గురువు వక్రగమనం: ధనవర్షం కురిసే 4 అదృష్ట రాశులు!

దేవతల గురువు అయిన బృహస్పతి జ్ఞానం, ఆధ్యాత్మికత, వివాహం, సంతానం, సంపదలకు కారకుడిగా పరిగణించబడతాడు. ఆయన కృప ఉంటే జీవితం ప్రశాంతంగా, ప్రగతిశీలంగా సాగుతుంది. జీవిత లక్ష్యం వైపు మనల్ని నడిపించే శక్తి కూడా ఆయనకే ఉంది.సాధారణంగా బృహస్పతి సంవత్సరానికి ఒక్కసారి రాశి మారుస్తాడు. ఈ ఏడాది నవంబర్ 11వ తేదీన ఆయన కర్కాటక రాశిలో తిరోగమనంలోకి ప్రవేశించనున్నాడు. కర్కాటకం అంటే చంద్రుని సొంతరాశి. ఆ తర్వాత డిసెంబర్ 4న ఆయన తిరోగమనంలోనే మిథున రాశిలోకి వెళ్లనున్నాడు. ఈ స్థితిలో బృహస్పతి నాలుగు నెలల పాటు ఉండనున్నాడు. ఈ కాలంలో కొన్ని రాశుల వారికి ఆయన అనుగ్రహం విశేషంగా కలసి రానుంది.
*మిథున రాశి:ఈ కాలంలో మిథున రాశి వారికి సమాజంలో మంచి గుర్తింపు లభిస్తుంది. మీ మాటలకు ప్రాధాన్యం పెరుగుతుంది. ప్రతిష్ట, కీర్తి మరింతగా పెరుగుతాయి. నిరుద్యోగులకు కొత్త అవకాశాలు అందుతాయి. ఉద్యోగంలో ఉన్నవారికి కొత్త బాధ్యతలు, హోదా పెరుగుతుంది. కానీ పెట్టుబడుల విషయంలో జాగ్రత్త అవసరం — వృద్ధుల సలహా తీసుకోకపోతే నష్టాలు ఎదురయ్యే అవకాశం ఉంది. నవగ్రహాలకు ప్రదక్షిణ చేసి బృహస్పతిని పూజించడం మంచిది.
*తులా రాశి: తులా రాశివారికి ఇది సంబరాల సమయం కానుంది. వ్యాపారంలో కీలక మలుపులు చోటు చేసుకుంటాయి. ఆదాయం గణనీయంగా పెరుగుతుంది. కుటుంబం మొత్తం ఆనందంలో మునిగిపోతుంది. గతంతో పోల్చుకుంటే, ఇప్పుడు ఆర్థికంగా ఎంతో మెరుగైన స్థితిలో ఉంటారు. అనేక అవకాశాలు స్వయంగా వచ్చి తలుపుతట్టే అవకాశం ఉంది. వాటిని గమనించి సద్వినియోగం చేసుకుంటే భవిష్యత్తు మరింత శోభించనుంది. బృహస్పతిపై విశ్వాసంతో ముందుకు సాగితే ఫలితం మించి ఉంటుంది.
*వృషభ రాశి:ఈ రాశివారికి ఆత్మవిశ్వాసం, ధైర్యం మరింత పెరుగుతుంది. ఏ పని మొదలుపెట్టినా విజయవంతంగా పూర్తిచేసే తత్వం పెరుగుతుంది. ముఖ్యంగా కమ్యూనికేషన్ రంగంలో ఉన్నవారికి ఇది మంచి కాలం. వ్యాపారవేత్తలకూ అనుకూల సమయం. మొత్తం మీద ఈ సమయాన్ని అదృష్ట కాలంగా చెప్పవచ్చు. అనేక అనుకోని లాభాలు కలసివస్తాయి.
*కన్యా రాశి: కన్యా రాశివారికి ఉద్యోగంలో పదోన్నతులు, పెరిగిన వేతనాలు, కొత్త ఆదాయ మార్గాలు లభించే అవకాశముంది. భౌతిక సౌకర్యాలు పెరిగినప్పటికీ వాటిని సరిగా ఉపయోగించుకోవడం ముఖ్యం. ఆధిక్యంలోకి వచ్చేసినప్పుడు ఫిజికల్ లగ్జరీకి బానిస కాకుండా, కొంత ఆత్మ నియంత్రణ అవసరం. ఈ సమయంలో వీరికి అనేక సానుకూల ఫలితాలు లభిస్తాయి.