యూరిక్ యాసిడ్, కిడ్నీల్లో పేరుకుపోయిన వ్యర్థాలను తొలగించే బార్లీ టీ

​బార్లీ టీ అనేది సహజంగానే బాడీలోని వ్యర్థాలను బయటికి పంపిస్తుంది. దీనిని మనం రెగ్యులర్‌గా మన డైట్‌‌లో యాడ్ చేయడం వల్ల మూత్రాశయం ద్వారా పేరుకుపోయిన వ్యర్థాలన్నీ బయటికి వెళ్లిపోతాయి. మూత్రాశయం కేవలం నిల్వ చేసేందుకు మాత్రమే కాదు. కాబట్టి, దీనిని ఎప్పటికప్పుడు కాపాడుకోవాలి. యూరినరీ బ్లాడర్‌లో ఏ మాత్రం ట్యాక్సిన్స్ పేరుకుపోయినా సమస్యలు వస్తాయి. కాబట్టి, దీనిని సహజంగానే డీటాక్స్ చేసుకోవాలి. దీనికోసం కొన్ని ఇంటి చిట్కాలు హెల్ప్ అవుతాయి. అలాంటి వాటిలో బార్లీ టీ కూడా ఒకటి.

యూరినరీ బ్లాడర్ డీటాక్స్

మూత్రాశయాన్ని డీటాక్స్ చేయడమంటే మనం ముందుగా సరైన లైఫ్‌స్టైల్ ఫాలో అవ్వాలి. డైట్ చేంజెస్, నీరు తాగడం వంటివి ఎక్కువగా చేయాలి. కెఫిన్, ఆల్కహాల్, కారంగా ఉండే ఫుడ్స్, సిట్రస్ ఫ్రూట్స్ తీసుకోవడాన్ని తగ్గించాలి. బెర్రీస్, లీన్ ప్రోటీన్ వంటి ఫుడ్స్ తీసుకోవడం, మూత్రనాళాన్ని క్లీన్ చేసుకోవడం మంచిది. లేదంటే ఇన్ఫెక్షన్ ప్రమాదాలు వస్తాయి. వీటితో పాటు పరిశుభ్రంగా ఉండడం, రెగ్యులర్‌ మూత్ర విసర్జన చేయడం మంచిది.

యూరిక్ యాసిడ్ కూడా క్లీన్

మనం యూరినరీ బ్లాడర్‌ని క్లీన్ చేస్తే యూరిక్ యాసిడ్ కూడా దాదాపు బయటికి వెళ్లిపోతుంది. దీంతో మనకి ఆర్థరైటిస్, గౌట్, కిడ్నీల్లో రాళ్ళ వంటి సమస్యలు రావు. కాబట్టి, కచ్చితంగా మనం యూరినరీ బ్లాడర్‌ని ఎప్పటికప్పుడు డీటాక్స్ చేసుకోవాలి. దీనికోసం సహజ పద్ధతులు వాడాలి. అలాంటి వాటిలో బార్లీ టీ కూడా ఒకటి.

బార్లీ టీకి కావాల్సిన పదార్థాలు

1 టీ స్పూన్ వేయించిన బార్లీ

1 కప్పు వేడి నీరు

ఎలా తయారు చేయాలి

ముందుగా బార్లీని వేడినీటిలో వేసి మరిగించాలి. 10 నిమిషాల పాటు ఉంచి వడకట్టి తాగాలి. రెగ్యులర్‌గా తాగితే మంచిది. దీని వల్ల మంచి రిజల్ట్ ఉంటుంది. ​

ఎప్పుడు, ఎన్ని రోజుల పాటు తాగాలి?

ఉదయమే ఈ టీ తాగొచ్చు. లేదా మధ్యాహ్నం, భోజనాల మధ్య తీసుకోవాలి. సాయంత్రాలు ఆలస్యంగా తాగొద్దు. 6 నుంచి 8 వారాల పాటు రెగ్యులర్‌గా తీసుకోవాలి. తర్వాత 2, 3 వారాల పాటు గ్యాప్ తీసుకుని మళ్లీ రిపీట్ చేయొచ్చు. ఇలా తాగడంతో పాటు మంచి నీరు కూడా ఎక్కువగా తీసుకోవాలి. దీని వల్ల చాలా వరకూ మంచి రిజల్ట్ ఉంటుంది.

బార్లీ టీతో బెనిఫిట్స్

ఇలా తయారుచేసిన బార్లీ టీని తాగడం వల్ల మూత్రప్రవాహం పెరుగుతుంది.

జీవక్రియ వ్యర్థాలతో పాటు యూరిక్ యాసిడ్ కూడా బయటికి వెళ్లిపోతుంది.

మూత్రాశయ వేడి, చికాకు తగ్గుతుంది.

మూత్రపిండాల పనితీరు మెరుగుపడుతుంది.

ఎలక్ట్రోలైట్స్ తగ్గవు.

గమనించాల్సిన విషయాలు

ఇది మెడికల్ ట్రీట్‌‌మెంట్ కాదు. సెలియాక్ వ్యాధి, గ్లూటెన్ సున్నితత్వం ఉంటే దీనిని తీసుకోవద్దు. దీంతో పాటు గర్భిణీలు, కిడ్నీల సమస్యలు ఉండి మెడిసిన్ తీసుకుంటుంటే దీనిని తీసుకునే ముందు డాక్టర్ సలహాతోనే తీసుకోవాలి. లేదంటే సమస్యలొస్తాయి. మీరు తీసుకునే మెడిసిన్‌తో పాటు దీనిని తీసుకోవడం మంచిది.