రాజకీయాల్లోకి వ్యక్తిగత దూషణలు.. బిహార్ ఎన్నికల ప్రచారంలో మోదీ తల్లిపై అనుచిత వ్యాఖ్యలు

ప్ర‌ధాన మంత్రి న‌రేంద్ర మోదీ త‌ల్లికి బిహార్‌లో జ‌రుగుతున్న ‘బిహార్ అధికార్ యాత్ర’లో అవ‌మానం జ‌రిగింద‌ని భార‌తీయ జ‌న‌తా పార్టీ (బీజేపీ) ఆరోపించింది. రాష్ట్రీయ జ‌న‌తాదళ్ (ఆర్జేడీ) యువ నాయ‌కుడు తేజ‌స్వీ యాద‌వ్ ఈ యాత్ర చేప‌డుతున్నారు. ఈ సంద‌ర్భంగా ఓ స‌మావేశంలో మోదీ త‌ల్లిపై అనుచిత వ్యాఖ్య‌లు చేశార‌ని, ఆయ‌న ప‌లు విమర్శ‌న‌లు ఎదుర్కొంటున్నారు. ఈ వ్య‌వ‌హారం ప్ర‌స్తుతం బిహార్ ఎన్నిక‌ల్లో ఒక హాట్ టాపిక్ అయింది.
బిహార్ ఎన్నిక‌ల్లో విజ‌యం కోసం ఆర్జేడీ చేప‌ట్టిన యాత్ర‌లో ఆ పార్టీ కార్య‌క‌ర్త‌లు కొంద‌రు ప్ర‌ధాని మోదీ త‌ల్లిని దూషించార‌ని బీజేపీ పేర్కొంది. అభ్యంత‌ర‌క‌ర వ్యాఖ్య‌లు చేస్తుంటే ఆపాల్సింది పోయి, వాటిని ప్రోత్స‌హించార‌ని తేజ‌స్వీపై బీజేపీ నేత‌లు మండిప‌డ్డారు. ఇది ప్ర‌ధాని మోదీనే కాదు, ఒక త‌ల్లిని అవ‌మానించ‌డ‌మేనని వారు అన్నారు.
దీనిపై ఆర్జేడీ ఇంకా స్పందించ‌లేదు. అయితే, బీజేపీ నేత‌లు తేజ‌స్వీ యాద‌వ్‌ను క్ష‌మాప‌ణ‌లు చెప్పాల‌ని డిమాండ్ చేస్తున్నారు. ఎన్నిక‌ల నేప‌థ్యంలో ఇలాంటి వ్య‌క్తిగ‌త విమ‌ర్శ‌లు చేయ‌డం స‌రికాద‌ని వారు అంటున్నారు. ఈ ఘ‌ట‌న‌పై ఎన్నిక‌ల క‌మిష‌న్‌కు కూడా ఫిర్యాదు చేయాల‌ని ఆలోచిస్తున్న‌ట్లు బీజేపీ నేత‌లు చెబుతున్నారు.
ఈ ఘ‌ట‌న రాజ‌కీయ దుమారం రేపుతోంది. ఒక‌వైపు అభివృద్ధి, సంక్షేమంపై చ‌ర్చ జ‌ర‌గాల‌ని ప‌ట్టుబ‌డుతున్న బీజేపీ.. ఇప్ప‌టివ‌ర‌కు ఈ అంశాన్ని బ‌ల‌మైన‌ ప్ర‌చారాంశంగా మార్చింది. ఈ ఘ‌ట‌న‌పై తేజ‌స్వీ యాద‌వ్ ఎలా స్పందిస్తారనేది కీల‌కం కానుంది. బిహార్ రాజ‌కీయాల్లో ఈ అంశం మ‌రిన్ని మ‌లుపులు తిరిగే అవ‌కాశం ఉంది.