పొలం పనులకు వెళ్తున్న రైతులకు షాక్.. తల మీద సుత్తి ఆకారంలో వింత పాము

అన్నమయ్య జిల్లాలో ఓ వింత పాము కలకలం రేపింది. తంబళ్లపల్లెలో పొలం పనులకు వెళ్లిన రైతులకు ఇది కనిపించింది. దీంతో వారు భయపడిపోయారు. తంబళ్లపల్లెలోని మల్లయ్యకొండ కింద పొలం పనులకు కోసం కొంతమంది రైతులు వెళ్లారు. వారికి ఈ చిత్రమైన పాము కనిపించింది. తల పైన సుత్తి లాంటి ఆకారం ఉండటంతో ఆశ్చర్యంతో పాటుగా కాస్త భయపడిపోయారు. ఇది చూడటానికి వానపాము మాదిరిగా.. పూర్తిగా నల్లగా ఉంది. తలపైన సుత్తి వంటి ఆకారం ఉంటుంది కావున దీనిని హెమర్ హెడ్ వర్మ్ అంటారని అటవీ అధికారులు చెప్తున్నారు. ఈ హేమర్ హెడ్ వర్మ్‌లు సాధారణంగా నల్లగా లేదా గోధుమ రంగులో ఉంటాయంటున్నారు. ఇవి 20 నుంచి 30 సెంటీమీటర్లు పొడవు పెరుతాయని చెప్తున్నారు.

మలబద్ధకంతో బాధపడుతున్నారా, ఇప్పుడు చెప్పేవి తింటే క్షణాల్లో కడుపు మొత్తం ఖాళీ అయి చాలా రిలాక్స్‌గా ఉంటారు

మరోవైపు హేమర్ హెడ్ వర్మ్ అనేది బైపాలియం జాతికి చెందిన ఫ్లాట్‌వార్మ్, ఇది విషపూరితమైనది. సాధారణంగా చాలా అరుదుగా కనిపిస్తూఉంటుంంది. శ్రీకాకుళం జిల్లాలోని పలాసలో ఓసారి ఇది కనిపించినట్లు వార్తలు వచ్చాయి. తాజాగా అన్నమయ్య జిల్లా తంబళ్లపల్లెలోనూ కనిపించడం విశేషం. ఇవి ప్రధానంగా వ్యవసాయ, ఉద్యానవన, సహజ పర్యావరణ వ్యవస్థలపై ప్రభావం చూపుతాయని అటవీ శాఖ అధికారులు చెప్తున్నారు. ఇది విషపురుగు అని జాగ్రత్తగా ఉండాలని సూచిస్తున్నారు.

అయితే మనుషుల్ని కాటు వేయకపోయినా కూడా.. హేమర్ హెడ్ వర్మ్‌ శరీరంలో న్యూరోటాక్సిన్ అనే విషం ఉంటుందట. ఈ విషాన్ని ఉపయోగించి మట్టి పురుగులను, వాన పాములను చంపుతుందని చెప్తున్నారు. మరోవైపు ఈ హేమర్ హెడ్ వర్మ్‌లను చేత్తో తాకవద్దని అటవీ శాఖ అధికారులు చెప్తున్నారు. వీటికి ఉన్న మరో ప్రధానమైన లక్షణం ఏమిటంటే వీటి శరీరం రెండు ముక్కలైనా కూడాయయ మళ్లీ కొత్త పురుగుగా పెరుగుతుందట.

మరోవైపు ఈ ప్రపంచంలో మనకు తెలియని అరుదైన జీవులు, ప్రాణులు ఎన్నో నివసిస్తూ ఉంటాయి. అందులో కొన్ని విషపూరితమైనవి కాగా.. మరికొన్ని విషపూరితం కానివి ఉంటాయి. ఈ నేపథ్యంలో ఏదైనా అరుదైన జీవి, లేదా ఇలాంటి ప్రాణులు కనిపించిన సమయంలో వీలైనంత వరకూ వాటికి దూరంగా ఉండటం మంచిదనే అభిప్రాయాలు వ్యక్తమవుతున్నాయి. వింత జీవి కనిపించిందనే ఆసక్తి ఉన్నప్పటికీ.. దానికి దగ్గరగా వెళ్లడం, తాకే ప్రయత్నం చేయకపోవటం మంచిందని పలువురు సూచిస్తున్నారు.