నేపాల్‌లో ఏం జరిగిందో చూశారుగా? పోర్న్ బ్యాన్‌పై సుప్రీంకోర్టు కీలక వ్యాఖ్యలు

పోర్నోగ్రఫీ‌ని బ్యాన్ చేయాలని కోరుతూ దాఖలైన పిటిషన్‌‌‌పై విచారణను తక్షణమే చేపట్టడానికి సర్వోన్నత న్యాయస్థానం నిరాకరించింది. ఈ సందర్భంగా నేపాల్‌లో సెప్టెంబరులో జరిగిన జెన్ జీ ఆందోళనల గురించి సుప్రీంకోర్టు ప్రస్తావించింది. అవినీతికి వ్యతిరేకంగా నేపాల్ యువత హింసాత్మక ఆందోళనలు చేపట్టిన సంగతి తెలిసిందే. ‘నిషేధం వల్ల నేపాల్‌లో ఏం జరిగిందో చూశారు కదా’ అని ప్రధాన న్యాయమూర్తి జస్టిస్ బీఆర్ గవాయ్ నేతృత్వంలోని ద్విసభ్య ధర్మాసనం వ్యాఖ్యానించింది. నాలుగు వారాల తర్వాత ఈ పిటిషన్‌ను విచారిస్తామని జస్టిస్ గవాయ్ స్పష్టం చేశారు.

ఎంత బాగా పెంచినా మనీప్లాంట్ పెరగట్లేదా, ఇప్పుడు చెప్పినట్లుగా చేస్తే పెద్ద పెద్ద ఆకులతో పందిరిలా పెరుగుతుంది

బహిరంగ ప్రదేశాలు సహా అశ్లీల వీడియోలు వీక్షించడం ముఖ్యంగా మైనర్లను నిరోధించేందుకు జాతీయస్థాయిలో విధివిధానాలు రూపకల్పన, యాక్షన్ ప్లాన్‌ను సిద్ధం చేసేలా కేంద్రానికి ఆదేశాలు ఇవ్వాలని పిటిషనర్ అభ్యర్ధించాడు. ‘‘డిజిటలైజేషన్‌ తరువాత ప్రతి ఒక్కరూ అనుసంధానమయ్యారు… విద్యావంతులా? నిరక్షరాస్యులా? అనేది పెద్ద విషయం కాదు. ఒక క్లిక్‌తో అన్నీ అందుబాటులో ఉన్నాయి’’ అని పిటిషనర్ పేర్కొన్నారు.

‘బిలియన్ల సంఖ్యలో’ అశ్లీల కంటెంట్‌ను ప్రోత్సహించే వెబ్‌సైట్లు ఇంటర్నెట్‌లో అందుబాటులో ఉన్నాయని ప్రభుత్వం స్వయంగా అంగీకరించింది.. కోవిడ్ సమయంలో స్కూల్ విద్యార్థులు డిజిటల్ పరికరాలను వినియోగించారు.. వాటిల్లో అశ్లీల వీడియోలు వీక్షించడాన్ని అడ్డుకునే ఎటువంటి వ్యవస్థ లేదు’ అని ఆయన అన్నారు. అయితే, తమ పిల్లలు ఏ వెబ్‌సైట్లు బ్రౌజ్ చేస్తున్నారో తల్లిదండ్రులు లేదా సంరక్షకులు తక్షణంగా గమనించడానికి ఉపయోగించే సాఫ్ట్‌వేర్‌లు ఉన్నాయని కూడా తెలిపాడు.

‘‘ఈ సమస్యను ఎదుర్కొనే సమర్థవంతమైన చట్టం ప్రస్తుతం లేదు. అశ్లీల వీడియోలను వీక్షించడం వ్యక్తులపైనా, సమాజంపైనా ప్రతికూల ప్రభావం చూపుతుంది, ముఖ్యంగా 13 నుంచి 18 ఏళ్ల మధ్య వయస్సు గల పిల్లలను తీవ్రంగా ప్రభావితం చేస్తుంది’’ అని పిటిషనర్ వాదించాడు. అలాగే, చైల్డ్ పోర్నోగ్రఫీపై ‘షాకింగ్ డేటా’ను సమర్పించారు. ఒక అంచనాను ప్రస్తావిస్తూదేశంలో 20 కోట్లకు పైగా అశ్లీల వీడియోలు లేదా క్లిప్‌లు వాటిలో చైల్డ్ పోర్నోగ్రపీ కంటెంట్ కూడా విక్రయానికి అందుబాటులో ఉన్నాయని వివరించాడు. అలాగే, ఐటీ చట్టంలోని సెక్షన్ 69A ప్రకారం.. ఇటువంటి వెబ్‌సైట్లను బ్లాక్ చేసే అధికారం ప్రభుత్వానికి ఉందని కూడా ఆయన గుర్తుచేశారు.