ఎంత బరువున్నా ,,,ఉదయాన్నే లేవగానే 5 పనులు చేస్తే చాలు,

అధిక బరువు పెరిగితే ఎన్నో సమస్యలొస్తాయి. కాబట్టి, ముందునుంచీ దానిని పెరగకుండా చూసుకోవాలి. కానీ, ఎంత జాగ్రత్తగా ఉన్నా కూడా ఆటోమేటిగ్గా బరువు పెరుగుతున్నాం. దీనికి కారణం మన జాబ్ స్టైల్, మన లైఫ్‌స్టైల్. సరిలేని హ్యాబిట్స్. ఎక్కువగా కూర్చూనే ఉండడం, ఒత్తిడి పెరగడం, ఇంట్లో వండడానికి టైమ్ లేక బయట దొరికే ఏదో ఓ ఫుడ్ తినడం. నీరు తాగకపోవడం, ముఖ్యంగా తిన్న కేలరీలు అలానే ఉండిపోవడం, మనం దానిని కరిగించడానికి ఎలాంటి వర్కౌట్స్ చేయకపోవడం. ఇక్కడ రోజంతా పనిచేస్తున్నాం అంటాం. కానీ, అది బాడీ అలసిపోయేలా కాదు. మనసు అలసిపోయేలా వర్క్ చేస్తున్నాం. దీంతో ఫిజికల్ వర్కౌట్స్ తగ్గి మెంటల్లీ అలసిపోతున్నాం. దీంతో ఉండాల్సిన బరువు కంటే బరువు పెరుగుతున్నాం. దీనిని తగ్గించుకునేందుకు కొన్ని జాగ్రత్తలు తీసుకోవాలని, ముఖ్యంగా మనం రోజూ కొన్ని అలవాట్లని ఫాలో అవ్వాలని చెబుతున్నారు ఫిట్‌నెస్ కోచ్ ఎలేవ్. తను ఇన్‌స్టాగ్రామ్‌లో షేర్ చేసిన ఓ వీడియోలో రోజూ ఉదయం లేవగానే ఓ 5 పనులు చేస్తే ఫాస్ట్‌గా బరువు తగ్గుతారని చెబుతున్నారు. మరి అవేంటో తెలుసుకోండి.

ఉదయం లేవగానే నిమ్మరసం, ఆపిల్‌సైడర్ వెనిగర్

రాత్రంతా 8 గంటల పాటు మన బాడీకి ఎలాంటి నీరు ఉండదు. దీంతో బాడీ అలసిపోతుంది. కాబట్టి, మనం ఉదయం లేవగానే ఫ్రెష్ అయి గోరువెచ్చని నీటిలో కొద్దిగా నిమ్మరసం లేదా ఆపిల్ సైడర్ వెనిగర్ కలిపి తాగాలి. ఉదయం కాఫీ, టీల కంటే ముందుగానే ఈ డ్రింక్ మన కడుపులో పడాలి. అప్పుడే మనం హైడ్రేట్‌గా ఉంటుంది. మీకు ఏది నచ్చితే అది ఓ స్పూన్ పరిమాణంలో కలిపి తాగండి. దీని వల్ల జీర్ణ సమస్యలు దూరమై గట్ హెల్త్ మెరుగ్గా ఉంటుంది. బాడలో పేరుకుపోయిన ట్యాక్సిన్స్ బయటికి వెళ్లిపోయి బ్లోటింగ్ తగ్గుతుంది. ఆల్కలైజ్ వాటర్ మీ లివర్ డీటాక్స్‌కి హెల్ప్ చేస్తుంది. అంతేకాకుండా బ్లడ్ షుగర్ లెవల్స్ కూడా మెరుగ్గా ఉంటాయి.

ఎండలో కాసేపు ఉండడం

నిజం చెప్పండి ఈ రోజుల్లో ఎవరు ఎండలో ఉంటున్నారు. చాలా తక్కువ శాతం మంది ఎండ వల్ల కలిగే లాభాల గురించి తెలిసి ఎండలో ఉంటున్నారు. దీని వల్ల స్కిన్, కళ్ళకి చాలా మంచిది. దీని వల్ల విటమిన్ డి అందుతుంది. ఇది ఎముకలకి మొత్తం ఆరోగ్యానికి చాలా మంచిది. ఉదయం లేవగానే కనీసం 30 నిమిషాలైనా ఎండలో ఉండే ప్రయత్నం చేయండి. దీంతో మెటబాలిజం పెరుగుతుంది. దీని వల్ల మన బాడీలో కేలరీలు త్వరగా కరుగుతాయి. సెరోటోనిన్ పెరుగుతుంది. ఇది హ్యాపీ హార్మోన్. కార్టిసాల్ బ్యాలెన్స్ అవుతుంది. దీని వల్ల ఫ్యాట్ పేరుకుపోదు. అదే విధంగా, నిద్ర సమస్యలతో బాధపడేవారికి ఇది మంచిదని చెప్పొచ్చు.

కొద్దిగా వర్కౌట్

ఈ వర్కౌట్ పేరు చెప్పగానే చాలా మంది అలసిపోతారు. కానీ, కొన్నిరోజుల పాటు వరుసగా చేయండి. దీని వల్ల కలిగే బెనిఫిట్స్‌కి మీరే అడిక్ట్ అవుతారు. దీనికోసం జిమ్‌కి వెళ్లాల్సిన అవసరం లేదు. మీకు నచ్చని ఎక్సర్‌సైజెస్ చేయాల్సిన అవసరం అంతకు మించి లేదు. మీకు నచ్చిన ఏదో ఓ వర్కౌట్ చేయండి. యోగా, డ్యాన్స్ వంటివి చేయండి. దీని వల్ల బ్లడ్ సర్కూలేషన్ పెరుగుతుంది. జీర్ణ సమస్యలు దూరమవుతాయి. కాళ్ళు, చేతుల కండరాలు పట్టేయడం వంటివి ఉండవు. స్ట్రెస్ తగ్గుతుంది.

బ్రేక్‌ఫాస్ట్

బ్రేక్‌ఫాస్ట్ అనగానే ఏదో బర్గర్, చిప్స్ ఇలాంటివి కాకుండా మంచి ప్రోటీన్ రిచ్ ఫుడ్స్ తీసుకోండి. దీని వల్ల మీ కడుపు నిండుగా ఉంటుంది. బ్లడ్ షుగర్ లెవల్స్ పెరగకుండా ఉంటాయి. క్రేవింగ్స్ తగ్గి రోజంతా ఏదో ఒకటి తినకుండా ఉంటారు. దీని వల్ల స్నాక్స్ ఏదో ఒకటి తినడం వంటివి కాకుండా కేలరీలు పెంచుకోకుండా ఉంటారు. దీంతో ఆటోమేటిగ్గా బరువు పెరుగుతారు.

బరువు ఫాస్ట్‌గా తగ్గించే టిప్స్

మెడిటేషన్

ఫ్యాట్ లాస్‌కి మెడిటేషన్‌కి సంంధం ఏంటి అనుకోవద్దు. మన బాడీలో వచ్చే ఎన్నో రకాల సమస్యలకి ఒత్తిడే ముఖ్య కారణం. బెల్లీ ఫ్యాట్, బరువు పెరగడానికి కూడా ఒత్తిడే కారణం. కాబట్టి, వీటిని దూరం చేసుకోవడానికి మెడిటేషన్ చేయండి. దీని వల్ల కార్టిసాల్ తగ్గుతుంది. దీంతో ఫ్యాట్ పేరుకుపోదు. డైజెషన్ ఇంప్రూవ్ అవుతుంది. ఆటోమేటిగ్గా బరువు తగ్గుతారు.

రెగ్యులర్‌గా ఈ టిప్స్ ఫాలో అయితే చాలా వరకూ రిజల్ట్ ఉంటుంది. త్వరగా బరువు తగ్గుతారు.