ఈ నీరు తాగితే బీపి, కొలెస్ట్రాల్, షుగర్ అన్నీ కంట్రోల్

హైబీపి లక్షణాలు అంత త్వరగా బయటికి కనిపించవు. హైబీపి ఉన్నవారికి చాలా మంది టెస్ట్ చేసేవరకూ కూడా ప్రాబ్లమ్ గురించి తెలియదు. కాబట్టి, సంవత్సరానికి ఓ సారైనా బీపిని చెక్ చేసుకోవడం ముఖ్యం. హైబీపి తగ్గించుకోవడానికి మనం సరైన లైఫ్‌స్టైల్ ఫాలో అవ్వాలి. యాక్టివ్‌గా వర్కౌట్స్ చేయాలి. పోషకాహారం తీసుకుంటూనే బరువు పెరగకుండా చూసుకోవాలి. ఒత్తిడిని దూరం చేసుకోవాలి. మంచి నిద్ర ఉండేలా చూసుకోండి. బీపిని కంట్రోల్ చేయడం వల్ల గుండెపోటు, హార్ట్ ఫెయిల్యూర్, స్ట్రోక్ , డిమెన్షియా వంటి ఆరోగ్య సమస్యల్ని దూరం చేసుకోవచ్చు. అదే విధంగా, కొన్ని ఇంటి చిట్కాలు కూడా హైబీపిని చాలా వరకూ తగ్గిస్తాయి. అందులో ధనియాల నీరు మెడిసిన్‌లా పనిచేస్తుంది. దీనిని తాగడం వల్ల ఎలా సమస్య తగ్గుతుందో చెబుతున్నారు న్యూట్రిషినిస్ట్ లవ్‌నీత్ భట్రా.

ధనియాల నీరు

​హైబీపిని కంట్రోల్ చేయడంలో ధనియాలు అద్భుతంగా పనిచేస్తాయి. ధనియాలలో గుండెకి మేలు చేసే ఫైబర్‌లు ఉన్నాయి. ధనియాల్లోని కాల్షియ అయాన్స్, రక్తనాళాలో ఉద్రిక్తతని తగ్గిస్తాయి. అంతేకాకుండా ఇవి పేగు పనులని కూడా సరిగ్గా నిర్వహించేలా చేస్తాయి. దీంతో బీపి కంట్రోల్ చేయడం ఈజీ అవుతుంది. ధనియాల నీటిలో విటమిన్ కె, పొటాషియం, మాంగనీస్‌లు ఉంటాయి. ఇవి ఆరోగ్యకరమైన రక్తనాళాలను నిర్వహిస్తాయి. ఈ నీటిని తీసుకోవడం వల్ల హైబీపి తగ్గడానికి హెల్ప్ అవుతుంది.

సోడియం బయటకి

ధనియాల నీరు తాగడం వల్ల మూత్రవిసర్జన పెరుగుతుంది. దీంతో మీ బాడీలో పేరుకుపోయిన అదనపు సోడియం తొలగిపోతుంది. దీని వల్ల చాలావరకూ బ్లడ్‌ప్రెజర్‌ని కంట్రోల్ చేయొచ్చు. దీని వల్ల మూత్రనాళ సమస్యలు కూడా తగ్గుతాయి. కాబట్టి, హ్యాపీగా ధనియాల నీటిని తాగండి. ప్రమాదకరమైన ఆరోగ్య సమస్యల్ని దూరం చేసుకోండి.

జీర్ణ సమస్యలు

ఈ సమస్యలే కాదు, కొత్తిమీర నీటిని తాగితే మనల్ని వేధించే జీర్ణ సమస్యలు కూడా తగ్గుతాయి. అసిడిటీ, గ్యాస్, మలబద్ధకం, ఉబ్బరం ఇలాంటి జీర్ణ సంబంధిత సమస్యలకి చెక్ పెట్టొచ్చు. తినగానే కడుపు ఉబ్బినట్లుగానే అనిపించేవారు రెగ్యులర్‌గా కొత్తిమీర నీటిని తీసుకోవచ్చు. దీంతో ఎలాంటి మెడిసిన్ వాడకుండానే చాలా వరకూ జీర్ణ సమస్యలు తగ్గుతాయి.

లివర్ హెల్త్

ధనియాల్లోని గుణాలు లివర్‌ని డీటాక్సీఫై చేస్తాయి. కాలేయంలో పేరుకుపోయిన ట్యాక్సిన్స్‌ని బయటికి పంపించి ఇన్‌ఫ్లమేషన్‌ని తగ్గిస్తాయి. దీంతో లివర్ పనితీరు తగ్గుతుంది. దీంతోపాటు ధనియాలలోని యాంటీ ఆక్సిడెంట్స్ కారణంగా బాడీలోని ట్యాక్సిన్స్ కూడా తగ్గుతాయి. వీటిలోని యాంటీ ‌ఇన్‌ఫ్లమేటరీ గుణాలు బాడీలోని ఇన్‌ఫ్లమేషన్‌ని తగ్గిస్తుంది.

ధనియాల నీటితో లాభాలు

కొలెస్ట్రాల్‌ని తగ్గించి

బాడీలోని చెడు కొలెస్ట్రాల్‌ని తగ్గించడంలో ధనియాలు ముందుంటాయి. వీటిలోని గుణాల కారణంగా చాలా వరకూ కొలెస్ట్రాల్ తగ్గుతుంది. బరువు కూడా తగ్గుతారు అంతేకాకుండా ఇన్సులిన్ సెన్సిటివిటీని ఇంప్రూవ్ చేసి బ్లడ్ షుగర్ లెవల్స్‌ని కంట్రోల్ చేస్తాయి. ధనియాల్లోని విటమిన్, ఎ, సి, కెలు జుట్టు రాలడాన్ని తగ్గిస్తాయి.

ఎలా తయారుచేయాలి. 

ధనియాల నీటిని చాలారకాలుగా చేయొచ్చు. ఓ గ్లాసు నీటిలో టేబుల్ స్పూన్ పరిమాణంలో ధనియాలు వేసి రాత్రంతా ఉంచి ఉదయాన్నే ఆ నీటిని తాగడం.

లేదంటే కాస్తా అదే నీటిని మరిగించి టీలా తాగడం.

ధనియాలని పొడిలా చేసి గోరువెచ్చని నీటిలో కలిపి తాగడం.

ఇలా నచ్చిన విధంగా చేసుకోవచ్చు.