కొలెస్ట్రాల్ + షుగర్ + అధిక బరువు అన్నింటికి అల్లం ముక్క చాలు

ఈ రోజుల్లో ప్రజలు అనేక సమస్యలతో బాధపడుతున్నారు. ముఖ్యంగా కొలెస్ట్రాల్, షుగర్, అధిక బరువుతో బాధపడుతున్నారు. ఈ మూడు కూడా గుండె జబ్బులకు కారణమవుతాయి. అందుకే ఈ మూడు సమస్యలనిు కంట్రోల్ చేయాలి. ఎందుకంటే ఈ మూడు సమస్యలు జీవనశైలికి సంబంధించినవి. చెడు జీవనశైలి, తిండి అలవాట్లు కారణంగా కొలెస్ట్రాల్, డయాబెటిస్, ఊబకాయం పెరుగుతున్నాయి.

ఇక సాధారణంగా మూడింటిని తగ్గించుకోవడానికి మందులు, మెడిసిన్ వాడుతుంటారు. అయితే, మన వంటగదిలోనే అద్భుత పరిష్కారం ఉంది. అదే అల్లం. దీన్ని ఆయుర్వేదంలో ప్రత్యేక ఔషధంగా పరిగణిస్తారు నిపుణులు. ఇందులో శరీరాన్ని ఆరోగ్యంగా ఉంచడంలో సాయపడే అనేక ఔషధ గుణాలు ఉన్నాయి. అల్లంలో విటమిన్ సి, మెగ్నీషియం, పొటాషియం, మాంగనీస్, కాపర్‌తో పాటు అనేక యాంటీఆక్సిడెంట్లు ఉంటాయి.

చాలా మంది టీ లేదా కూరలు, వంటల్లో అల్లాన్ని ఉపయోగిస్తారు. కానీ అల్లం నీరు తాగడం ఆరోగ్యానికి చాలా ప్రయోజనకరంగా ఉంటుందని ప్రముఖ ఆయుర్వేద వైద్యుడు సలీం జైదీ తన యూట్యూబ్ ఛానెల్‌లో ఒక వీడియోను షేర్ చేశారు. అల్లం నీరు తాగడం వల్ల కలిగే ప్రయోజనాలేంటి, ఎలా చేసుకోవాలి, ఎప్పుడు తీసుకోవాలో ఇప్పుడు తెలుసుకుందాం.

కీళ్ల నొప్పుల నుంచి రిలీఫ్

చలికాలం వచ్చిదంటే చాలా మంది కీళ్ల నొప్పులతో బాధపడతారు. అలాంటి వారికి అల్లం మంచి ఆప్షన్. కీళ్ల నొప్పుల నుంచి ఉపశమనం పొందడానికి అల్లం నీరు తాగాలని డాక్టర్ సలీం జైదీ సూచిస్తున్నారు. అల్లం నీటిలో యాంటీ ఇన్ఫ్లమేటరీ, యాంటీఆక్సిడెంట్ లక్షణాలు ఉన్నాయి. ఇవి ఇన్ఫ్లమేషన్‌ స్థాయిల్ని తగ్గిస్తాయి. నొప్పి నుంచి ఉపశమనం అందించడంలో సాయపడతాయి.

బరువు తగ్గాలనుకునేవారికి మంచి ఆప్షన్

అల్లం నీరు తాగడం వల్ల శరీరంలో కొవ్వును కరిగించే ప్రక్రియ వేగవంతం అవుతుంది. అల్లం నీరు మన జీవక్రియను వేగవంతం చేస్తుంది. మీరు బరువు తగ్గాలనుకుంటే భోజనం తర్వాత అల్లం నీరు తాగవచ్చు. ఇది కేలరీల్ని వేగంగా బర్న్ చేస్తుంది. పొట్ట, తుంటి చుట్టూ పేరుకుపోయిన కొవ్వు కరిగించడంలో సాయపడుతుంది.

షుగర్ తగ్గేందుకు అల్లం నీరు

అల్లంలో యాంటీ డయాబెటిక్ లక్షణాలు ఉన్నాయని డాక్టర్ సలీం జైదీ అంటున్నారు. ఇవి రక్తంలో చక్కెర స్థాయిలను నియంత్రించడంలో సాయపడతాయి. అల్లం తినడం వల్ల గుండె జబ్బుల ప్రమాదం కూడా తగ్గుతుంది. అంతేకాకుండా గుండె ఆరోగ్యాన్ని ప్రోత్సహిస్తుంది. మధుమేహ వ్యాధిగ్రస్తులు అల్లం నీటిని క్రమం తప్పకుండా తాగవచ్చని సలీం జైదీ అభిప్రాయపడుతున్నారు.

కొలెస్ట్రాల్ నియంత్రిస్తుంది

ఈ రోజుల్లో చాలా మంది కొలెస్ట్రాల్ సమస్యలతో బాధపడుతున్నారు. చెడు కొలెస్ట్రాల్ ఉంటే గుండె జబ్బుల ప్రమాదం పెరుగుతుంది. రోజూ అల్లం నీరు తాగడం వల్ల LDL (చెడు కొలెస్ట్రాల్) స్థాయిలు తగ్గుతాయి. HDL (మంచి కొలెస్ట్రాల్) పెరుగుతుంది. ఫలితంగా ఇది గుండె ఆరోగ్యాన్ని ప్రోత్సహిస్తుంది. గుండెపోటు ప్రమాదాన్ని తగ్గిస్తుంది.

జీర్ణక్రియను మెరుగుపరుస్తుంది

మీరు గ్యాస్, అజీర్ణం లేదా ఉబ్బరంతో బాధపడుతుంటే అల్లం నీటిని తాగడం ప్రారంభించవచ్చని డాక్టర్ అంటున్నారు. ప్రతిరోజూ అల్లం తినడం వల్ల కడుపు, కాలేయం రెండింటి పనితీరు మెరుగుపడుతుంది. అల్లం చేర్చుకోవడం వల్ల జీర్ణవ్యవస్థ బలపడుతుంది. ఇది అజీర్ణం, ఉబ్బరం, వికారం వంటి జీర్ణ సమస్యలను తగ్గించడంలో సాయపడుతుంది.

ఇమ్యూనిటీ పవర్ పెరుగుతుంది

అల్లం ఆహార రుచిని పెంచడమే కాకుండా ఆరోగ్యానికి కూడా చాలా ప్రయోజనకరంగా ఉంటుంది. దాని అనేక ప్రయోజనాల్లో ఒకటి రోగనిరోధక శక్తిని బలోపేతం చేయడం. అల్లంను క్రమం తప్పకుండా తీసుకోవడం వల్ల కాలానుగుణ ఇన్ఫెక్షన్ల నుంచి రక్షించుకోవచ్చు. అల్లం నీరు తాగడం వల్ల జలుబు, దగ్గు, ఛాతీ రద్దీ వంటి సమస్యల నుంచి ఉపశమనం లభిస్తుంది. చలికాలంలో అల్లం నీరు బెస్ట్ ఆప్షన్.

అల్లం నీటిని ఎలా తయారు చేసుకోవాలి?

డాక్టర్ సలీం ప్రకారం.. మీరు ఒక టీ స్పూన్ తురిమిన అల్లం తీసుకోవాలి. ఆ అల్లాన్ని ఒక గ్లాసు నీటిలో కలపాలి. ఆ తర్వాత నీటిని రెండు సార్లు మరిగే వరకు స్టౌ మీద ఉంచండి. ఆ తర్వాత నీటిని వడకట్టి తాగాలి. ఈ నీటిని మీరు ఉదయం ఖాళీ కడుపును తాగవచ్చు. లేదంటే రాత్రి భోజనం తర్వాత తీసుకోవచ్చని డాక్టర్ సలీం జైదీ చెబుతున్నారు.