బంగ్లాదేశ్ లో సంచలన ఆరోపణలు: CIA కుట్ర, హసీనా ప్రభుత్వంపై సైనిక హస్తం?

గత ఏడాది బంగ్లాదేశ్‌లో తీవ్రమైన హింసాత్మక నిరసనల తర్వాత, షేక్ హసీనా తన ప్రధాని పదవిని వీడేసి, భారతదేశానికి పరారీ అయ్యారు. ఆ తర్వాత మహ్మద్ యూనస్ బంగ్లాదేశ్ తాత్కాలిక అధినేతగా నియమితులయ్యారు.అయితే, హసీనాకు సన్నిహితుడైన అసదుజ్జమాన్ ఖాన్ కమాల్ సంచలన ఆరోపణలు చేశారు. ఆయన ప్రకారం, హసీనా పదవి నుంచి తప్పించడానికి బంగ్లాదేశ్ ఆర్మీ చీఫ్ వకార్ ఉజ్ జమాన్ సహకరించాడని, అంతేకాకుండా అమెరికా CIA కూడా ఈ కుట్రలో భాగమని తెలిపారు.“ఇన్షా అల్ల బంగ్లాదేశ్: ది స్టోరి ఆఫ్ ఆన్ అన్‌ఫినిష్డ్ రివల్యూషన్” అనే పుస్తకం త్వరలో విడుదలకాబోతోంది. డీప్ హాల్డర్, జైధీప్ మజుందార్, సాహిదుల్ హసన్ ఖోకాన్ రచించిన ఈ పుస్తకంలోని విషయాలు ఇప్పటికే బంగ్లాదేశ్‌లో సంచలనం సృష్టిస్తున్నాయి. జూన్ నెలలో ఢిల్లీ హోటల్‌లో జరిగిన సంభాషణలో కమాల్ తెలిపారు, ఆర్మీ చీఫ్ హసీనాకు వెన్నుపోటు వేయాలని నిర్ణయించాడని, కానీ బంగ్లాదేశ్ నిఘా సంస్థలు వకార్ ఉజ్ జమాన్ చర్యలను ముందుగానే గుర్తించలేదని. వకార్ CIAతో సంబంధమై ఉందని కూడా కమాల్ పేర్కొన్నారు.కమాల్ చెప్పిన రెండు ప్రధాన కారణాలు ఉన్నాయి: దక్షిణాసియాలో మోడీ, జిన్‌పింగ్, షేక్ హసీనా వంటి బలమైన నేతలు ఉన్నందున CIAకు సమస్యలు ఎదురవుతాయని, అలాగే “సెయింట్ మార్టిన్” ద్వీపంపై అమెరికా ఒత్తిడి చూపించిందని. అమెరికాకు ఆ ద్వీపాన్ని అప్పగిస్తే హసీనాకు సమస్యలు రాకుండా ఉంటాయని అడిగారని కమాల్ వెల్లడించారు.ప్రస్తుతం, ఆర్మీ చీఫ్ వకార్ ఉజ్ జమాన్ పై బంగ్లాదేశ్‌లో తీవ్ర విమర్శలు వస్తున్నాయి. ఇటీవలే ఆయన ఆదేశాలతో 15 మంది ఆర్మీ అధికారులను అరెస్ట్ చేశారు. వాస్తవానికి, వకార్‌ను హసీనానే నియమించారని, కానీ తరువాత అతను ఆమెకే వ్యతిరేకంగా ప్రవర్తించాడని కమాల్ ఆరోపించారు.కమాల్ వివరాల ప్రకారం, వకార్ బంగ్లాదేశ్‌లోని మతవాదుల్ని, పాకిస్తాన్ ISIని పాలుపంచుకొని, జమాతే ఇస్లామీ మార్గదర్శకత్వంలో హసీనాకు వ్యతిరేకంగా పనిచేశాడని చెప్పారు. విద్యార్థి ఉద్యమాల్లో జమాత్, ISI శిక్షణ పొందిన వారే చొరబడ్డారని, ఈ విషయాన్ని కమాల్ ముందుగానే హసీనాకు హెచ్చరించినప్పటికీ వకార్ వాస్తవాన్ని దాచాడని అన్నారు.తరువాత, పెద్ద ఎత్తున ఆందోళనలు జరగడంతో, హసీనాకు బంగ్లాదేశ్ వదిలి తప్పించుకోవాల్సి వచ్చింది.