ట్రెండింగ్
హిందూ ఆలయాల భూములను అన్యాక్రాంతం చేస్తున్నారు
Andhra Pradesh Telugu | Suryaa Desk | Published : Sat, Sep 13, 2025, 11:26 AM
సీఎం చంద్రబాబు, మంత్రి నారా లోకేష్ల కనుసన్నల్లో రాష్ట్రంలో హిందూ ఆలయాలకు చెందిన వేల కోట్ల రూపాయల విలువైన భూములను అన్యాక్రాంతం చేస్తున్నారని వైయస్ఆర్సీపీ గుంటూరు పార్లమెంట్ నియోజకవర్గ పరిశీలకులు పోతిన మహేష్ మండిపడ్డారు. తాడేపల్లి వైయస్ఆర్సీపీ కేంద్ర కార్యాలయంలో మీడియాతో మాట్లాడుతూ కేవలం వారం రోజుల్లోనే ఏకంగా రూ.1500 కోట్ల విలువైన ఆలయ భూములు కావాల్సిన వారికి దోచిపెట్టే ప్రయత్నం చేశారని ఆగ్రహం వ్యక్తం చేశారు. హిందు ధర్మాన్ని కాపాడటమే తన ధ్యేయం అని చెప్పుకునే డిప్యూటీ సీఎం పవన్ కళ్యాణ్ ఈ ఆలయ భూముల దోపిడీపై ఎందుకు మౌనంగా ఉన్నారని ప్రశ్నించారు. ఇదేనా సనాతన ధర్మాన్ని కాపాడటమంటే అని నిలదీశారు.
|
|