H1B విపరీత పరిణామం: భారత ఉద్యోగులకు గట్టెక్కే ప్రభావం

భారతదేశంలోని అమెరికా రాయబార కార్యాలయం H-1B వీసా దరఖాస్తుదారులకు కీలక హెచ్చరిక జారీ చేసింది. అపాయింట్‌మెంట్లు రీషెడ్యూల్ అయినవారు, కొత్తగా కేటాయించిన తేదీలకు మాత్రమే హాజరు కావాలని పేర్కొన్నది. గతంలో ప్రకటించిన తేదీల్లో కాన్సులేట్ కార్యాలయాలకు వెళ్ళితే, వారి ప్రవేశాన్ని తిరస్కరిస్తామని స్పష్టం చేసింది.ఈ నిర్ణయం, అమెరికా స్టేట్ డిపార్ట్‌మెంట్ కొత్త సోషల్ మీడియా వెరిఫికేషన్ విధానం ప్రవేశపెట్టిన తర్వాత వచ్చిన H-1B అపాయింట్‌మెంట్ వాయిదా లేదా రీషెడ్యూల్ పరిస్థితులను దృష్టిలో ఉంచుకొని జారీ చేయబడింది. H-1B దరఖాస్తుదారులు అపాయింట్‌మెంట్ రీషెడ్యూల్ అయినట్లు ఇమెయిల్ అందితే, కొత్త తేదీ కోసం ఎదురు చూడాలి; పాత తేదీని అనుసరించడం వల్ల ప్రవేశం అనుమతించబడదని హెచ్చరిస్తోంది.ఈ ప్రకటన కారణంగా H-1B దరఖాస్తుదారులకు షాక్ ఏర్పడింది. ఇప్పటికే అపాయింట్‌మెంట్ పొందినవారు, రీషెడ్యూల్ అయినవాళ్లు మళ్లీ కాన్సులేట్ సంప్రదించాల్సిన పరిస్థితి ఏర్పడింది. అదనంగా, సోషల్ మీడియా అకౌంట్లను అన్‌లాక్ చేసి సమీక్షకు సిద్ధంగా ఉంచాలన్న ఆదేశం, అమెరికా ప్రామాణిక కఠిన వైఖరికి నిదర్శనంగా నిలుస్తుంది. ఈ నిబంధనలు ఈ నెల 15 నుండి అమల్లోకి వస్తాయి.అమెరికా స్టేట్ డిపార్ట్‌మెంట్ ఈ ఏడాది విస్తృతంగా వీసా రద్దులు చేసిన నేపథ్యంలో ఈ హెచ్చరిక ప్రాధాన్యత సంతరించింది. జనవరి నుంచి సుమారు 85,000 వీసాలు రద్దయ్యాయని స్టేట్ డిపార్ట్‌మెంట్ వెల్లడించింది. వీటిలో 8,000 పైగా విద్యార్థులకు సంబంధించినవి. మద్యం సేవించడం, చోరీ వంటి ఉల్లంఘనలు చేసిన వారితో సంబంధించిన వీసాలు కూడా రద్దయ్యాయి.అమరికా అన్ని H-1B దరఖాస్తుదారుల రెజ్యూమేలు, లింక్డ్‌ఇన్ ప్రొఫైల్‌లు మరియు సోషల్ మీడియా ప్రొఫైల్స్‌ను క్షుణ్ణంగా పరిశీలిస్తోంది. తప్పుడు సమాచారం, మోసపూరిత కంటెంట్, ఆన్‌లైన్ సేఫ్టీ మరియు ఇతర కార్యకలాపాలలో భాగం అయినవారి అకౌంట్లను కూడా సమీక్షిస్తారు.