ట్రెండింగ్
భారీగా ఉద్యోగ కోతలు విధిస్తున్న అమెరికా కంపెనీలు
national | Suryaa Desk | Published : Sat, Nov 08, 2025, 05:05 PM
అమెరికా ఉద్యోగ విపణిలో ప్రమాద ఘంటికలు మోగుతున్నాయి. గత కొన్నేళ్లుగా ఎన్నడూ లేనంత అనిశ్చితి నెలకొంది. అక్టోబర్ నెలలో అమెరికా కంపెనీలు భారీగా ఉద్యోగాల కోత విధించాయి. సెప్టెంబర్తో పోలిస్తే దాదాపు మూడు రెట్లు అధికంగా 1,53,074 మందిని తొలగించినట్లు ప్రైవేట్ కన్సల్టింగ్ సంస్థ 'చాలెంజర్, గ్రే అండ్ క్రిస్మస్' తన నివేదికలో వెల్లడించింది.ఈ ఏడాది ఇప్పటివరకు మొత్తం 10.9 లక్షల ఉద్యోగాల కోత నమోదైందని, ఇది గత ఏడాదితో పోలిస్తే 65 శాతం అధికమని 'ది వాల్ స్ట్రీట్ జర్నల్' తన కథనంలో పేర్కొంది. కరోనా మహమ్మారి విజృంభించిన 2020 తర్వాత ఈ స్థాయిలో లేఆఫ్స్ నమోదు కావడం ఇదే తొలిసారి. మరోవైపు, అమెరికా చరిత్రలోనే సుదీర్ఘంగా కొనసాగుతున్న ప్రభుత్వ షట్డౌన్ కారణంగా అధికారిక ఉద్యోగ డేటా విడుదల నిలిచిపోవడంతో ఆర్థికవేత్తలు ప్రైవేట్ రంగ సంకేతాలపై ఆధారపడాల్సి వస్తోంది.
|
|