ట్రెండింగ్
టీటీడీకి విరాళం అందించిన రామలింగరాజు మంతెన
Andhra Pradesh Telugu | Suryaa Desk | Published : Wed, Nov 26, 2025, 05:03 PM
తిరుమల శ్రీవారికి ప్రవాస భారతీయుడు రామలింగరాజు మంతెన రూ.9 కోట్ల భారీ విరాళాన్ని అందజేశారు. తిరుమలలోని పీఏసీ 1, 2, 3 యాత్రికుల వసతి సముదాయాల ఆధునికీకరణ పనుల కోసం ఈ విరాళాన్ని అందించినట్లు తిరుమల తిరుపతి దేవస్థానం (తితిదే) తెలిపింది. తన కుమార్తె నేత్ర, అల్లుడు వంశీ పేరిట ఆయన ఈ విరాళాన్ని సమర్పించారు.ఈ సందర్భంగా టీటీడీ ఛైర్మన్ బీఆర్ నాయుడు మాట్లాడుతూ, సామాన్య భక్తులకు మరింత మెరుగైన సౌకర్యాలు కల్పించాలనే గొప్ప సంకల్పంతో ముందుకు వచ్చిన దాతకు కృతజ్ఞతలు తెలిపారు. భవిష్యత్తులోనూ రామలింగరాజు నుంచి ఇలాంటి గొప్ప విరాళాలు అందుతాయని ఆశిస్తున్నట్లు ఆయన పేర్కొన్నారు. ఈ కార్యక్రమంలో ఎంపీ అప్పల నాయుడు, టీటీడీ అదనపు ఈవో వెంకయ్య చౌదరి తదితరులు పాల్గొన్నారు.
|
|