మనీ ప్లాంట్ ఇలా చేస్తే ఒత్తుగా పెరిగి ఇంటి మొత్తానికి తీగ అల్లుకుపోతుంది

ఇదివరకటి రోజుల్లో ఇంటి ముందుచెట్లు పచ్చగా పెంచుకునేవారు. కానీ, ఇప్పుడు స్థలం ఉండట్లేదు. పైగా అంత ఓపిక ఉండట్లేదు చాలా మందికి. చెట్లు ఏపుగా ఒత్తుగా పెరగాలంటే బయటి నుంచి తీసుకొచ్చిన ఫెర్టిలైజర్స్ వేయాలి. ఎక్కువగా కేర్ తీసుకోవాలి. అంత టైమ్ ఎక్కడుంటుంది అనుకుంటారు. కానీ, అలా కాకుండా ఇంట్లోనే ఉండే కొన్ని వస్తువుల్ని మనం ఎరువులా వాడుకోవచ్చు. ముఖ్యంగా మనీ ప్లాంట్ మొక్కకైతే ఇంట్లోని ఎరువులు వేసి పెంచితే చక్కగా ఏపుగా పెరిగి గుబురుగుబురుగా ఉంటాయి. సాధారణంగా ఈ మొక్కల్ని మనం ఇంటికి అదృష్టం తీసుకొచ్చే మొక్కలా భావిస్తాం. అదంతా పక్కనపెడితే ఇల్లు మొత్తం గ్రీనరీగా మారేందుకు ఇంట్లోనే ఏ పదార్థాలు వేయొచ్చో తెలుసుకోండి.

ఎప్సమ్ సాల్ట్

ఎప్సమ్ సాల్ట్‌లో కూడా మెగ్నీషియం సల్ఫేట్ వంటి పోషకాలు ఉంటాయి. ఇవి చెట్లకి పోయడం వల్ల క్లోరోఫిల్ ప్రొడ్యూస్ అవుతుంది. ఇందులోని ప్రోటీన్స్, ఎంజైమ్స్, విటమిన్స్, అమైనో యాసిడ్స్ ఉంటాయి. ఇవి మొక్కలకి అవసరమైన పోషకాలని అందిస్తాయి. దీనికోసం ఓ గ్లాసు నీటిలో ఎప్సమ్ సాల్ట్ కలపండి. అది వాననీరు అయితే మరీ మంచిది. టేబుల్ స్పూన్ పరిమాణంలో ఎప్సమ్ సాల్ట్ వేసి బాగా కరిగేపోయేవరకూ కలపండి. దీనిని చెట్టుకి, చెట్టు మొదళ్లలో స్ప్రే చేయండి.

అరటిపండు తొక్కలు

అరటిపండు తొక్కల్లో పోషకాలు, చెట్ల ఎదుగుదలకి అవసరమైన పొటాషియం, పాస్ఫరస్, కాల్షియం, మెగ్నీషియం వంటివి ఉంటాయి. వీటికోసం తొక్కల్ని కట్ చేసి ఓ కంటెయినర్‌లో వేయాలి. అందులో నీరు పోయండి. దీనిని రోజు కలపండి. రెండు మూడు రోజుల తర్వాత ఆ నీటిని వడగట్టండి. ఆ నీటిని పోయండి. ఇలా రెండు వారాలకి ఓ సారి పోయండి. ఇది సింపుల్ అండ్ నేచురల్ ఫెర్టిలైజర్‌లా పనిచేస్తుంది. దీంతో మనీప్లాంట్ చక్కగా పెరుగుతుంది.

టీ పౌడర్

మనం టీ చేయగా మిగిలిపోయిన టీ పొడిని మనీ ప్లాంట్ మొక్కకి వేయండి. టీ పొడిలో నైట్రోజన్ ఉంటుంది. ఇది మొక్క ఎదుగుదలకి చక్కగా పనికొస్తుంది. దీనిని వేయడం వల్ల మొక్కలు చక్కగా పెరుగుతాయి. పొడుగ్గా, పచ్చగా చక్కగా పెరుగుతాయి. కాబట్టి, టీ పొడి వేయండి. వేస్ట్‌గా పారేసే ఈ టీ పొడి చెట్లకి మంచి ఎరువులా పనిచేస్తుంది. కాబట్టి, చక్కగా దీనిని కూడా ఎరువులా వాడుకోవచ్చు.

పసుపు నీరు

పసుపులోని యాంటీ బ్యాక్టీరియల్ గుణాల కారణంగా ఇవి మట్టిలోని ఫంగల్ కారణాలైన బ్యాక్టీరియాని దూరం చేస్తాయి. చెట్లు చక్కగా పెరిగేలా చేస్తాయి. నీటిలో కొద్దిగా పసుపు కలిపి ఆ నీరు పోయండి. దీంతో చక్కగా పెరుగుతాయి. ఇదో చక్కని నేచురల్ ఫెర్టిలైజర్‌లా పనిచేస్తుంది. ఇది చెట్టు మొదళ్లలో పోస్తే చెట్లలో ఉండే హానికమైన బ్యాక్టీరియా నాశనమై మొక్కలు చక్కగా పెరుగుతాయి.

గుడ్డు పెంకుల పొడి

గుడ్డు పెంకులు కూడా ఎంతో పోషకాలతో నిండి ఉంటాయి. ఇందులో కాల్షియంతో పాటు ముఖ్య పోషకాలు అైన నైట్రోజెన్, పాస్ఫరస్, పొటాషియం, మెగ్నీషియంలతో పాటు ఇతర పోషకాలు ఉంటాయి. ఈ గుడ్డు పెంకుల్ని మెత్తగా చేయాలి. తర్వాత ఆ పొడిని చెట్టు మొదళ్లలో చల్లండి. ఈ పొడరన్‌ని మనం స్టోర్ చేసుకోవచ్చు. దీనిని వేయడం వల్ల చెట్లు ఏపుగా, ఒత్తుగా పెరుగుతాయి.