ఆర్సీబీ ఐపీఎల్ వేలం,,,లివింగ్ స్టోన్, రసిక్ సలామ్‌ను వదిలేయాలని,,,ఆకాశ్ చోప్రా కామెంట్స్

ఐపీఎల్ 2025 సీజన్ రాయల్ ఛాలెంజర్స్ బెంగళూరుకు మరిచిపోలేని సీజన్. 18 ఏళ్ల నిరీక్షణకు తెరదించుతూ ఆర్సీబీ .. తొలిసారి ఐపీఎల్ టైటిల్ సాధించింది. ఐపీఎల్ 2025 మెగా వేలం ద్వారా జట్టును పటిష్టం చేసుకున్న ఆర్సీబీ.. అనుకున్నది సాధించింది. ఇక ఐపీఎల్ 2026 వేలానికి ఆర్సీబీ సిద్ధమైంది. ఇప్పటికే పటిష్టంగా ఉన్న ఆ జట్టు.. స్వల్ప మార్పులతో ఐపీఎల్ 2026 సీజన్‌కు రెడీ కావాలని భావిస్తోంది. ఈ నేపథ్యంలో టీమిండియా మాజీ క్రికెటర్ ఆకాశ్ చోప్రా ఆర్సీబీని ఉద్దేశించి కీలక వ్యాఖ్యలు చేశాడు.

ఐపీఎల్ 2026 వేలంలో ఆర్సీబీ.. ప్లాన్ ఎలా ఉండాలో చెప్పుకొచ్చాడు. ఇద్దరు ఆటగాళ్లు మినహా.. మిగతా జట్టు మొత్తం బాగుందని పేర్కొన్నాడు. “డిఫెండింగ్ ఛాంపియన్‌ ఆర్సీబీ లియామ్ లివింగ్ స్టోన్, రసిక్‌ సలామ్‌ దార్‌ రిలీజ్ చేస్తే చాలు. మిగతా జట్టు మొత్తం బాగుంది. జట్టు కూర్పు సెట్ అయినప్పుడు.. పెద్దగా మార్పులు చేయాల్సిన అవసరం లేదు. ఐపీఎల్ 2025లో ఆ జట్టు అదరగొట్టింది. లివింగ్ స్టోన్, రసిక్ మాత్రం నిరాశపరిచారు. ఇక మిడిల్ ఆర్డర్‌లో ఓ బ్యాటర్, బ్యాకప్ ఇండియన్ బౌలర్‌ కోసం ఆర్సీబీ వేలంలోకి వెళ్లాలి” అని ఆకాశ్ చోప్రా అభిప్రాయపడ్డాడు.

కాగా ఐపీఎల్ 2025 మెగా వేలంలో లివింగ్ స్టోన్‌ను ఆర్సీబీ రూ. 8.75 కోట్లకు కొనుగోలు చేసింది. రసీక్ సలామ్‌ దార్‌ను రూ. 6 కోట్లకు తీసుకుంది. కానీ ఈ ఇద్దరూ తీవ్రంగా నిరాశపర్చారు. 10 మ్యాచ్‌లు ఆడిన లివింగ్ స్టోన్‌.. 16 సగటుతో 112 రన్స్ మాత్రమే చేశాడు. ఇక బౌలింగ్‌లో రెండు వికెట్లు తీశాడు. భారత్‌కు చెందిన రసిక్ సలామ్ దార్‌ కూడా చెప్పుకోదగ్గ ప్రదర్శన చేయలేదు. అతడి మంచి బౌలరే అయినా.. రూ.6 కోట్లు చాలా ఎక్కువ అనే అభిప్రాయం ఉంది.

ఐపీఎల్ 2025లో ఆర్సీబీ జట్టు..

విరాట్ కోహ్లీ, రజత్ పటీదార్ (కెప్టెన్‌), దేవ్‌దత్ పడిక్కల్, స్వస్తిక్ చికారా,టిమ్ డేవిడ్, మనోజ్ భండాగే, కృనాల్ పాండ్యా, లియామ్ లివింగ్ స్టోన్, జాకబ్ బెథెల్, రొమారియో షెఫర్డ్, మోహిత్ రాథీ, జితేశ్ శర్మ, స్వప్నిల్ సింగ్, ఫిలిప్ సాల్ట్, భువనేశ్వర్ కుమార్, జోష్ హేజిల్‌వుడ్, నువాన్ తుషారా, లుంగీ ఎంగిడి, యశ్ దయాల్, రసిక్ దార్ సలామ్, అభినందన్ సింగ్‌, సుయాశ్ శర్మ.