వాహన మిత్ర దరఖాస్తులో సమస్యలా.. వెంటనే ఈ పని చేయండి

ఏపీలో ఉచిత బస్సు పథకం అమలుతో ఇబ్బందులు పడుతున్న ఆటో డ్రైవర్లను ఆదుకునేందుకు ప్రభుత్వం వాహన మిత్ర పథకం అమలు చేయనున్నట్లు ప్రకటించిన సంగతి తెలిసిందే. ఆటో రిక్షాతో పాటుగా మోటార్‌ క్యాబ్, మ్యాక్సీ క్యాబ్‌ డ్రైవర్లకు వాహనమిత్ర పథకం కింద రూ.15,000 ఆర్థిక సాయం అందించనున్నారు. వాహనమిత్ర పథకం కోసం ఇప్పటికే మార్గదర్శకాలు జారీ కాగా.. దరఖాస్తుల స్వీకరణ గడువు కూడా ముగిసింది. సెప్టెంబర్ 17 నుంచి సెప్టెంబర్ 19 వరకూ దరఖాస్తులు స్వీకరించారు. గ్రామ, వార్డు సచివాలయాల ద్వారా దరఖాస్తులు స్వీకరణ చేపట్టారు. అయితే వాహన మిత్ర పథకం పై సమస్యలు ఉన్న వారు అర్జీ నమోదు చేసుకునేందుకు సచివాలయాలలో తాజాగా ఆప్షన్ ఇచ్చారు. వాహనమిత్ర పథకంలో ఏవైనా సమస్యలు ఉంటే గ్రామ సచివాలయంలో డిజిటల్ అసిస్టెంట్ ఆఫీసర్, వార్డు సచివాలయంలో డేటా ప్రాసెసింగ్ సెక్రటరీని సంప్రదించాల్సి ఉంటుంది. ఇక అర్జీ నమోదు కోసం కింది ఆప్షన్లు ఇచ్చారు.

మరోవైపు ఆటో, క్యాబ్స్ వాహనదారులు తమ వాహనాలకు మరమ్మతులు, ఫిట్ నెస్ సర్టిఫికేట్, ఇతర అవసరాల కోసం ప్రభుత్వం ఈ సాయం అందిస్తోంది. సొంత వాహనం ఉండి దానిని నడిపే డ్రైవర్లకు ఈ సాయం అందించనున్నారు. అలాగే ఈ పథకం లబ్ధి పొందాలంటే తెల్లరేషన్ కార్డు తప్పనిసరి. అలాగే కుటుంబంలో ఒకరికి మాత్రమే సాయం అందిస్తారు. ప్రభుత్వ ఉద్యోగులు, ఆదాయ పన్ను చెల్లించేవారు అనర్హులు.వెయ్యి చదరపు అడుగులు మించి స్థిరాస్తులు ఉంటే పథకం వర్తించదు. నెలకు 300 యూనిట్ల లోపు మాత్రమే విద్యుత్ వినియోగం ఉండాలి. రిజిస్ట్రేషన్, డ్రైవింగ్‌ లైసెన్స్, వాహన ఫిట్‌నెస్‌ సర్టిఫికేట్ కలిగి ఉండాలి.

అలాగే వాహనం ఏపీలోనే రిజిస్టర్‌ అయి ఉండాలి. ఫిట్‌నెస్‌ సర్టిఫికెట్‌ లేకపోయినా ప్రస్తుతానికి అనుమతిస్తారు. అయితే నెలలోపు ఆ సర్టిఫికెట్‌ సమర్పించాల్సి ఉంటుంది. వాహనాల పేరు మీద ఎలాంటి పెండింగ్ చలాన్లు ఉండకూడదు. మూడు ఎకరాలలోపు మాగాణి. పదెకరాలలో మెట్ట భూమి ఉండాలి. అంతకు మించి ఉంటే వాహనమిత్ర పథకానికి అనర్హులు అవుతారు. సెప్టెంబర్ 22 నాటికి దరఖాస్తుల క్షేత్రస్తాయి పరిశీలన పూర్తి చేస్తారు. 24వ తేదీకి తుది జాబితా తయారు చేస్తారు. అనంతరం రవాణా శాఖకు పంపిస్తారు. అక్టోబర్ ఒకటో తేదీ రూ.15000 అకౌంట్లలో జమ చేస్తారు.