"క్యాన్సర్ రాకుండా ఉండాలంటే ఈ 7 ముఖ్యమైన మార్గాలు పాటించండి!"

ఆధునిక జీవన శైలిలో క్యాన్సర్‌ పెరుగుదల ఒక తీవ్రమైన ఆందోళనగా మారింది. ప్రపంచ ఆరోగ్య సంస్థ (WHO) నివేదికల ప్రకారం, ప్రతి ఏడాది ప్రపంచవ్యాప్తంగా సుమారు 10 మిలియన్ల మంది క్యాన్సర్‌ కారణంగా మరణిస్తున్నారు.వాస్తవానికి, క్యాన్సర్ ఇప్పుడు మరణానికి రెండవ ప్రధాన కారణంగా నిలిచింది. భారతదేశంలో ప్రతి సంవత్సరం 1.4 మిలియన్లకు పైగా కొత్త కేసులు నమోదు అవుతున్నాయి. క్యాన్సర్ అనేది శరీరంలోని కొన్ని కణాలు అసాధారణంగా పెరిగి, చుట్టుపక్కల అవయవాలపై ప్రభావం చూపే వ్యాధి. దీన్ని ముందుగానే గుర్తించకపోతే, అది శరీరంలోని ఇతర భాగాలకు వ్యాప్తి చేసి ప్రాణాంతకం అయ్యే అవకాశం ఉంది.కొన్ని రకాల క్యాన్సర్లు జీవనశైలికి నేరుగా ముడిపడి ఉంటాయి. ధూమపానం, మద్యం, జంక్ ఫుడ్, ఊబకాయం, శారీరక వ్యాయామం లేకపోవడం, ఒత్తిడి వంటి అలవాట్లు క్యాన్సర్‌ ప్రమాదాన్ని పెంచుతాయి. ప్రత్యేకంగా ఊపిరితిత్తులు, కాలేయం, నోరు, రొమ్ము, గర్భాశయం, పెద్దప్రేగు క్యాన్సర్లు ఈ జీవనశైలి ప్రభావం వల్ల వస్తాయి.ఇంకా కొన్ని క్యాన్సర్లు, ఉదాహరణకు రక్త క్యాన్సర్, మెదడు కణితులు లేదా అండాశయ క్యాన్సర్, పూర్తిగా జీవనశైలిపై ఆధారపడి ఉండవు. ఇవి జన్యు, హార్మోన్లు లేదా ఇతర ఆంతరిక కారకాలు వల్ల వస్తాయని వైద్యులు చెబుతున్నారు. అయినప్పటికీ, ఆరోగ్యకరమైన జీవనశైలిని అనుసరించడం వల్ల క్యాన్సర్‌ రిస్క్‌ను గణనీయంగా తగ్గించవచ్చు.
*క్యాన్సర్‌ నివారణకు వైద్యుల సూచనలు
1.ధూమపానం, పొగాకు పూర్తిగా మానేయడం – ఊపిరితిత్తులు, గొంతు, నోరు, కడుపు క్యాన్సర్‌ ప్రధాన కారణాలు కావున ఇవి అత్యంత హానికరం.
2.ఆరోగ్యకరమైన జీవనశైలి – సమతుల్య ఆహారం, క్రమపద్ధతిగా వ్యాయామం, బరువు నియంత్రణ. ఇవి రొమ్ము, పెద్దప్రేగు, కాలేయ క్యాన్సర్‌ రిస్క్‌ను తగ్గిస్తాయి.
3.నియమిత ఆరోగ్య పరీక్షలు, టీకాలు – HPV, హెపటైటిస్ B టీకాలు కొన్ని రకాల క్యాన్సర్‌ను నివారించడంలో సహాయపడతాయి. ప్రారంభ దశలో క్యాన్సర్ గుర్తించటం ద్వారా చికిత్స సులభతరం అవుతుంది.
*ఇవీ పాటించండి..
-ఒత్తిడిని తగ్గించుకోండి మరియు తగినంత నిద్రపోండి.
-రోజువారీ ఆహారంలో పండ్లు, కూరగాయలను ఎక్కువగా తీసుకోండి.
-ఆల్కహాల్, ప్రాసెస్ చేసిన ఆహారాల నుండి దూరంగా ఉండండి.
-కాలుష్యం, రసాయనాల అధిక సంప్రదింపుల నుండి జాగ్రత్త పడండి.
-శరీరంలో వచ్చే ఏవైనా అసాధారణ మార్పులను విస్మరించవద్దు.