డీఎఫ్ఎస్ఏ హెచ్చరిక: హెచ్డీఎఫ్సీ బ్యాంకు కొత్త ఖాతాదారులను అంగీకరించవద్దు
national | Suryaa Desk | Published : Sat, Sep 27, 2025, 10:43 PM
హెచ్డీఎఫ్సీ బ్యాంకుకు దుబాయ్ ఫైనాన్షియల్ సర్వీసెస్ అథారిటీ (DFSA) షాక్ ఇచ్చింది. హెచ్డీఎఫ్సీ దుబాయ్ ఇంటర్నేషనల్ ఫైనాన్షియల్ సెంటర్ (DIFC) బ్రాంచ్ కొత్త కస్టమర్లను తీసుకోవడంపై నిషేధం విధించింది.ఈ ఆదేశాలు సెప్టెంబర్ 26 నుండి అమలులోకి వచ్చాయి మరియు తదుపరి నోటీసు విడుదలైనప్పటి వరకు ఈ ఆర్డర్ వర్తించనుంది. అందువల్ల, అప్పటి వరకు బ్యాంక్ కొత్త ఆర్థిక ఉత్పత్తులకు సంబంధించిన సలహాలు ఇవ్వడం, ఇన్వెస్ట్మెంట్ డీల్స్, క్రెడిట్ సంబంధిత సలహాలు, కస్టడీ సర్వీసులు వంటి పలు ఆర్థిక సేవలను నిలిపివేయాలి. అంతే కాదు, కొత్త ఆర్థిక ప్రచారాల్లో కూడా బ్యాంక్ పాల్గొనకూడదు. కానీ ఇప్పటికే ఉన్న ఖాతాదారులు తమ సేవలను యథావిధిగా పొందవచ్చు.డీఎఫ్ఎస్ఏ ఆదేశాలు పాటించడానికి బ్యాంక్ సిద్దమై ఉందని హెచ్డీఎఫ్సీ ఒక ప్రకటనలో వెల్లడించింది. ఈ సమస్యను త్వరగా పరిష్కరించేందుకు, డీఎఫ్ఎస్ఏతో కలిసి పని చేయడానికి కట్టుబడి ఉన్నట్లు తెలిపింది.సెప్టెంబర్ 23 నాటికి, దాని డీఐఎఫ్సీ బ్రాంచ్లో జాయింట్ ఖాతాదారులు సహా మొత్తం 1,489 మంది ఖాతాదారులు ఉన్నారు అని హెచ్డీఎఫ్సీ తెలిపింది. అయితే, ఈ ఆర్డర్ బ్యాంకు మొత్తం కార్యకలాపాలు లేదా ఆర్థిక స్థితిపై ఎలాంటి ప్రభావం చూపదని స్పష్టం చేసింది. అలాగే, బ్రాంచ్లో ఉన్న ఖాతాదారులకు నిరంతర సేవలు అందించబడతాయని కూడా హామీ ఇచ్చింది.
|
|