రైల్వేలో 3,058 ఉద్యోగాలు.. ఇంటర్ అర్హతతోనే దరఖాస్తు చేసుకోండి! రేపే ఆఖరు తేదీ!!
Andhra Pradesh Telugu | Suryaa Desk | Published : Wed, Nov 26, 2025, 02:33 PM
భారతీయ రైల్వేలో అండర్ గ్రాడ్యుయేట్ లెవెల్ నాన్-టెక్నికల్ పోస్టులకు భారీ నోటిఫికేషన్ విడుదలైంది. మొత్తం 3,058 ఖాళీలను భర్తీ చేయనున్నారు. ఇంటర్మీడియేట్ (10+2) పూర్తి చేసిన విద్యార్థులు ఈ అవకాశాన్ని సద్వినియోగం చేసుకోవచ్చు. ఈ పోస్టులు రైల్వే శాఖలో స్థిరమైన ఉద్యోగం కోసం చూస్తున్న యువతకు బంగారు అవకాశం.
ఆన్లైన్ దరఖాస్తు సమర్పించడానికి రేపు (నవంబర్ 27, 2025) ఆఖరు తేదీ కాగా, దరఖాస్తు ఫీజు చెల్లింపుకు మాత్రం నవంబర్ 29 వరకు గడువు ఉంది. సాధారణ అభ్యర్థులకు ఫీజు రూ.500 కాగా, SC, ST, PwBD మరియు అన్ని వర్గాల మహిళా అభ్యర్థులకు కేవలం రూ.250 మాత్రమే. ఫీజు మినహాయింపు లేదా రీయింబర్స్మెంట్ సౌకర్యం కూడా ఉంటుంది.
అర్హత వయసు 18 నుంచి 30 సంవత్సరాల మధ్య ఉండాలి (వయసు సడలింపులు నిబంధనల ప్రకారం వర్తిస్తాయి). ఎంపిక ప్రక్రియలో కంప్యూటర్ ఆధారిత రాత పరీక్ష (CBT), స్కిల్ టెస్ట్ (అవసరమైతే), డాక్యుమెంట్ వెరిఫికేషన్ మరియు మెడికల్ ఫిట్నెస్ టెస్ట్ ఉంటాయి. మంచి సన్నద్ధతతో ఈ అవకాశాన్ని అందిపుచ్చుకోవచ్చు.
ఇప్పటివరకు దరఖాస్తు చేయని వారు తక్షణమే అధికారిక వెబ్సైట్ www.rrbcdg.gov.in ద్వారా ఆన్లైన్లో అప్లై చేయండి. ఒక్క రోజు ఆలస్యం కాకుండా ఈ గోల్డెన్ ఛాన్స్ను వినియోగించుకోండి. మరిన్ని ఉద్యోగ నోటిఫికేషన్ల కోసం <<-se_10012>>జాబ్స్<<>> కేటగిరీని ఫాలో అవ్వండి.
|
|