India-Nepal: భారత్-నేపాల్ కొత్త ముద్రా ఒప్పందం – రూ.100 నోట్లు అమలు

భారతదేశం – నేపాల్ మధ్య వంద రూపాయల నోట్ల కొత్త పంచాయితీకి తెర లేచింది. గురువారం నేపాల్ కొత్త రూ.100 నోటును విడుదల చేసింది.ఈ నోటులో కాలాపానీ, లిపులేఖ్, లింపియాధుర్ ప్రాంతాలను నేపాల్ భూభాగంగా చూపించే సవరించిన మ్యాప్ ఉన్నట్లు తెలుస్తోంది. ఈ మూడు ప్రాంతాలను నేపాల్‌లో భాగంగా చూపిన కొత్త నోటుపై భారతదేశం అభ్యంతరం వ్యక్తం చేసింది. నోటుపై మాజీ గవర్నర్ మహా ప్రసాద్ అధికారి సంతకం చేశారు.ఈ నోటు 2081 విక్రమి సంవత్ (2024)లో విడుదల అయింది. మే 2020లో అప్పటి ప్రధాని కె.పి.శర్మ ఓలి ప్రభుత్వం, నేపాల్ సరిహద్దులోని ఈ మూడు వివాదాస్పద ప్రాంతాలను చూపుతూ కొత్త రాజకీయ పటాన్ని విడుదల చేసింది. దీనిని తర్వాత నేపాల్ పార్లమెంట్ ఆమోదించింది. భారత్ ఈ చర్యను ఏకపక్ష నిర్ణయం అని పేర్కొంటూ తీవ్రంగా నిరసించింది. భారతదేశం వాదన ప్రకారం, ఈ భూభాగాలు తమ సొంతమే.నేపాల్ రాష్ట్ర బ్యాంక్ ప్రతినిధి ప్రకారం, పాత రూ.100 నోటులో నేపాల్ మ్యాప్ ఉండేది, కానీ ప్రభుత్వం సవరించిన తర్వాత కొత్త నోటులో మాత్రమే ఇది కనిపిస్తుంది. ఇతర నోట్లు (₹10, ₹50, ₹500, ₹1000) లో ఈ మ్యాప్ లేదు.కొత్త నోటు డిజైన్ వివిధ అంశాలను కలిగి ఉంది. ఎడమ వైపున ఎవరెస్ట్ పర్వతం చిత్రం, కుడి వైపున నేపాల్ జాతీయ పుష్పం మరియు ఎరుపు రోడోడెండ్రాన్ వాటర్‌మార్క్ ఉంది. నోటు మధ్యలో నేపాల్ లేత ఆకుపచ్చ పటం, అశోక స్తంభం, లుంబిని మ్యాప్ ముద్రించబడ్డాయి. వెనుకభాగంలో కొమ్ము గల ఖడ్గమృగం, భద్రతా దారం, మరియు దృష్టి లోపం ఉన్నవారికి గుర్తు చేసుకోవడానికి నల్ల చుక్క ముద్రించబడింది.నేపాల్ భారతదేశంతో దాదాపు 1,850 కి.మీ. సరిహద్దు పంచుకుంటుంది. దీనిలో సిక్కిం, పశ్చిమ బెంగాల్, బీహార్, ఉత్తరప్రదేశ్, ఉత్తరాఖండ్ ప్రాంతాలు ఉన్నాయి. భారతదేశంలో ఈ నోటు విలువ ₹62.56.