Published : Fri, Sep 12, 2025, 12:24 PM
వైయస్ఆర్సీపీ ప్రభుత్వ హయాంలో నిర్మాణం మొదలుపెట్టిన ప్రభుత్వ మెడికల్ కాలేజీలను ప్రయివేటీకరణ చేయాలన్న కూటమి ప్రభుత్వ నిర్ణయంపై మాజీ మంత్రి గుడివాడ అమర్నాధ్ ఆగ్రహం వ్యక్తం చేశారు. పీపీపీ విధానంలో 10 వైద్య కళాశాలను ప్రయివేటీకరణ చేయాలన్న నిర్ణయం అత్యంత దుర్మార్గమని మండిపడ్డారు. ప్రభుత్వం తీసుకున్న నిర్ణయాన్ని ఉపసంహరించుకునేంతవరకు వైయస్ జగన్ మోహన్ రెడ్డి నేతృత్వంలో కలిసివచ్చే ప్రజాసంఘాలు, రాజకీయ పార్టీలతో వైయస్ఆర్సీపీ పోరాటం చేస్తుందని హెచ్చరించారు. వైయస్ఆర్సీపీ హయాంలో నిర్మాణం ప్రారంభమైన అనకాపల్లి జిల్లా నర్సీపట్నం మెడికల్ కాలేజీని వైయస్ఆర్సీపీ నేతలతో కలిసి ఇవాళ పరిశీలంచిన అమర్నాద్ అనంతరం మీడియాతో మాట్లాడారు. ఇన్నేళ్లు ముఖ్యమంత్రిగా పనిచేసిన చంద్రబాబు తన హయాంలో కనీసం ఒక్క ప్రభుత్వ మెడికల్ కాలేజీ నిర్మాణం ఎందుకు చేపట్టలేదని అమర్ నిలదీశారు.
|
|