ఏ టైమ్‌లో ఓట్స్‌ తింటే సరైన విధంగా వెయిట్ లాస్ అవుతారంటే

ఓట్స్‌లో పోషకాలు పుష్కలంగా ఉంటాయి. ఇక వీటిని అనేకరకాలుగా తీసుకోవచ్చు. ఓట్స్ మొక్కల నుంచి తయారు చేస్తారు. వీటిని మనం పాలలో, పొరిడ్జ్‌లా చేసి తీసుకుంటాం. ఓట్స్‌లో పుష్కలంగ ఫైబర్, ప్రోటీన్, మెగ్నీషియం, పొటాషియం వంటి ముఖ్య పోషకాలు ఉంటాయి. అంతేకాకుండా, ఇందులో బీటా గ్లూకాన్ అనే ముఖ్యమైన ఫైబర్ ఉంటుంది. ఇది గుండె ఆరోగ్యానికి మంచిది. దీనిని తీసుకోవడం వల్ల రక్తంలో చక్కెర స్థాయిలు సరిగ్గా ఉంటాయి. ఓట్స్‌లో గ్లూటెన్ ఉండదు. దీంతో గ్లూటెన్ అంటే పడనివారు కూడా తీసుకోవచ్చు. ఓట్స్‌లో ఫైబర్ పుష్కలంగా ఉంటుంది. ఇవి తినగానే మనకి కడుపు నిండిన ఫీలింగ్‌ని ఇస్తాయి. అంతేకాకుండా, జీర్ణక్రియకి హెల్ప్ చేస్తాయి. వీటిని తీసుకోవడం వల్ల ఎక్కువగా తినం. ఓట్స్‌లోని కరిగే ఫైబర్, పోషకాలు కడుపు నిండినట్లుగా చేస్తాయి. ఆకలిని తగ్గిస్తాయి.

బరువు తగ్గేందుకు ఓట్స్ ఎలా పనిచేస్తాయి. 

ఓట్స్ తీసుకోవడం వల్ల నెమ్మదిగా జీర్ణమవుతాయి. దీంతో రక్తంలో చక్కెర స్థాయిలు స్థిరగంగా ఉండి క్రేవింగ్స్ తగ్గుతాయి. ఇతర ధాన్యాలతో పోలిస్తే ఓట్స్‌లో ప్రోటీన్ పుష్కలంగా ఉంటుంది. ఇవి కండరాల పెరుగుదలకి హెల్ప్ చేస్తాయి. ఓట్స్‌లో కరిగే ఫైబర్, బీటా గ్లూకాన్‌లు పుష్కలంగా ఉంటాయి. దీంతో చాలాసేపటి వరకూ కడుపు నిండినట్లుగా ఉంటాయి. దీంతో ఆకలి తగ్గుతుంది. రక్తంలో చక్కెర స్థాయిలు తగ్గుతాయి. ఓట్స్‌లో లో గ్లైసెమిక్ ఇండెక్స్ ఉంటాయి. అవి శక్తిని నెమ్మదిగా విడుదల చేస్తాయి. రక్తంలో చక్కెర, క్రాష్‌లని తగ్గిస్తాయి. ఇందులోని ఫైబర్ కండరాల నిర్వహణకి మంచివి. కాబట్టి, వీటిని చక్కగా తినొచ్చు. వీటిని ఎలా తినాలంటే

ఓవర్‌నైట్ సోక్డ్ ఓట్స్

కావాల్సిన పదార్థాలు

అరకప్పు ఓట్స్

కొన్ని చియా సీడ్స్

కొన్ని అవిసెలు

పాలు

పాల బదులు పెరుగు తీసుకోవచ్చు

మీకు నచ్చిన పండ్లు

గుప్పెడు డ్రైఫ్రూట్స్

కొద్దిగా యాలకుల పొడి

ఓ బౌల్​

ఎలా తయారు చేయాలి.

ముందుగా బౌల్‌లో ఓట్స్ వేయండి.

ఇందులోనే పాలు వేయండి.

తర్వాత యాలకుల పొడి, డ్రైఫ్రూట్స్, సీడ్స్ వేయండి వేయండి.

వీటన్నింటిని బాగా కలిపి రాత్రంతా ఫ్రిజ్‌లో ఉంచండి.

ఉదయానికి కాస్తా క్రీమీగా అవుతాయి.

ఉదయాన్నే పండ్ల ముక్కలు వేయండి.

ఉదయాన్నే ఈ బ్రేక్‌ఫాస్ట్ తినండి. దీంతో కడుపు నిండుగా ఉంటుంది. చాలా సేపటి వరకూ దీంతో బరువు కూడా తగ్గుతారు. ​

ఓట్స్ చీలా

కావాల్సిన పదార్థాలు

అరకప్పు ఓట్స్, వీటిని మీరు మందంగా పౌడర్‌లా చేసి తీసుకోవచ్చు.

అరకప్పు శనగపిండి

ఉప్పు, మిరియాల పొడి రుచికి సరిపడా

ఉల్లి తరుగు

టమాట తరుగు

కొద్దిగా జీలకర్ర, కొద్దిగా వాము

పసుపు

ఆమ్చూర్ పౌడర్

ఇంగువ

ధనియాల పొడి

అల్లం తురుము

పచ్చిమిర్చి తరుగు

కొద్దిగా ఆవనూనె

గుడ్డు(ఆప్షనల్)

నీరు పిండి కలపడానికి సరిపడా​

ఎలా తయారు చేయాలి

ఓ పెద్దగిన్నె తీసుకోవాలి.

అందులో మొత్తం పదార్థాలు వేసి నీరు కూడా వేయాలి. మీరు గుడ్డు కలపాలనుకుంటే ఈ టైమ్‌లోనే గుడ్డు పగలగొట్టి వేయండి.

పదార్థాలన్నీ బాగా కలపండి.

పిండిని దోశపిండిలా కలపండి.

ఈ పిండిని దోశ పాన్‌పై కొద్దిగా నూనె వేసి దోశల్లా వేయండి.

తక్కువ మంటపై ఫ్రై చేయండి.

రెండువైపులా కాల్చి వాటిని తినండి.

​మసాలా ఓట్స్ కిచ్డి

కావాల్సిన పదార్థాలు

అరకప్పు ఓట్స్

అరకప్పు అన్నీ పప్పులు

అల్లం తరుగు

వెల్లుల్లి తరుగు

పచ్చిమిర్చి తరుగు

బంగాళాదుంపల్ని చిన్న ముక్కలుగా కట్ చేయాలి

టమాటల్ని చిన్న ముక్కలుగా కట్ చేయాలి.

ఉల్లి తరుగు

పచ్చి బఠానీలు

క్యాప్సికమ్ తరుగు

కాలీఫ్లవర్ తరుగు

అరటీస్పూన్ నెయ్యి

చిటికెడు ఇంగువ

పసుపు

బిర్యానీ ఆకులు

యాలకులు

దాల్చిన చెక్క

లవంగాలు

జీలకర్ర

వాము

ఉప్పు, నల్ల మిరియాల పొడి రుచికి సరిపడా

నీరు సరిపడా

ఎలా తయారుచేయాలి

ముందుగా పప్పులన్నింటినీ వేసి ఉడికించాలి.

ఇప్పుడు మరో పాన్‌లో జీలకర్ర, వాము, బిర్యానీ ఆకులు, లవంగాలు, దాల్చిన చెక్క, అల్లం, వెల్లుల్లి, ఇంగువ, ఉల్లిపాయలు వేసి పోపు చేయాలి. చివర్లో టమాటలు వేయాలి.

టమాటలు ఉడికిన తర్వాత మిగిలిన కూరగాయలు వేయండి.

ఇప్పుడు పప్పు కూడా వేసి బాగా కలపండి. ఉప్పు, మిరియాల పొడి వేసి బాగా కలపండి.

చివర్లో ఓట్స్ వేయండి.

తర్వాత కొద్దిగా నీరు వేయండి.

ఉడికిన తర్వాత మంట ఆఫ్ చేయండి.

ఏ టైమ్‌లో తినాలి

ఓట్స్ బరువు తగ్గడానికి ఎప్పుడైనా తినొచ్చు. కానీ, బరువు తగ్గడానికి తినాలనుకున్నప్పుడు బ్రేక్‌ఫాస్ట్‌లో తినాలి. దీనికి కారణం రోజంతా కూడా యాక్టివ్‌గా ఉంటారు. పోషకాలు రోజు మొత్తానికి ఎనర్జీని అందిస్తాయి. కడుపు నిండినట్లుగా ఉంటుంది. దీంతో క్రేవింగ్స్ ఉండవు. అన్‌హెల్దీ స్నాక్స్ తీసుకోవాలనిపించదు.