ఒక్క ఆయిల్‌తో మసాజ్ చేస్తే...ముఖంపైవున్న ప్రాబ్లమ్ సాల్వ్

బాదం నూనెలో రెండు రకాలు ఉంటాయి. ఒకటి స్వీట్ బాదం ఆయిల్. మరికాస్తా చేదుగానే ఉంటుంది. ఇందులో స్వీట్‌గా ఉండే ఆయిల్ చర్మానికి చాలా మంచిది. ఇందులో విటమిన్ ఎ ఉంటుంది. విటమిన్ ఎలోని రెటినోల్ కొత్త చర్మ కణాల ఉత్పత్తిని ప్రేరేపిస్తుంది. చర్మంపై వచ్చే సన్నని గీతల్ని తగ్గిస్తుంది. అంతేకాకుండా, ఇందులో విటమిన్ ఈ ఉంటుంది. ఇది యాంటీ ఆక్సిడెంట్‌గా పనిచేస్తుంది. కణాల నష్టాన్ని తగ్గించడంలో, సూర్యుడి వల్ల వచ్చే అతినీలలోహిత కిరణాల నుండి చర్మాన్ని రక్షిస్తాయి. అంతేకాదు, ఈ నూనెలో ఒమేగా 3 ఫ్యాటీ యాసిడ్స్ ఉంటాయి. ఇవి అకాల వృద్ధాప్యాన్ని తగ్గించడంలో ఎండ వల్ల చర్మాన్ని కాపాడడంలో హెల్ప్ చేస్తాయి. బాదం నూనెలోని జింక్ మొటిమలు, ఇతర మచ్చల్ని తగ్గిస్తాయి. అంతేకాకుండా మరే ఇతర లాభాలు ఉన్నాయి. వాటిని పొందేందుకు బాదం నూనెని ఎలా వాడాలో తెలుసుకోండి.

ముఖానికి ఆల్మండ్ ఆయిల్ రాస్తే

బాదం తినడం వల్ల ప్రయోజనాలు చాలా మందికి తెలిసిందే. అయితే, అదే బాదం నూనెని చర్మానికి రాయడం వల్ల కూడా మేలు జరగుతుందని చెబుతున్నారు. వాపు, అండర్ ఐ సర్కిల్స్‌ని తగ్గిస్తుంది. బాదం నూనెలో యాంటీ ఇన్‌ఫ్లమేటరీ గుణాలు చర్మం వాపుని తగ్గిస్తాయి. అంతేకాదు, బాదం నూనె రాయడం వల్ల స్ట్రెచ్ మార్క్స్ చాలావరకూ తగ్గుతాయి. చర్మానికి బాదం నూనె రాయడం చాలా మంచిది.

చర్మ రంగుని మెరుగ్గా చేసేందుకు

బాదం నూనెలోని ఎమోలియంట్ గుణాల కారణంగా ఈ నూనెని ముఖానికి రాయగానే చర్మ రంగు మెరుగ్గా మారుతుంది. ముఖ్యంగా డ్రై స్కిన్‌ని తగ్గించి తామర, సోరియాసిస్ వంటి డ్రై స్కిన్ ప్రాబ్లమ్స్‌‌ని దూరం చేయడానికి బాదం నూనెని వాడొచ్చు. చైనీస్ వైద్యంలో బాదం ఆయిల్ వాడడం వల్ల నల్ల మచ్చలు తగ్గినట్లుగా చెబుతుంటారు. దీనికి కారణం బాదం నూనెలోని విటమిన్ ఈ కంటెంట్. ఇది చర్మాన్ని మృదువుగా చేస్తాయి.

మాయిశ్చరైజర్

బాదం నూనెని ముఖాన్ని ముందుగా క్లీన్ చేసుకుని ఆరిన తర్వాత కొద్దిపరిమాణంలో తీసుకుని చేతుల్లో వేసుకుని వేళ్లతో ముఖానికి అప్లై చేయండి. మాయిశ్చరైజర్‌లో కూడా కొద్దిగా కలపి రాసుకోవచ్చు. రోజూ వాడితే ముడతలు కూడా తగ్గుతాయి. ఇందులోని యాంటీ ఆక్సిడెంట్స్ కారణంగా చర్మ సమస్యలు దూరమవుతాయి.

మొటిమలు తగ్గడానికి

బాదం నూనెలోని ఫ్యాటీ యాసిడ్ కంటెంట్ చర్మంపై అదనపు నూనెని కరిగిస్తుంది. అయితే, ఇందులోని రెటినాయిడ్స్ మొటిమల్ని తగ్గిస్తాయి. కణాలని మెరుగ్గా మారుస్తాయి. ఎండ వల్ల కలిగే నష్టాన్ని తగ్గిస్తాయి. దీనిని రాయడం వల్ల బాదంనూనెలోని విటమిన్ E, UV కిరణాలకి గురి కావడం వల్ల వచ్చే స్కిన్ పిగ్మంటేషన్, ముడతల్ని తగ్గిస్తాయి.

రాసే ముందు

అలర్జీ వంటి సమస్యలు ఉంటే రాయకపోవడమే మంచిది. స్కిన్‌పై బాదం నూనె వాడే ముందు ప్యాచ్ టెస్ట్ చేయండి. మణికట్టు, మోచేయి‌పై ప్యాచ్ టెస్ట్ చేయండి. దీని వల్ల ఎర్రగా మారడం, దురద, వాపు ఉంటే దీనిని వాడకపోవడమే మంచిది. లేదంటే ఇతర సమస్యలు వస్తాయి. కాబట్టి, కచ్చితంగా ముందుగా ప్యాచ్ టెస్ట్ చేయడం మంచిది.

ఎలా వాడొచ్చు

బాదం నూనెని రాత్రి పడుకునే ముందు ముఖానికి రాసి మసాజ్ చేయొచ్చు.

లేదా మేకప్ రిమూవర్‌గా వాడొచ్చు.

ఈ ఆయిల్‌ని రోజ్‌షిప్, లావెండర్, రోజ్ జెరేనియం, నిమ్మ వంటి నూనెలతో కలిపి రాయొచ్చు.

డ్రైనెస్ మరీ పెరిగితే చర్మ సమస్యలొస్తాయి. కాబట్టి, వాటిని దూరం చేయడానికి బాదం ఆయిల్ వాడొచ్చు.

దీనిని ఫేస్‌ప్యాక్, మాస్క్‌లో కూడా రాయొచ్చు.