దగ్గినప్పుడు, తుమ్మినప్పుడు మూత్రం లీక్ అవుతుందా

కొంతమంది మూత్రాన్ని ఆపుకోలేరు. ముఖ్యంగా ఆడవారు దగ్గినప్పుడు, తుమ్మినప్పుడు, నవ్వినప్పుడు, కొన్ని వర్కౌట్స్ చేసినప్పుడు మూత్రం లీక్ అవుతుంది. ఇదివరకూ ఇది వయసు పెరిగిన వారికే ఉండేది. కానీ, ప్రజెంట్ యువతులు కూడా ఈ ప్రాబ్లమ్‌ని ఫేస్ చేస్తున్నారు. ఇలాంటి సమస్యని నేచురల్‌గానే కంట్రోల్ చేసుకునేందుకు కొన్ని యోగాసనాలు హెల్ప్ చేస్తాయి. వీటి గురించి సర్టిఫైడ్ యోగా ట్రైనర్ దీక్షా శర్మ తన ఇన్‌స్టాగ్రామ్ అకౌంట్‌లో షేర్ చేసుకున్నారు. అవేంటో తెలుసుకోండి.

యూరిన్ లీకేజీకి కారణాలు

మూత్రం లీకేజీకి కారణాల్లో ఒకటి పెల్విక్ ఫ్లోర్ కండరాలు బలహీనపడడం, ఇవి బలహీనపడినప్పుడు దగ్గు, తుమ్ములు ఒత్తిడిని పెంచుతాయి. దీని వల్ల యూరిన్ లీకేజీకి దారితీస్తుంది.

ప్రెగ్నెన్సీ, ప్రసవ సమయంలో ఇది సాధారణం.

ముఖ్యంగా మెనోపాజ్ తర్వాత హార్మోన్ల చేంజెస్ కారణంగా

మూత్ర మార్గంలో అంటువ్యాధులు

చురుగ్గా ఉండే మూత్రాశయం వల్ల కూడా జరుగుతుండొచ్చు.

10 నిమిషాల యోగాతో

రోజూ 10 నిమిషాల పాటు యోగా చేయడం వల్ల పెల్విక్ ఫ్లోర్ కండరాలు బలంగా మారతాయని దీక్ష శర్మ చెబుతున్నారు. దీని వల్ల మూత్రం లీకేజీ తగ్గుతుంది. రెగ్యులర్‌గా చేస్తే మెడిసిన్స్ వాడకుండానే సమస్యని దూరం చేసుకోవచ్చు.

ఉత్కటాసనంతో సమస్య తగ్గడం

యోగా ట్రైనర్ యూరిన్ లీకేజీని కంట్రోల్ చేయడానికి ఉత్కటాసనం చేయాలని చెబుతున్నారు. ఇది చేయడం ఈజీ కానీ ఎంతో ఎఫెక్టివ్‌గా పనిచేస్తుంది. తొడలు, తుంటి, కటి కండరాలని బలపరుస్తుంది. దీని వల్ల లోయర్ బాడీలో రక్త ప్రసరణ మెరుగవుతుంది. మూత్రాశయ నియంత్రణకి సాయడుతుంది.

ఆసనం ఎలా చేయాలి?

నిటారుగా నిలబడాలి, పాదాలని దూరంగా పెట్టండి.

గాలి పీలుస్తూ రెండు చేతులని పైకి లేపండి.

శ్వాస వదులుతూ కుర్చీపై కూర్చున్నట్లుగా మోకాళ్ళని వంచండి.

వీపు నిటారుగానే ఉండాలి.

ఆసన భంగిమలో 20 నుంచి 30 సెకన్ల పాటు ఉండండి.

నెమ్మదిగా శ్వాస తీసుకోండి.

రోజుకి 9నుంచి 10 సార్లు చేయండి. రెగ్యులర్‌గా చేస్తే త్వరగానే మీకు రిజల్ట్ తెలుస్తుంది.

ఉత్కటాసనంతో యూరిన్ లీకేజ్‌కి చెక్

​కొన్ని విషయాలు మరువొద్దు

ఈ ఆసనాన్ని మొదట్లో ఎక్కువసేపు చేయొద్దు.

మోకాళ్ళు, నడుము నొప్పి ఉంటే ముందుగా డాక్టర్ సలహా తీసుకోవాలి.

యోగాతో పాటు తగినంత నీరు తాగాలి. సరైన ట్రీట్‌మెంట్ తీసుకోవాలి.

మొత్తంగా ఇది సాధారణ సమస్య. సరైన లైఫ్‌స్టైల్‌తో దీనిని కంట్రోల్ చేసుకోవచ్చు.