మళ్లీ తగ్గిన బంగారం ధర.. 6 రోజుల్లో భారీ పతనం

పసిడి ప్రియులకు అదిరే శుభవార్త. దీపావళి పండగ నుంచి బంగారం ధరలు వరుసగా పడిపోతూనే ఉన్నాయి. అంతర్జాతీయ బులియన్ మార్కెట్లో గోల్డ్ రేట్లు దిగివస్తుండడం దేశీయంగా ప్రభావం చూపిస్తోంది. గోల్డ్ ఇన్వెస్టర్లు ప్రాఫిట్ బుకింగ్స్‌కి దిగడం, డాలర్ పుంజుకుంటుండడంతో పాటు అమెరికా సుంకాల అనిశ్చితులు తొలిగిపోతాయన్న సంకేతాలు బంగారం ధరలు తగ్గేందుకు కారణమవుతున్నట్లు తెలుస్తోంది. దీంతో దేశీయ మార్కెట్లో పసిడి ధరలు గత 6 రోజులుగా వరుసగా తగ్గుతున్నాయి. ఈ రోజు సైతం తులం బంగారం రేటు రూ. 810 మేర పడిపోయింది. దీంతో ఆరు రోజుల్లో 22 క్యారెట్ల బంగారం రేటు 10 గ్రాములపై ఏకంగా రూ. 7,050 మేర పడిపోయింది. ఈ క్రమంలో అక్టోబర్ 23వ తేదీ గురువారం సాయంత్రం ప్రముఖ జువెలరీల్లో 22 క్యారెట్ల గోల్డ్ రేటు ఎలా ఉందో తెలుసుకుందాం.

తనిష్క్ జువెలరీలో బంగారం ధరలు

దిగ్గజ జువెలరీ సంస్థల్లో ఒకటైన తనిష్క్ జువెలరీలో ఈరోజు 22 క్యారెట్ల బంగారం ధర 1 గ్రాముకు రూ. 11505 వద్ద ఉంది. క్రితం రోజుతో పోలిస్తే 0.65 శాతం తగ్గింది. ఇక 10 గ్రాములకు రూ. 1,15,050 వద్ద ట్రేడవుతోంది.

మలబార్ గోల్డ్ అండ్ డైమండ్స్‌

మలబార్ గోల్డ్ అండ్ డైమండ్స్‌లో 22 క్యారెట్ల ఆభరణాల బంగారం ధర ఈరోజు 1 గ్రాముకు రూ. 11,465 వద్ద ఉంది. ఇక 10 గ్రాముల గోల్డ్ రేటు రూ. 1,14,650 వద్ద ట్రేడవుతోంది.

ఖజానా జువెలరీలో..

ఖజానా జువెలరీలో ఈరోజు 22 క్యారెట్ల నగల బంగారం ధర 1 గ్రాముకు రూ. 11500 వద్ద ఉంది. అదే 10 గ్రాముల గోల్డ్ రేటు అయితే రూ. 1,15,000 వద్ద ట్రేడవుతోంది.

లలితా జువెలరీలో

లలితా జువెలరీలో ఈరోజు 1 గ్రాము 22 క్యారెట్ల ఆభరణాల బంగారం రేటు రూ. 11,465 వద్ద ఉంది. ఇదే తులానికి అయితే రూ. 1,14,650 గా ఉంటుంది. కిలో సిల్వర్ రేటు రూ. 1,74,000 వద్ద ఉంది.

జొయాలుక్కాస్‌లో

జొయాలుక్కాస్ జువెలరీలో ఈరోజు 1 గ్రాము 22 క్యారెట్లో నగల బంగారం ధర రూ. 11,465 వద్ద ఉంది. అదే 10 గ్రాములు (తులం) రేటు అయితే రూ. 1,14,650 వద్ద అమ్ముడవుతోంది. 24 క్యారెట్ల గోల్డ్ రేటు ఇందులో గ్రాముకు రూ. 12,507 వద్ద ఉంది. తులానికి రూ. 1,25,070 వద్ద అమ్ముడవుతోంది.