నీళ్లలో నానబెట్టిన అంజీర్‌ — దీని ప్రయోజనాలు తెలిసినవాళ్లు షాక్ అవుతారు!

ఆరోగ్యాన్ని కాపాడడంలో అంజీర్‌ (Figs) పండ్లకు విశిష్టమైన స్థానం ఉంది. పురాతన కాలం నుంచే ఆయుర్వేదంలో ఈ పండ్లను ఆరోగ్యవర్ధక ఆహారంగా పేర్కొన్నారు. వీటిలో ఉండే విటమిన్లు, ఖనిజాలు, యాంటీఆక్సిడెంట్లు శరీరాన్ని రోగాల నుండి రక్షించి, శక్తిని పెంచడంలో కీలక పాత్ర పోషిస్తాయి.అంజీర్ పండ్లను క్రమం తప్పకుండా తీసుకోవడం వల్ల జీర్ణక్రియ మెరుగుపడటమే కాకుండా, రోగనిరోధక శక్తి పెరుగుతుంది మరియు రక్త ప్రసరణ సవ్యంగా జరుగుతుంది. అంతేకాకుండా పురుషుల సంతానోత్పత్తి సమస్యలను కూడా తగ్గించడంలో ఇవి సహాయపడతాయని నిపుణులు చెబుతున్నారు.ఈ పండ్లలో ఫైబర్ అధికంగా ఉండడం వలన మలబద్ధకం సమస్య తగ్గుతుంది. పేగులు శుభ్రంగా ఉండి, జీర్ణక్రియ సవ్యంగా కొనసాగుతుంది. అంజీర్ పండ్లలో ఉన్న యాంటీఆక్సిడెంట్లు, పొటాషియం, మెగ్నీషియం వంటి ఖనిజాలు రక్తపోటును నియంత్రించి గుండె వ్యాధుల ప్రమాదాన్ని తగ్గిస్తాయి. అలాగే అంజీర్ ఆకుల రసం మధుమేహ రోగులకు ఎంతో ప్రయోజనకరంగా ఉంటుంది, ఎందుకంటే ఇది ఇన్సులిన్ ప్రభావాన్ని పెంచి రక్తంలో చక్కెర స్థాయిని నియంత్రించడంలో సహాయపడుతుంది.ఎముకలు, దంతాలకు కూడా ఈ పండ్లు ఎంతో మేలు చేస్తాయి. అంజీర్‌లో ఉండే కాల్షియం, ఫాస్ఫరస్, మెగ్నీషియం వంటి పదార్థాలు ఎముకలను బలపరచి దృఢంగా ఉంచుతాయి. అదనంగా, విటమిన్ C, విటమిన్ K మరియు ఇతర యాంటీఆక్సిడెంట్లు శరీరాన్ని ఇన్ఫెక్షన్ల నుండి రక్షిస్తాయి. వీటిలో ఉండే సహజ చక్కెరలు శరీరానికి తక్షణ శక్తిని అందించి అలసటను తగ్గిస్తాయి.అంజీర్ పండ్లు రక్త ప్రసరణను కూడా మెరుగుపరుస్తాయి. రక్త ప్రవాహం సవ్యంగా ఉన్నప్పుడు లైంగిక అవయవాలకు తగిన రక్త సరఫరా జరుగుతుంది. దీని వలన అంగస్తంభన నాణ్యత మెరుగుపడి, సంతానోత్పత్తి సామర్థ్యం పెరుగుతుంది. ఆధునిక జీవనశైలిలో కలుషితం, ఒత్తిడి వంటి కారణాల వల్ల శరీరంలో ఆక్సిడేటివ్ ఒత్తిడి (oxidative stress) పెరుగుతుంది. ఇది స్పెర్మ్ DNAను దెబ్బతీసే ప్రమాదం ఉంది. అయితే అంజీర్‌లో ఉండే ఫ్లేవనాయిడ్లు, పాలీఫెనాల్స్ వంటి యాంటీఆక్సిడెంట్లు ఈ హానికరమైన ఫ్రీ రాడికల్స్‌ను నిర్మూలించి స్పెర్మ్ ఆరోగ్యాన్ని కాపాడుతాయి. ఇవి హార్మోన్ల సమతుల్యతను నిలబెట్టి పునరుత్పత్తి వ్యవస్థను ఆరోగ్యంగా ఉంచుతాయి.ఎండిన అంజీర్ పండ్లను రాత్రంతా నీటిలో నానబెట్టి ఉదయం తినడం అత్యంత ప్రయోజనకరం. వీటిని స్మూతీస్, సలాడ్లు లేదా పాలతో కలిపి కూడా తీసుకోవచ్చు. అయితే ఇవి అధికంగా తీసుకుంటే విరేచనాలు లేదా కడుపు అసౌకర్యం కలిగించే అవకాశం ఉంటుంది. కాబట్టి రోజుకు రెండు నుంచి మూడు పండ్లు మాత్రమే తీసుకోవడం ఉత్తమం.చిన్నగా కనిపించే ఈ పండు, పోషక విలువల పరంగా ఎంతో గొప్పది. అంజీర్ పండ్లను రోజువారీ ఆహారంలో చేర్చడం ద్వారా శరీరానికి బలం, శక్తి, రోగనిరోధకత అన్నీ ఒకేసారి లభిస్తాయి.