రక్తం చిక్కగా మారితే గుండె సమస్యలు, స్ట్రోక్స్ తప్పవ్

డీహైడ్రేషన్, క్యాన్సర్, షుగర్, జన్యులోపాల వంటి కారణాల వల్ల చాలా వరకూ రక్తం చిక్కబడుతుంది. రక్తం చిక్కబడితే గుండె సమస్యలు, స్ట్రోక్ వంటి తీవ్ర సమస్యలొస్తాయి. ఆధునిక జీవనశైలి, అనారోగ్యకరమైన ఆహారపు అలవాట్లు, ఒత్తిడి పెరగడం వంటి కారణాల వల్ల చాలా వరకూ రక్తం మందంగా మారుతుంది. వీటితో పాటు వయసు పెరగడం, 65 ఏళ్లు దాటినవారిలో రక్తం గడ్డకడుతుంది. గర్భం, అధిక బరువు, క్యాన్సర్, అన్‌వాంటెడ్ పిల్స్ తీసుకోవడం, హార్మోన్ ట్రీట్‌మెంట్, ధూమపానం, సరిలేని లైఫ్‌స్టైల్ కారణంగా రక్తం గడ్డకడుతుంది. దీని వల్ల హెల్త్ ఎఫెక్ట్ అవుతుంది. ఈ సమస్య ప్రారంభ లక్షణాలు వెంటనే స్పష్టంగా కనిపించకపోవచ్చు. కానీ, వీటిని ముందుగానే గుర్తించాలి. లేదంటే చాలా సమస్యలు వస్తాయి. మన బాడీలో అత్యంత ముఖ్యమైన రక్తంలో ఎలాంటి సమస్యలు రాకుండా చూసుకోవాలి. అయితే, నేచురల్‌గానే రక్తాన్ని పల్చబరిచేందుకు కొన్ని ఫుడ్స్ హెల్ప్ చేస్తాయి. ఇవి మీ డాక్టర్‌తో మాట్లాడి తర్వాత తీసుకోవచ్చు.

మిరియాలు

మిరియాలు తీసుకోవడం వల్ల రక్తం పల్చగా మారుతుంది. వీటిని మనం సూప్స్‌లో కలిపి తీసుకోవచ్చు. మామూలుగా వంటల్లో వాడతాం. వీటిలోని సాలిసిలైట్స్ కారణంగా రక్తం చిక్కబడకుండా ఉంటుంది. వీటిని మనం మసాలాల్లో కలిపి తీసుకోవచ్చు. వీటిని తీసుకోవడం వల్ల బీపి కూడా కంట్రోల్ అవుతుంది. రక్తసరఫరా పెరుగుతుంది. ఎక్కువ పరిమాణంలో తీసుకోవద్దు. తీసుకునే ముందు డాక్టర్ సలహా తీసుకోవడం మంచిది.

విటమిన్ ఇ

విటమిన్ ఇ అనేది మనం తీసుకునే మోతాదుని బట్టి ఉంటుంది. వీటిని ఎక్కువ మోతాదులో తీసుకోవద్దు. డాక్టర్ సలహాతో సప్లిమెంట్స్ రూపంలో తీసుకోవచ్చు. వీటిని మనం ఫుడ్స్ ద్వారా కూడా పొందొచ్చు. బాదం, సన్ ఫ్లవర్ ఆయిల్, సన్‌ఫ్లవర్ నట్స్, పీనట్ బటర్, గ్రెయిన్స్ వంటివాటి నుంచి పొందొచ్చు. అయితే పరిమాణం ముఖ్యం. దీనికోసం ముందగా డాక్టర్ సలహా తీసుకోవాలి.

అల్లం

​అల్లం యాంటీ ఇన్‌ఫ్లమేటరీ గుణాలు ఉన్న మరో అద్భుత పదార్థం. దీనిని తీసుకోవడం వల్ల బ్లడ్ గడ్డకట్టకుండా నిరోధిస్తుంది. అల్లంలో సాలిసైలేట్స్ ఉన్నాయి. అల్లంలోని గుణాలు రక్తాన్ని పల్చబరుస్తాయి. దీనికోసం అల్లాన్ని తాజాగా లేదా ఎండబెట్టి తీసుకోవచ్చు. వీటిని వంటల్లో యాడ్ చేయొచ్చు. అల్లంని టీలా చేసి తాగొచ్చు. రసాలు, స్మూతీలో కూడా కలిపి తాగొచ్చు.

పసుపు

పసుపు మన వంటలకి రంగుని ఇవ్వడమే కాదు, ఇందులోని కుర్కుమిన్ ఎంతగానో మేలు చేసే గుణం కలిగినది. ఇది రక్తం గడ్డకట్టకుండా చేస్తుంది. పసుపులోని రక్తాన్ని పలుచబరిచే గుణాలు ఉన్నాయి. కొన్ని పరిశోధనల ప్రకారం పసుపు రక్తం గడ్డకుండా నిరోధిస్తుంది. అయితే, దీనిని తీసుకున్నప్పుడు రక్తాన్ని పల్చబరిచే మందులు తీసుకోవద్దని గుర్తుంచుకోండి. అందుకే, వీటిని ఎలా వాడాలి. ఎంత పరిమాణంలో తీసుకోవాలనేది ముందుగా డాక్టర్ సలహా తీసుకోవడం మంచిది. సాధారణంగా వంటల్లో అంటే కూరలు, సూప్, వేడి నీటిలో కలిపి తీసుకోవచ్చు. డాక్టర్ సలహాతో క్యాప్సూల్ రూపంలో కూడా తీసుకోవచ్చు.

వెల్లుల్లి

వెల్లుల్లి కూడా చాలా మంచిది. ఇందులో యాంటీ థ్రాంబోటిక్ రక్తాన్ని గడ్డకట్టడాన్ని నివారిస్తుంది. కొన్ని పరిశోధనల ప్రకారం, వెల్లుల్లి సప్లిమెంట్స్ రక్తపోటుని కూడా తగ్గిస్తాయని తేలింది. ఓ సమీక్ష ప్రకారం, వెల్లుల్లి సహా కొన్ని ఫుడ్స్ ప్లేట్‌లెట్ పనితీరు, గడ్డకట్టడాన్ని ఎఫెక్ట్ చేస్తాయి. వీటిని వంటల్లో వేసి తీసుకోవచ్చు. బేకింగ్ చేసేటప్పుడు పిండిలో కలపొచ్చు. డాక్టర్ సలహాతో మనం మరికొన్ని రకాలుగా తీసుకోవచ్చు.