బనగానపల్లెలో భారీ ఎత్తున జరుగుతున్న వైద్య కళాశాలల ప్రైవేటీకరణ వ్యతిరేక కోటి సంతకాల సేకరణ కార్యక్రమం
Andhra Pradesh Telugu | Suryaa Desk | Published : Mon, Nov 24, 2025, 05:34 PM
బనగానపల్లె నియోజకవర్గంలోని కొలిమిగుండ్ల మండలంలోని బెలుం గ్రామంలో వైద్య కళాశాలల ప్రైవేటీకరణను అడ్డుకునేందుకు కోటి సంతకాల సేకరణ కార్యక్రమం భారీ ఎత్తున నిర్వహించారు. ఈ కార్యక్రమానికి బనగానపల్లె మాజీ ఎమ్మెల్యే కాటసాని రామిరెడ్డి, జిల్లా పరిషత్ చైర్మన్ ఎర్రబోతుల పాపిరెడ్డి, బనగానపల్లె అసెంబ్లీ పరిశీలకుడు భూమా కిషోర్ కుమార్ రెడ్డి ముఖ్య అతిథులుగా హాజరయ్యారు. గ్రామలోకి చేరుకున్న ముగ్గురు నాయకులకు వైయస్ఆర్సీపీ నాయకులు, కార్యకర్తలు,గ్రామ ప్రజలు భారీ ర్యాలీతో ఘన స్వాగతం పలికారు. కోటి సంతకాల సేకరణలో భాగంగా గ్రామ ప్రజలు ఉత్సాహంగా పాల్గొని తమ మద్దతు ప్రకటించారు. కార్యక్రమంలో జిల్లా వైయస్ఆర్సీపీ ఉపాధ్యక్షుడు లాయర్ మహేశ్వర్ రెడ్డి, జిల్లా పార్టీ ప్రచార కార్యదర్శి సిద్ధం రెడ్డి రామ్మోహన్ రెడ్డి, పార్టీ నాయకులు పేరం సత్యనారాయణ రెడ్డి, బెలుం గ్రామ నాయకులు బాచం వెంకట సుబ్బారెడ్డి, మహేశ్వర్ రెడ్డి, దస్తగిరి, దానమయ్య, నరసింహుడు, రంగస్వామి, శీలయ్య, రవి, మొలక హుస్సేని తదితరులు పాల్గొన్నారు.
|
|