Tata Capital IPO 2025: అక్టోబర్ 6న రూ.15,000 కోట్లు IPO విడుదల!

భారత స్టాక్ మార్కెట్ మళ్లీ ఐపీఓల హాట్ టాపిక్‌గా మారింది. టాటా గ్రూప్ నుండి భారీ ఐపీఓ imminently రాబోతుంది. ప్రముఖ నాన్-బ్యాంకింగ్ ఫైనాన్షియల్ కంపెనీ టాటా క్యాపిటల్ రూ.15,512 కోట్ల పైగా నిధులు సేకరించేందుకు టాటా క్యాపిటల్ ఐపీఓ 2025ని ప్రారంభించబోతోంది.ఈ ఐపీఓ అక్టోబర్ 6 నుంచి 8 వరకు జరుగుతుంది. ఒక్కో షేరు రూ.310 నుంచి రూ.326 ధరల మధ్య ఉంటుందని నిర్ణయించారు. ఈ ఐపీఓ భారతదేశంలో అత్యంత పెద్ద ఐపీఓలలో ఒకటిగా ఉండే అవకాశం ఉంది.టాటా క్యాపిటల్ భారతదేశంలోని ప్రముఖ నాన్-బ్యాంకింగ్ ఫైనాన్షియల్ సంస్థ. ఇది గృహ రుణాలు, వ్యక్తిగత రుణాలు, వాహన రుణాలు వంటి విభిన్న ఆర్థిక సేవలను అందిస్తుంది. ప్రస్తుతం టాటా సన్స్ సంస్థ టాటా క్యాపిటల్‌లో 88.6 శాతం వాటాను కలిగి ఉంది. మిగతా వాటాలు టాటా ఇన్వెస్ట్‌మెంట్ కార్పొరేషన్, టాటా మోటార్స్, టాటా కెమికల్స్ వద్ద ఉన్నాయి. టాటా సన్స్ తమ వాటాను కొంతమేర తగ్గించే ప్రణాళికలో ఉంది.2025లో ఇప్పటివరకు 74 IPOల ద్వారా సుమారు రూ.85,000 కోట్ల సేకరణ జరిగింది. అక్టోబర్ నెలలో మరో పెద్ద ఇష్యూలు రావడంతో మొత్తం సేకరణ రూ.1 లక్ష కోట్లను దాటే అవకాశముంది. ఇది భారత మార్కెట్ చరిత్రలో మూడవ సారి ఇంత పెద్ద మొత్తంలో సేకరణ జరగడం కావచ్చు. గతంలో 2021లో రూ.1.19 లక్షల కోట్లు, 2024లో రూ.1.6 లక్షల కోట్లు సేకరించబడ్డాయి.టాటా క్యాపిటల్ ఐపీఓతో పాటు, వీవర్క్ ఇండియా కూడా అక్టోబర్ 3 నుంచి 7 వరకు రూ.3,000 కోట్ల IPOని ప్రారంభిస్తోంది. ఇందులో షేరు ధర రూ.615 నుంచి రూ.648 వరకు ఉంది. ఈ ఇష్యూ పూర్తిగా ఆఫర్ ఫర్ సేల్ (OFS) ఆధారంగా ఉండగా, ఎంబసీ గ్రూప్, వీవర్క్ గ్లోబల్ తమ వాటాలను విక్రయిస్తారు. ఈ షేర్లు అక్టోబర్ 10న స్టాక్ మార్కెట్లో లిస్ట్ కానున్నాయి. ఇక LG ఇండియా కూడా అక్టోబర్ మధ్యలో రూ.15,000 కోట్ల IPO విడుదల చేయవచ్చనే అంచనాలు ఉన్నాయి. అందువల్ల 2025లో మొత్తం సేకరణ రూ.1.3 లక్షల కోట్లను దాటే అవకాశం ఉంది.