ముఖాన్ని ఇన్స్టంట్గా మెరిపించే అలోవెరా ఐస్క్యూబ్స్, ఒక్కటి రాస్తే చాలు ఫేషియల్ గ్లో మీ సొంతం
Life style | Suryaa Desk | Published : Sat, Sep 13, 2025, 10:17 PM
అలోవెరాతో మనం ఏదైనా టిప్ ఫాలో అయ్యేటప్పుడు అది మనకి పడుతుందా లేదా చెక్ చేసుకోవాలి. నిజానికీ అలోవెరాలో పుష్కలంగా యాంటీ ఆక్సిడెంట్స్తో పాటు విటమిన్స్ ఎ, సి, ఈలు ఉంటాయి. దీంతో పాటు బి12, ఫోలిక్ యాసిడ్, కొలైన్ ఉంటాయి. యాంటీ ఆక్సిడెంట్స్ ఫ్రీరాడికల్స్కి వ్యతిరేకంగా పనిచేస్తాయి. అలోవెరా జెల్ని రాయడం వల్ల జిడ్డుతనం తగ్గుతుంది. స్కిన్ ఇరిటేట్ అవ్వకుండా ఉంటుంది. యాక్నే, రెడ్నెస్ తగ్గడమే కాకుండా నల్లని మచ్చలు తగ్గుతాయి. దీని వల్ల చర్మం తనకి తానుగా రిపేర్ చేసుకుంటుంది. అంతేకాదు, కొల్లాజెన్ పెరుగుతుంది. పోర్స్ తగ్గుతాయి. దాదాపుగా ఇది అన్నీ స్కిన్ టెక్చర్స్కి సరిపోతుంది. ఇలాంటి అలోవెరాతో ఐస్ క్యూబ్స్ ఎలా తయారు చేయాలి, వీటిని ఎలా వాడాలో తెలుసుకోండి.
జెల్ తయారీ
ముందుగా తాజా అలోవెరా కొమ్మల్ని తీసుకొచ్చి మొత్తం కడిగి పై గ్రీన్ లేయర్ అంతా తీసేసి లోపలి జెల్ మాత్రమే తీయాలి. ఇందులో 1 టేబుల్ స్పూన్ రోజ్ వాటర్, దోసకాయ రసం ఇది ఆప్షనల్ మాత్రమే, మీకు నచ్చిన ఎసెన్షియల్ ఆయిల్ వేసి మిక్సీ చేయండి. అన్నీ పదార్థాలు కలిశాక వాటిని బయటికి తీసి ఐస్ ట్రేలో వేసి ఫ్రీజ్ చేయండి. రాత్రంతా ఉంచండి. వీటిని మీరు తీసి ఓ ఎయిర్ టైట్ కంటెయినర్లో వేసి స్టోర్ చేయొచ్చు. లేదా ఐస్ ట్రేలోనే ఉంచొచ్చు. వీటిని నెలలు గడిచినా హ్యాపీగా వాడుకోవచ్చు.
స్కిన్కి అప్లై చేయండి
మరుసటి ఉదయానికి అలోవెరా ఐస్క్యూబ్లా తయారువుతుంది. దీనిని నీట్గా కడిగిన ఫేస్కి రాయండి.ముఖం, కళ్ళక చుట్టూ మచ్చలు ఉన్న చోట, మొటిమలు, ఇతర ప్రాబ్లమ్స్ ఉన్న చోట రాయండి. దీని వల్ల చాలా వరకూ రిలాక్స్గా అనిపిస్తుంది. దీని వల్ల చాలా వరకూ మంట, ఎరుపు, మొటిమలు తగ్గుతాయి. ఐబ్రోస్ చేశాక దీనిని రాయొచ్చు. దీంతో మంటగా అనిపించదు. చాలా రిలాక్స్గా ఉంటుంది.
ఈవెనింగ్ పార్టీ టైమ్
మీరు ఏదైనా పార్టీ,ఫంక్షన్కి వెళ్లినప్పుడు గ్లాసీ స్కిన్ కావాలనుకుంటే ముందుగా ముఖం క్లీన్ చేసుకుని ఓ అలోవెరా ఐస్క్యూబ్తో రుద్దండి. తర్వాత ఫౌండేషర్ రాయండి. దీంతో ఫౌండేషన్, మేకప్ చాలా వరకూ ఫ్రెష్గా ఉంటుంది. కేకీ లుక్ ఉండదు. బ్లష్, హైలైటర్ని అప్లై చేసి మెరిసే లుక్ని సొంతం చేసుకోండి. ప్రతీసారి మేకప్ వేసుకునే ముదు ఇది ఫాలో అయితే, మీ లుక్ మొత్తం ఎలివేట్ అవుతుంది. పార్టీలో మీరే సెంటరాఫ్ అట్రాక్షన్ అవుతారు.
సన్ ట్యాన్ దూరం
అలోవెరాని రాయడం వల్ల కలిగే ముఖ్య లాభాల్లో సన్ ట్యాన్ తగ్గడం. తేలికపాటి వడదెబ్బ వల్ల కలిగే స్కిన్ డ్యామేజ్ని తగ్గిస్తుంది. చర్మాన్ని చల్లబరుస్తుంది. ట్యాన్ తగ్గేందుకు, ఈ ఐస్ క్యూబ్స్ హెల్ప్ చేస్తాయి. అంతేకాదు, పిగ్మంటేషన్, నల్లని మచ్చలు, స్కిన్ ఇరిటేషన్ ఇలాంటి ఎన్నో సమస్యల్ని ఈ అలోవెరా జెల్ క్యూబ్స్ దూరం చేస్తాయి.
పసుపు, గ్లిజరిన్
మీకు మొటిమలు, ఇతర స్కిన్ ప్రాబ్లమ్స్ ఉంటే మీరు చిటికెడు పసుపు, గ్లిజరిన్ కూడా వాడి అలోవెరా ఐస్ క్యూబ్స్ తయారు చేయొచ్చు. వీటిని ముఖానికి రాస్తే మంట, మొటిమలు పూర్తిగా తగ్గుతాయి. పఫీ ఐస్, స్కిన్ ఉబ్బిపోవడం వంటి సమస్యలు కూడా తగ్గి స్కిన్ ఇన్స్టంట్గా మెరుస్తుంది.
తాగొచ్చు కూడా
మీరు స్కిన్కి లోపలి నుంచి మెరుపు తీసుకురావాలనుకుంటే కలబందని జ్యూస్లా చేసి తాగొచ్చు కూడా. ఇందులో విటమిన్స్, ఖనిజాలు, యాంటీ ఆక్సిడెంట్స్ ఉంటాయి. దీని వల్ల బాడీలోని ట్యాక్సిన్స్ బయటికి వెళ్లిపోతాయి. జీర్ణవ్యవస్థ సరిగ్గా ఉంటుంది. హైడ్రేషన్ పెరుగుతుంది. ఇవన్నీ కూడా చర్మాన్ని తాజాగా, ఆరోగ్యంగా, అందంగా కనిపించేలా చేస్తాయి.
|
|