పాక్‌పై ఆస్ట్రేలియా విజృంభణ – వరల్డ్ కప్‌లో ఘన విజయం

మాజీ చాంపియన్‌ ఆస్ట్రేలియా మహిళల జట్టు వరల్డ్‌కప్‌లో తమ గెలుపుల పరంపరను కొనసాగిస్తోంది. టోర్నీలో తొలుత న్యూజిలాండ్‌ను 89 పరుగుల తేడాతో ఓడించిన ఆసీస్‌, తాజాగా పాకిస్తాన్‌పై 107 పరుగుల భారీ తేడాతో విజయం సాధించింది.బుధవారం, కొలంబోలోని ఆర్‌. ప్రేమదాస స్టేడియంలో జరిగిన మ్యాచ్‌లో, టాస్ ఓడి తొలుత బ్యాటింగ్‌కు దిగిన ఆసీస్‌, ఆరంభంలోనే కొన్ని కీలక వికెట్లు చేజార్చి కష్టాల్లో పడింది. కెప్టెన్ అలిసా హీలీ (20), లిచ్‌ఫీల్డ్‌ (10), ఎలిస్ పెర్రీ (5) త్వరగా ఔట్ అయ్యారు.మూనీ సెంచరీ – అలనా అర్ధ సెంచరీ ఆపై వచ్చిన బ్యాటర్లు కూడా పెద్దగా రాణించకపోవడంతో ఆసీస్‌ 76 పరుగులకే 7 వికెట్లు కోల్పోయి ఒడిదొడుకుల్లో పడింది. అయితే, అదే సమయంలో బెత్ మూనీ (114 బంతుల్లో 109) మరియు అలనా కింగ్‌ (49 బంతుల్లో 51 నాటౌట్‌) జట్టును కాపాడుతూ ఘన భాగస్వామ్యం నిర్మించారు. వీరి శ్రమతో ఆసీస్‌ నిర్ణీత 50 ఓవర్లలో 221/9 పరుగులు చేసింది.ఆసీస్ బౌలర్ల ధాటికి పాక్‌ చేతులెత్తేసింది లక్ష్య ఛేదనలో పాకిస్తాన్ జట్టును ఆస్ట్రేలియా బౌలర్లు ఊపిరాడనీయకుండా చేసారు. కిమ్ గార్త్ బౌలింగ్‌లో మొదటే సదాఫ్ షమాస్ (5) ఔట్ కాగా, మేగన్ షట్ మునీబా అలీ (3)ను పెవిలియన్‌కు పంపింది. సిద్రా ఆమిన్ (35) కొంతసేపు నిలబడినప్పటికీ, ఆమెను ఆష్లే గార్డ్నర్ అవుట్ చేశారు. మిగిలిన బ్యాటర్లు పెద్దగా ఏమీ చేయలేకపోయారు. చివర్లో రమీన్ షమీమ్ (15), నష్రా సంధు (11) పరుగులు చేసినా, ఓటమిని తప్పించలేకపోయారు. పాకిస్తాన్ మొత్తం 36.3 ఓవర్లలో 114 పరుగులకు ఆలౌట్ అయింది.వరుసగా రెండో గెలుపు ఈ విజయంతో ఆసీస్ జట్టు వరుసగా రెండో విజయాన్ని నమోదు చేసుకుంది. కాగా, శ్రీలంకతో ఆడాల్సిన మ్యాచ్‌ వర్షం కారణంగా టాస్ కూడా పడకుండానే రద్దయింది.