వైసీపీకి షాక్..! ముగ్గురు ఎమ్మెల్సీలు టీడీపీ చేరికతో రాజకీయాల్లో సంచలనం..
Andhra Pradesh Telugu | Suryaa Desk | Published : Fri, Sep 19, 2025, 08:38 PM
ఆంధ్రప్రదేశ్లో ఇవాళ విపక్ష వైఎస్ఆర్ కాంగ్రెస్ పార్టీకి భారీ ఎదురు దెబ్బ తగిలింది. ఒక్కరోజే ముగ్గురు శాసనమండలి సభ్యులు పార్టీకి రాజీనామా చేసి అధికార టీడీపీలో చేరిపోయారు. రాజకీయంగా ఉత్కంఠ భరితంగా సాగుతున్న అసెంబ్లీ సమావేశాల నడుమ ఈ పరిణామం ప్రాధాన్యత సంతరించుకుంది.
*టీడీపీలో చేరిన ఎమ్మెల్సీలు:
మర్రి రాజశేఖర్
కర్రి పద్మశ్రీ
బల్లి కళ్యాణ్ చక్రవర్తి
ఈ ముగ్గురు ఎమ్మెల్సీలు ఇప్పటికే వైసీపీ పార్టీకి, తమ పదవులకు రాజీనామా చేసినట్లు ప్రకటించారు. దీనితో వారికి అధికార టీడీపీలో చేరేందుకు గ్రీన్ సిగ్నల్ లభించింది.
*చంద్రబాబు సమక్షంలో టీడీపీ తీర్థం పుచ్చుకున్న ఎమ్మెల్సీలు:ఉండవల్లిలో సీఎం చంద్రబాబు నాయుడు సమక్షంలో ఈ ముగ్గురు ఎమ్మెల్సీలు టీడీపీలో చేరారు. ఈ సందర్భంగా చంద్రబాబు స్వయంగా వారికి పార్టీ కండువాలు కప్పి స్వాగతం పలికారు."మీ సేవలను మేము తగిన విధంగా వినియోగించుకుంటాం" అంటూ ఆశ్వాసం ఇచ్చినట్లు సమాచారం.ఎమ్మెల్సీలు కూడా తమ పార్టీలో చేరికపై సంతృప్తి వ్యక్తం చేస్తూ, వైసీపీ నాయకత్వాన్ని ఉద్దేశించి విమర్శలు గుప్పించారు.
*రాజీనామాల ఆమోదంపై బిగ్ ట్విస్ట్:ఎమ్మెల్సీ పదవులకు రాజీనామా చేసినా, ఇంకా అవి అధికారికంగా ఆమోదించబడలేదని వారు తెలిపారు. గత ఆరు నెలలుగా వేచి చూస్తున్నా, మండలి చైర్మన్ వైఖరితో అసంతృప్తిగా ఉన్నామన్నారు."మా రాజీనామాలను ఎవరో వెనకుండి నడిపిస్తూ అడ్డుకుంటున్నారు. ఇకపై మేమే మండలికి వస్తాం, ఏం చేసుకుంటారో చేసుకోండి" అంటూ మర్రి రాజశేఖర్ ఘాటు వ్యాఖ్యలు చేశారు.
|
|