రాష్ట్రంలో భారీ వర్షాలు, అప్రమత్తమైన అధికారులు
Andhra Pradesh Telugu | Suryaa Desk | Published : Sun, Sep 21, 2025, 04:59 PM
ఆంధ్రప్రదేశ్లో రాగల మూడు గంటల పాటు వాతావరణం అత్యంత కీలకంగా మారనుంది. రాష్ట్రంలోని పలు జిల్లాల్లో పిడుగులతో కూడిన భారీ వర్షాలు కురిసే అవకాశం ఉందని విపత్తుల నిర్వహణ సంస్థ (ఏపీఎస్డీఎంఏ) హెచ్చరికలు జారీ చేసింది. ముఖ్యంగా కాకినాడ, అనకాపల్లి, పల్నాడు (వినుకొండ) జిల్లాల్లో అక్కడక్కడ పిడుగులతో కూడిన అతి భారీ వర్షాలు పడే ప్రమాదం ఉన్నందున ఈ ప్రాంతాలకు 'రెడ్ అలెర్ట్' ప్రకటించారు.వాతావరణ శాఖ అంచనాల ప్రకారం, శ్రీకాకుళం, అల్లూరి సీతారామరాజు, ప్రకాశం జిల్లాల్లో పలుచోట్ల పిడుగులతో మోస్తరు నుంచి భారీ వర్షాలు కురిసే సూచనలు ఉన్నాయని, ఈ జిల్లాలకు 'ఆరెంజ్ అలెర్ట్' జారీ చేసినట్లు అధికారులు తెలిపారు. అదే సమయంలో ఎన్టీఆర్ జిల్లాతో పాటు ఉత్తరాంధ్ర, రాయలసీమలోని మరికొన్ని జిల్లాల్లో తేలికపాటి నుంచి మోస్తరు వర్షాలు పడే అవకాశం ఉందని, ఈ ప్రాంతాలకు 'యెల్లో అలెర్ట్' జారీ చేశారు.వర్షాలతో పాటు బలమైన ఈదురుగాలులు కూడా వీచే అవకాశం ఉందని అధికారులు పేర్కొన్నారు. ఈ నేపథ్యంలో ప్రజలు అత్యంత అప్రమత్తంగా ఉండాలని సూచించారు. పిడుగులు పడే సమయంలో చెట్ల కింద, భారీ హోర్డింగుల వద్ద, శిథిలావస్థలో ఉన్న భవనాలకు సమీపంలో ఆశ్రయం పొందవద్దని గట్టిగా హెచ్చరించారు. వాతావరణం సాధారణ స్థితికి వచ్చే వరకు ప్రజలు సురక్షిత ప్రాంతాల్లోనే ఉండాలని, రైతులు, కూలీలు తగిన జాగ్రత్తలు తీసుకోవాలని విజ్ఞప్తి చేశారు.
|
|