దేశంలో మద్యం తాగుదలలో నెం.1 రాష్ట్రం ఇదే!
national | Suryaa Desk | Published : Sun, Sep 28, 2025, 09:37 PM
మద్యం వినియోగంలో దక్షిణాది రాష్ట్రాలు మరోసారి దూసుకెళ్తున్నాయి. భారత్లో తయారయ్యే విదేశీ మద్యం (IMFL) వినియోగంలో, కర్ణాటక రాష్ట్రం దేశంలో తొలి స్థానంలో నిలిచింది. ఇక పుదుచ్చేరి రెండో స్థానం, తెలంగాణ మూడో స్థానం, ఆంధ్రప్రదేశ్ నాలుగో స్థానంలో నిలిచాయి. అనంతరం కేరళ మరియు తమిళనాడు రాష్ట్రాలు వరుసగా స్థానాలు దక్కించుకున్నాయి.కన్ఫెడరేషన్ ఆఫ్ ఇండియన్ ఆల్కహాలిక్ బేవరేజెస్ కంపెనీస్ (CIABC) విడుదల చేసిన తాజా నివేదిక ప్రకారం, గత ఆర్థిక సంవత్సరం (FY-25)లో దేశవ్యాప్తంగా వచ్చిన మద్యం ఆదాయంలో 58 శాతం రాబడి దక్షిణాది రాష్ట్రాల నుంచే వచ్చింది. దేశవ్యాప్తంగా 40.17 కోట్ల విస్కీ కేసులు అమ్ముడవగా, వాటిలో 23.18 కోట్ల కేసులు దక్షిణాది రాష్ట్రాల్లోనే వినియోగించబడ్డాయి.కేవలం కర్ణాటక రాష్ట్రం నుంచే 17 శాతం మద్యం అమ్మకాలు నమోదయ్యాయి. ఈ రాష్ట్రం మద్యం వినియోగంలో దేశవ్యాప్తంగా మొదటి స్థానంలో నిలవగా, తెలంగాణలో 3.1 కోట్ల కేసులు, ఆంధ్రప్రదేశ్లో 3.55 కోట్ల కేసులు అమ్ముడయ్యాయి.మరోవైపు ఉత్తరాది రాష్ట్రాల్లో ఉత్తరప్రదేశ్ మద్యం వినియోగంలో ఆరవ స్థానంలో నిలిచింది. అక్కడ 2.50 కోట్ల విస్కీ కేసులు అమ్ముడవగా, రాజస్థాన్, ఢిల్లీ, హర్యానా తదితర రాష్ట్రాలు తర్వాతి స్థానాల్లో నిలిచాయి.ఈ నివేదిక ప్రకారం, దేశవ్యాప్తంగా మద్యం వినియోగం పెరుగుతున్నప్పటికీ, దక్షిణాది రాష్ట్రాల్లో ఈ వినియోగం అత్యధికంగా ఉండటం గమనార్హం. ఈ పరిస్థితి ప్రభుత్వాలకు ఆదాయ వనరులు పెరగడమే కాక, ఆరోగ్య పరంగా తీసుకోవాల్సిన జాగ్రత్తలకూ మార్గనిర్దేశం చేస్తోంది.
|
|