హర్మన్ప్రీత్ కౌర్ పై సంచలన వ్యాఖ్యలు చేసిన శాంత రంగస్వామి
sports | Suryaa Desk | Published : Mon, Nov 10, 2025, 04:08 PM
భారత మహిళల క్రికెట్ జట్టు చరిత్ర సృష్టించింది. తమ దశాబ్దాల కలను సాకారం చేసుకుంటూ తొలిసారి ఐసీసీ వన్డే ప్రపంచకప్ను ముద్దాడింది. నవీ ముంబైలోని డీవై పాటిల్ స్టేడియంలో జరిగిన ఫైనల్లో దక్షిణాఫ్రికాను 52 పరుగుల తేడాతో ఓడించి హర్మన్ప్రీత్ కౌర్ సేన చారిత్రక విజయాన్ని అందుకుంది. స్మృతి మంధాన, జెమీమా రోడ్రిగ్స్, దీప్తి శర్మ వంటి క్రీడాకారుణుల సమష్టి కృషితో ఈ అద్భుత విజయం సాధ్యమైంది. దేశవ్యాప్తంగా సంబరాలు అంబరాన్నంటగా, ప్రధాని నరేంద్ర మోదీ సైతం జట్టు సభ్యులను స్వయంగా కలిసి అభినందించారు.ఈ ఆనందకర వాతావరణంలో, భారత మాజీ కెప్టెన్ శాంత రంగస్వామి చేసిన వ్యాఖ్యలు చర్చనీయాంశంగా మారాయి. హర్మన్ప్రీత్ కౌర్ ఇక కెప్టెన్సీ నుంచి తప్పుకుని, తన బ్యాటింగ్, ఫీల్డింగ్పై మరింత దృష్టి సారించాలని ఆమె సూచించారు. జట్టు దీర్ఘకాలిక ప్రయోజనాల దృష్ట్యా ఈ మార్పు అవసరమని ఆమె అభిప్రాయపడ్డారు. ఈ వ్యాఖ్యలపై క్రీడా వర్గాలు, అభిమానుల నుంచి మిశ్రమ స్పందనలు వ్యక్తమయ్యాయి.
|
|