28.12.2025 నుండీ 03.01.2026 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ, లూ, లే, లో,ఆ)పంచమాధిపతి అయిన చంద్రుడు వారం ప్రారంభం నుంచి వారాంతం వరకు వ్యయ జన్మ ద్వితీయ తృతీయ స్థానముల మీదుగా ప్రయాణం, తృతీయ స్థానంలో వక్ర గురుడు, నవమ స్థానంలో రవి, శుక్ర, కుజ, బుధ యుతి, శని, రాహు, కేతు పూర్వ స్థానాల్లో, గ్రహగోచారాలను పరిశీలించగా వారం ప్రారంభంలో ఖర్చులు, నిద్రలేమి, అలసట, పని ఒత్తిడి అధికంగా ఉంటాయి. మధ్యలో మనసు ఉల్లాసంగా నూతన ఆలోచనలు కొత్త ప్రారంభాలు, కుటుంబ సభ్యులతో కలిపి ఆనందకరమైన విందు వినోదాల్లో పాల్గొనుటకు ప్రణాళికలు ఏర్పరచుకుంటారు. ఆర్థిక విషయాలు, జీవిత భాగస్వామితో ఆలోచనలు. దూర ప్రదేశాల్లో ఉన్న తోబుట్టువులతో మంచి చర్చలు చేస్తారు. తండ్రి పెద్దలుతో తో కమ్యూనికేషన్ విషయంలో తగిన జాగ్రత్తలతో ముందుకు వెళ్లాలి అపార్ధాలకు అవకాశం ఇవ్వకూడదు. వ్యక్తిగత విషయాలలో ఉద్వేగాలను, అసంతృప్తిని అధిగమించాలి. మంచి ఫలితాల కొరకు సుబ్రహ్మణ్యేశ్వర స్వామి ఆరాధన మంచిది.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

తృతీయాధిపతి అయిన చంద్రుడు వారం ప్రారంభం నుంచి వారాంతం వరకు లాభ, వ్యయ, జన్మ ద్వితీయ స్థానంల మీదుగా ప్రయాణం, అష్టమ స్థానంలోరవి, శుక్ర, కుజ, బుధ యుతి. శని, రాహు, కేతు పూర్వ స్థానాల్లో, ద్వితీయ వక్ర గురుడు గ్రహగోచారమును పరిశీలించగా కమ్యూనికేషన్ విషయంలో శ్రద్ధ చూపించాలి. అధిక శ్రమతో కృషి చేస్తూ వృత్తిపరమైన విజయాల కొరకు నిరంతరం శ్రమిస్తారు. ఉన్నత అధికారులు, తోబుట్టువుల యొక్క సహకారంతో కొంతవరకు అనుకున్న పనులని, ఆగుతూ వచ్చిన విషయాలని సాధించగలుగుతారు. వారం మధ్యలో మానసిక ప్రశాంతత పెంపొందించుకోవాలి, వ్యాపార విషయంలో , దూర ప్రయాణాలలో తగిన జాగ్రత్తలు తీసుకోవాలి. ముఖ్యమైన పనులు, ప్రయాణాలు, సంతాన వర్గం యొక్క అభివృద్ధికి సంబంధించిన నిర్ణయాలు, దీర్ఘకాలికి పెట్టుబడులకు సంబంధించిన విషయాలలో ఆచితూచి వ్యవహరించాలి. వారాంతంలో స్నేహ సంబంధాలు, మాట విలువ, డ్రైవింగ్ విషయం మొదలైన విషయాలలో తగిన జాగ్రత్తలతో ముందుకు వెళ్లాలి. ఆర్థిక సంబంధమైన విషయాలలో ఇతరులు రుణముల కొరకు ప్రయత్నం చేస్తారు. భాగస్వామ్య వ్యవహారాలలో సుదీర్ఘ చర్చలు. మంచి ఫలితాల కొరకు సత్యనారాయణ స్వామి దేవాలయ సందర్శన మంచిది.

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  

ద్వితీయాధిపతి అయిన చంద్రుడు ప్రారంభం నుండి వారాంతం వరకు దశమ లాభ వ్యయ జన్మ స్థానముల మీదుగా ప్రయాణం, సప్తమ స్థానంలో రవి కుజ శుక్ర బుధ యుతి, జన్మ వక్ర గురు, రాహు కేతు శని పూర్వ స్థితి. గ్రహగొచరము పరిశీలించగా వృత్తి సంబంధమైన విషయాలు, ప్రయాణాలు మీద సమయాన్ని శ్రమని ఆలోచనలన్నీ కేటాయిస్తారు. కొత్త బాధ్యతలు శ్రమ విశ్రాంతిని తక్కువ చేస్తాయి. వ్యక్తిగత గౌరవాన్ని పెంపొందించుకుంటారు. వారం మధ్యలో ఆర్థిక విషయాలు, వృత్తిలో గౌరవం పెరుగుతుంది. నెట్వర్క్ ని పెంపొందించుకుంటూ, చిన్ననాటి మిత్రుని కలుస్తారు. ముఖ్యంగా వృత్తి చేసే ప్రదేశాలలో స్త్రీలతో అభిప్రాయ బేధములకు దూరంగా ఉండాలి. మంచి ఫలితముల కొరకు దత్తాత్రేయ ఆరాధన మంచిది

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)

రాశి అధిపతి అయిన చంద్రుడు నవమ దశమ లాభ వ్యయ స్థానంలో మీదుగా ప్రయాణం. షష్ఠ స్థానములో శుక్ర రవి కుజ బుధ యుతి. వ్యయములో వక్ర గురుడు. రాహు కేతు శని పూర్వస్థాన స్థితి,ఫలితాంశములు గ్రహగోచారాలు గమనించగా, ఆధ్యాత్మిక ప్ర దేశాలు, ప్రయాణ ఆలోచనలు. గురువులు పెద్దల ఆశీస్సులు. ఉన్నత విద్య కొరకు ప్రయత్నాలు. అసంతృప్తిని అధిగమించాలి .కమ్యూనికేషన్ ని పెంపొందించుకోవాలి. వృత్తిపరమైన విషయాలలో ఎదురవుతున్న ఆటంకాలను ఇబ్బందులను మానసిక ఘర్షనను పై అధికారుల ముందు పెడతారు .స్త్రీలతో వాగ్వదములకు దూరంమేలు. ఆర్ధిక విషయాల్లో ఆశించిన లాభములు సామాన్యం అనవసర ఖర్చులను నియాంత్రించాలి. ఆరోగ్య శ్రద్ధ అవసరమ్. ఆధ్యాత్మిక కార్యకమములు కొరకు ప్రణాళిక. మంచి ఫలితముల విషయంలో దుర్గాదేవి ఆరాధన మేలే.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం) (నామ నక్షత్రములు: మా, మీ, మూ, మే, మో, టా, టీ, టూ, టే)

వ్యయాధిపతి అయిన చంద్రుడు వారం ప్రారంభం నుంచి వారాంతం అష్టమ నవమ దశమ లాభ స్థానంలో మీదుగా ప్రయాణం, పంచమ స్థానంలో రవి శుక్ర కుజ బుధ యుతి, లాభములో వక్ర గురుడు, గ్రహగోచారాలను పరిశీలించగా వారం ప్రారంభంలో కోపాన్ని నియంత్రించాలి. భాగస్వామి ఆరోగ్య విషయంలో, వ్యక్తి గత విషయాలలో శ్రద్ధ. ముఖ్యమైన విషయాలు కొంత ఆలస్యాలు ఆటంకాలు ఇబ్బంది పడతాయి. మధ్యలో సంతాన సంబంధ, వారి ఆరోగ్యం, దూర ప్రదేశాలలో నూతన పెట్టుబడుల కొరకు, వ్యక్తిగత అభివృద్ధి అంశాలలో అధిక శాతం కొత్త ఆలోచనలు చేస్తారు. తల్లిదండ్రుల సహకారాన్ని ఆశించిన స్థాయిలో పొందడంలో సామాన్య ఫలితాలు. తోబుట్టువులతో కమ్యూనికేషన్ విషయంలో తగిన జాగ్రత్తలతో ముందుకు వెళ్లాలి. వారాంతంలో వృత్తిపరమైన విషయాలు అభివృద్ధి అనుకూలం వ్యక్తుల సహకారం.ఆత్మీయులతో సమావేశాలు పాల్గొంటారు. మంచి ఫలితాల కొరకు వెంకటేశ్వర స్వామి ఆరాధన మంచిది

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

లాభాధిపతి అయిన చంద్రుడు వారం ప్రారంభించి వారాంతం వరకు సప్తమ అష్టమ నవమ దశమ స్థానముల మీదుగా ప్రయాణం.చతుర్ధ స్థానంలో రవి శుక్ర కుజ బుధ యుతి, రాజ్యాంలో వక్ర గురుడు గ్రహగోచారాలను పరిశీలించగా, వారం ప్రారంభంలో సాంఘిక సంబంధాల విషయంలోనూ నూతన వ్యక్తులతో తగిన జాగ్రత్తలతో ముందుకు వెళ్లాలి. రుణములు విషయాలలో ఆలస్యాలు ఇబ్బంది కలిగిస్తాయి. ముఖ్య విషయాలలో బద్దకాన్ని అధిగమించాలి. వృత్తి అంశాలలో అధిక శ్రమతో, వ్యక్తుల సహకారం ఆశించిన విధంగా అందకున్నా ఈ సమస్య పరిష్కారం చేయటం కొరకు సమయస్ఫూర్తిగా వ్యవహరిస్తూ పనులను నిర్వర్తించుకుంటూ ముందు పెడతారు. బంధువులతో, ఆత్మీయులతో ఘర్షణలకు దూరంగా ఉండాలి. వాహనములు నడిపె వారి తగిన జాగ్రత్తలతో ముందుకు వెళ్లాలి. కొత్త వృత్తుల కొరకు ప్రయత్నం చేసే వారికి అధిక శ్రమ, దూరప్రాంతాలలో అవకాశాలు. సాంఘిక సంబంధాలు అనుకూలంగా ఉంటాయి. మంచి ఫలితాల కొరకు శ్రీకృష్ణ దేవాలయ దర్శనం మేలు.

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

రాజ్యాధిపతి అయిన చంద్రుడు వారం ప్రారంభం నుంచి వారాంతం వరకు షష్ఠ సప్తమ అష్టమ నవమ స్థానంలో మీదుగా ప్రయాణం, తృతీయములో రవికుజ బుధ శుక్ర యుతి. భాగ్యములో వక్ర గురుడు. గ్రహగోచారాలను గమనించగా రుణ ల విషయంలో కీలక నిర్ణయాలు తీసుకుంటారు. ఆరోగ్య విషయంలో తగిన శ్రద్ధ, నిత్య జీవితంలో మార్పులు చేసుకుంటారు యోగా ప్రాణాయామం వంటివి చేస్తూ ముందుకు వెళతారు. వృత్తిపరమైన విషయాలలో ప్రత్యర్థుల మీద విజయం సాధించడానికి కొత్త పథకాలను అమలుపరుస్తారు. గృహ వాతావరణం విషయంలో కొత్త మార్పులు చేస్తారు. వారం మధ్యలో సాంఘిక సంబంధాలు పేరు ప్రతిష్టలు గుర్తింపు గౌరవం పెరుగుతాయి. వృత్తిపరంగా అభివృద్ధి భాగస్వామ్యవ్యవహారాలు అనుకూలిస్తాయి. ధైర్యం పరాక్రమం పెరుగుతాయి. మీ కింద పని చేసే వారి యొక్క సహకారంతో ముందు పడతారు. వారాంతంలో ఆరోగ్య మీద శ్రద్ధ తీసుకోవాలి. మానసిక ఘర్షణ అధికమించాలి. ఊహించని అవమానాలు ఇబ్బంది పడతాయి. ఆధ్యాత్మిక వ్యక్తులని కలుస్తారు. మంచి ఫలితాల కొరకు లలితా సహస్రనామం మేలు.

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   

భాగ్యధిపతి చంద్రుడు వారం ప్రారంభం నుంచి వారాంతంవరకు పంచమ షష్ట సప్తమాష్టమ స్థానములమీదుగా ప్రయాణం, ద్వితీయములో స్థానములోరవి శుక్ర కుజ బుధ యుతి. అష్టమ లోవక్ర గురుడు గ్రహగోచారాలను పరిశీలించగా సంతానవర్గం విషయంలో అసంతృప్తికి లోనవుతారు. ప్రియమైన వ్యక్తుల ప్రవర్తన తో ఇబ్బంది కలిగిస్తారు. కమ్యూనికేషన్ వృత్తిపరమైన విషయాల్లో శ్రమ బాధ్యతలు పెరుగుతాయి. కుటుంబ పరమైన అంశాలలో అధిక ఖర్చులు,మాట విలువ ఘర్షణ అధికం, చేసిన వాగ్దానాలు నిలబెట్టుకోవడంలో ఇబ్బందులు, ఆర్థిక సంబంధమైన అంశాల విషయంలో అనుకోని సమస్యలు. ఆరోగ్యం విషయంలో శ్రద్ధ తీసుకోవాలి. ఇమ్యూనిటీ పవర్ ని పెంపొందించుకునే మార్గాలు పాటించాలి. ఇబ్బంది పెట్టడానికి ప్రయత్నించిన వ్యక్తుల మీద విజయం సాధిస్తారు. మధ్యలో స్నేహ సంబంధాలను పెంపొందించుకుంటారు. ఆర్థిక విషయాలు అనుకూలంగా ఉంటాయి. కుటుంబ వాతావరణం ఘర్షణలతో కూడుకున్నప్పటికీ అనుకూలిస్తుంది. వారాంతం మానసిక ప్రశాంతత విషయంలో, వ్యక్తుల ప్రవర్తనతో చికాకులున్న తగిన జాగ్రత్తలతో ముందుకు వెళ్లాలి. మంచి ఫలితాలకు సుబ్రహ్మణ్యేశ్వర స్వామి ఆరాధన మేలు.

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

సప్తమాధిపతి అయిన చంద్రుడు వారం ప్రారంభం నుంచి వారాంతం వరకు చతుర్ధ పంచమ షష్ఠ సప్తమ స్థానముల మీదుగా ప్రయాణం, జన్మములో రవి బుధ కుజ శుక్ర యుతి, సప్తమ స్థానంలో వక్ర గురుడు. గ్రహగోచారాలను గమనించగా కుటుంబ సభ్యుల మధ్య ముఖ్యంగా పెద్దవారితో అనవసర ఘర్షణలకి దూరంగా ఉండాలి. తల్లి ఆరోగ్యం మీద ప్రత్యేక శ్రద్ధ తీసుకుంటారు. గృహ సంబంధ విషయాలలో గృహ నిర్మాణాలు, రిపేరులు దృష్టి. సంతాన వర్గముతో, స్నేహితులతో మీ ఆలోచన విధానం, వారితో సమన్వయం లేని కారణం వల్ల ఆ సమస్యను అధిగమించడానికి మానసిక ప్రశాంతతని పెంపొందించుకోవాలి, యోగ మెడిటేషన్ ద్వారా.పౌరుషం పెరుగుతుంది, అపార్థములకు దూరంగా ఉండాలి. కమ్యూనికేషన్ విషయంలో బందు వర్గంతో, భాగస్వామి వ్యవహారాలలో, జీవిత భాగస్వామితో జాగ్రత్తలతో ముందుకు వెళ్లాలి. ఇతరులకు సహకరించడానికి సమయాన్ని కేటాయిస్తారు. జీవిత భాగస్వామి సంతానంతో కలిపి దీర్ఘకాలిక ప్రణాళికలు చేస్తారు. మంచి ఫలితాలు కొరకు సూర్యనారాయణ స్వామి ఆరాధన మేలు.

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2 పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

సప్తమాధిపతి అయిన చంద్రుడు వారం ప్రారంభం నుంచి వారాంతం వరకు తృతీయ చతుర్ధ పంచమ షష్ఠ స్థానముల మీదుగా సంచారం, వ్యయస్థానంలో రవికుజశుక్ర బుధ యుతి, షష్ఠ స్థానంలో వక్ర గురుడు. గ్రహగోచారాలను గమనించగా అనుకున్నప్పుడు అనుకున్న సమయంలో పనులు నిర్వర్తించడానికి ఇతరుల మీద ఆధారపడకుండా మీ సొంత నిర్ణయాలుతో ముందుకు వెళ్లి పనులను సాధించుకోగలుగుతారు. దగ్గర ప్రయాణాలకు అవకాశం. స్థిర నిర్ణయాలు తీసుకుంటారు. కుటుంబ వ్యక్తుల సహకారం కొంతవరకు ఉంటుంది. దూర ప్రదేశాలలో ఉన్న తోబుట్టువులతో చర్చలు చేస్తారు. స్థిరాస్తులు విషయాలలోనూ. వాహన కొనుగోలు కొరకు భాగస్వామితో చర్చలు. ప్రభుత్వ సంబంధ పనులు సామాన్యంగా ఉంటాయి. ఉన్నతాధికారుల యొక్క సలహా సహకారాలు కొంత అవకాశాలు ఉన్నప్పటికీ తగిన జాగ్రత్తలతో ముందుకు వెళ్లాలి. సంతానము యొక్క అభివృద్ధి, నూతన అవకాశాలు కుటుంబంలో కొంత ఆనందాన్ని కలిగిస్తుంది. పెంచుకుంటూ విజయాలనసాధిస్తారు మరిన్ని మంచి ఫలితాల కొరకు శివాలయ సందర్శనమేలు

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3 పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

షష్ఠాధిపతి అయిన చంద్రుడు వారం ప్రారంభం నుంచి వారాంతం వరకు ద్వితీయ తృతీయ చతుర్ధ పంచమా స్థానాల మీదుగా ప్రయాణం. లాభములో రవికుజ బుధ శుక్ర యుతి, పంచమ స్థానంలోవక్ర గురుడు గ్రహగోచారాలను గమనించగా ఆర్థిక విషయాలలో కొంత ఆలస్యాలు ఆటంకాలు, మాటల విషయంలో తగిన జాగ్రత్తలతో ముందుకు వెళ్లాలి.విద్యార్థులు రాత నైపుణ్యాలను పెంపొందించుకోవడానికి కృషి చేస్తారు వృత్తిపరంగా అధిక శ్రమ, కంటికి సంబంధించిన ఆరోగ్య విషయంలో ఇబ్బందులు, ఆహార స్వీకరణ విశ్రాంతి లోపం. కమ్యూనికేషన్ విషయంలో కొలీగ్స్ తో అనవసరమైన వివాదాలు అధిగమించే అవకాశాలు. ఆశించిన స్థాయిలో ఉన్నత స్థాయి వ్యక్తుల యొక్క సహకారము అందే అందే అవకాశాలు అధికం, భాగస్వామ్య వ్యవహారాలలో అనుకూలం. భాగస్వామి ఆరోగ్య విషయంలో తగిన శ్రద్ధ తీసుకుంటారు. లాభదాయకమైన ఆలోచనలను అమలుపరిచే విషయంలో మంచి ఆలోచనలు చేస్తారు, వారాంతంలో ఆర్థిక విషయాలు అనుకూలంగా ఉంటాయి సంతాన అభివృద్ధి కరంగా ఉంటుంది ఈ వ్యక్తుల సహకారం బాగుంటుంది. మరిన్ని మంచి ఫలితాల కొరకు విష్ణుమూర్తి ఆరాధన మేలు

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

పంచమాధిపతి అయిన చంద్రుడు వారం ప్రారంభం నుంచి వారాంతం వరకు జన్మ ద్వితీయ తృతీయ చతుర్ధ స్థానముల మీదుగా ప్రయాణం, రాజ్యస్థానంలో రవికుజ బుధ శుక్ర యుతి, చతుర్ధ స్థానంలో వక్ర గురుడు గ్రహగోచారాలను గమనించగా మానసిక ఒత్తిడి అధికంగా ఉంటుంది, ముఖ్యమైన ఆలస్యాలు ఆటంకాలు ఇబ్బంది కలిగిస్తాయి. ప్రశాంతతను పెంపొందించుకోవాలి. వాహన గృహ నిర్మాణాల కొరకు ప్రయత్నాలు అధికం చేస్తారు.ఆరోగ్య విషయంలో తగిన శ్రద్ధ తీసుకోవాలి. వృత్తి చేసే ప్రదేశాలలో మీ అభిప్రాయాలను వీలైనంతవరకు జాగ్రత్తగా వ్యక్తిపరచాలి. ఆర్థిక, అభివృద్ధి అంశాలలో తండ్రి, తండ్రి సమానులు యొక్క సహకారం పొందుతారు.భాగస్వామితో కమ్యూనికేషన్ బాగుంటుంది అయినప్పటికీ నిర్ణయాలప్పుడు ఘర్షణలకు అపార్థాలకు దూరంగాఉం టే వారి యొక్క సహకారంతో అనుకున్న పనులను సాధించడానికి ప్రయత్నాలు ముందుకు వెళ్తాయి. సామర్థ్యాలు పెంపొందించుకుంటారు. వృత్తిపరైన విషయాలలో అభివృద్ధి ఆదాయం మానసిక సంతృప్తిని కొంతవరకే ఇస్తుంది. ధైర్యంగా నిర్ణయాలు తీసుకుంటారు, అమలు పరచడానికి తొందరపాటు మంచిది కాదు. ఆచితూచి వ్యవహరిస్తూ ముందుకు వెళ్లాలి. తల్లి ఆరోగ్యం మీద ప్రత్యేక శ్రద్ధ. మంచి ఫలితాలు కొరకు దత్తాత్రేయ స్వామి ఆరాధన మంచిది

(గమనిక: గోచార రీత్యా చెప్తున్న రాశి ఫలితాలు జనరల్ వి, వ్యక్తిగతంగా ఉద్దేశించి చెబుతున్నవి కావు, వ్యక్తిగత జన్మజాతకంలో అనగా వ్యక్తి జన్మ కుండలి (జన్మించిన సమయం, తేదీ, ప్రదేశం ఆధారంగా నిర్మించేది) ప్రకారం నడిచే దశలు అంతర్దశలు ప్రధానంగా చూసుకుంటూ ఆ దశ అంతర్దశలకు సంబంధించిన దానికి తగిన పరిహారాలు పాటించుకుంటూ, దానితో పాటు ఈ గోచార ఫలితాలను చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే రాశి ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు).

డా|| ఈడ్పుగంటి పద్మజారాణి / Dr Edupuganti Padmaja Rani

జ్యోతిష్యము & వాస్తు నిపుణురాలు / Astrology & Vaastu Consultant

email : padma.suryapaper@gmail.com

www.padmamukhi.com