ప్రభుత్వ వైఫల్యాలని ప్రశ్నించినప్పుడల్లా చంద్రబాబు డైవర్షన్ పాలిటిక్స్కి తెర లేపుతారు
Andhra Pradesh Telugu | Suryaa Desk | Published : Wed, Nov 26, 2025, 02:04 PM
టీడీపీ కూటమి ప్రభుత్వం ఏడాదిన్నర పాలనలో చేసిందేమీ లేక, ఏం చేశామో చెప్పులేక.. వైఫల్యాలు బయటపడినప్పుడు, అవినీతితో ఇరుకున పడినప్పుడల్లా టార్గెట్ వైయస్ఆర్సీపీ నినాదం భుజానికెత్తుకుని తమ పార్టీ నాయకులపై అక్రమ కేసులు పెట్టి డైవర్షన్ పాలిటిక్స్ చేస్తున్నారని వైయస్ఆర్సీపీ స్టేట్ కోఆర్డినేటర్ శ్రీ సజ్జల రామకృష్ణారెడ్డి ధ్వజమెత్తారు. ఇటు డైవర్షన్.. అటువైయస్ఆర్సీపీపై కక్ష సాధింపు.. ఆ దిశలోనే కన్ఫెషన్ స్టేట్మెంట్స్తో కాన్సిపిరసీ థియరీని సీఎం చంద్రబాబు అమలు చేస్తున్నారని ఆయన ఆక్షేపించారు. అందులో నుంచి వచ్చినవే తిరుమల లడ్డూలో కల్తీ నెయ్యి కేసు, పరకామణి చోరీ కేసు. లిక్కర్ స్కామ్ వంటి కేసులు అని వెల్లడించారు. అలా డైవర్షన్ పాలిటిక్స్తో పాటు, వైయస్ఆర్సీపీపై కక్ష సాధింపు ధోరణితో ఈ ప్రభుత్వం పని చేస్తోందని చెప్పారు. ఏ ఆధారాలు లేకుండానే అక్రమంగా కేసులు నమోదు చేసి ఎవరో ఒకరిని అరెస్టు చేయడం, బెదిరించడం.. ఆ తర్వాత వాంగ్మూలాలు నమోదు చేయడం.. వాటి ఆధారంగా టార్గెట్లిస్ట్లో ఉన్న వారిపై కేసులు పెడుతూ, వైయస్ఆర్సీపీ నాయకులపై కక్ష సాధిస్తున్నారని.. అదే సీఎం చంద్రబాబు నమ్ముకున్న కన్ఫెషన్, కాన్సిపిరసీ థియరీ అని వైయస్ఆర్సీపీ కేంద్ర కార్యాలయంలో మీడియాతో మాట్లాడిన పార్టీ స్టేట్ కోఆర్డినేటర్ శ్రీ సజ్జల రామకృష్ణారెడ్డి వెల్లడించారు.
|
|