చంద్రబాబు అంటే పేదల వ్యతిరేకి అని మరోసారి నిరూపణ జరిగింది
Andhra Pradesh Telugu | Suryaa Desk | Published : Fri, Sep 19, 2025, 01:17 PM
ఇది పేదల వ్యతిరేక ప్రభుత్వమని మరోసారి నిరూపణ అయ్యిందని వైయస్ఆర్సీపీ అధ్యక్షుడు వైయస్ జగన్ మోహన్ రెడ్డి ఆగ్రహం వ్యక్తం చేశారు. వైయస్ఆర్సీపీ ప్రభుత్వ హయాంలో పేద అక్కచెల్లెమ్మల పేరుతో రిజిస్ట్రేషన్ చేసి మరీ ఇచ్చిన ఇళ్ల స్థలాలను రద్దు చేస్తూ కూటమి ప్రభుత్వం తీసుకున్న నిర్ణయాన్ని వైయస్ జగన్ తీవ్రంగా తప్పుపట్టారు. ఈ మేరకు ఆయన తన ఎక్స్ ఖాతాలో కూటమి ప్రభుత్వ తీరును ఎండగడుతూ ట్వీట్ చేశారు. ఎక్స్ వేదికగా వైయస్ జగన్ ..చంద్రబాబు గారూ… మీకు అధికారం ఇచ్చింది పేదలపై కత్తికట్టడానికా? వారి సొంతింటి కలలను నాశనం చేయడానికా? మీది పేదలకు ఏదైనా ఇచ్చే ప్రభుత్వం కాదని, వారికి అందుతున్నవాటిని తీసివేసే రద్దుల ప్రభుత్వం అని, మీరు పేదల వ్యతిరేకి అని మరోసారి నిరూపణ అయ్యింది. పేద అక్కచెల్లెమ్మలకు రిజిస్ట్రేషన్ చేసిమరీ ఇచ్చిన ఇళ్లస్థలాలను రద్దు చేసే అధికారం మీకు ఎవరు ఇచ్చారు? వాళ్లు ఇళ్లు కట్టుకునేలా అండగా నిలబడాల్సింది పోయి, మా హయాంలో ఇచ్చిన స్థలాలను లాక్కుంటారా? అక్కచెల్లెమ్మల ఉసురు పోసుకుంటారా? తక్షణం ఈ నిర్ణయాన్ని వెనక్కి తీసుకోవాలి అని డిమాండ్ చేసారు.
|
|