IND vs NZ: రోహిత్ శర్మ 2027 ODI వరల్డ్ కప్‌ను మిస్ అవుతాడా?

2027 వన్డే ప్రపంచ కప్‌లో ఆడాలని ఆశిస్తున్న టీమ్ ఇండియా స్టార్క్రికెటర్ రోహిత్ శర్మ, న్యూజిలాండ్‌తో జరిగిన మూడు మ్యాచ్‌ల వన్డే సిరీస్‌లో విఫలమయ్యాడు.దీంతో, రోహిత్ వచ్చే ఏడాది వన్డే వరల్డ్ కప్‌లో ఆడగలడా అనే ప్రశ్నలన్నీ తలెత్తాయి. టీ20 అంతర్జాతీయ మరియు టెస్టు ఫార్మాట్ల నుంచి రిటైర్ అయిన రోహిత్ ఇప్పుడు ఏకైక వన్డే ఫార్మాట్‌లో మాత్రమే క్రేజ్ చూపిస్తున్నారు.భారత్ జట్టుకు 2023లో రోహిత్ కెప్టెన్సీలో జరిగిన ప్రపంచ కప్ ఫైనల్‌లో ఓటమి దొరుకడం వల్ల, హిట్‌మ్యాన్ వరల్డ్ కప్ కలను ఇంకా నెరవేర్చలేకపోయాడు. న్యూజిలాండ్ సిరీస్‌లో రోహిత్ బ్యాటింగ్ ఫార్మ్ డ్రాప్ అయింది. మూడు వన్డేల్లో హిట్‌మ్యాన్ మొత్తం 61 పరుగులు మాత్రమే సాధించాడు, సగటు 20.33, స్ట్రైక్ రేట్ 76.25. సిరీస్‌లో ఆయన 9 ఫోర్లు, 2 సిక్సర్లు బాదాడు.
సిరీస్‌లో రోహిత్ ఇన్నింగ్స్:
-వడోదర్లో జరిగిన తొలి మ్యాచ్‌లో 29 బంతుల్లో 26 పరుగులు చేసి, 89.66 స్ట్రైక్ రేట్‌తో ముగించాడు. ఈ ఇన్నింగ్స్‌లో 3 ఫోర్లు, 2 సిక్సర్లు బాదాడు.
-రాజ్‌కోట్‌లో రెండో మ్యాచ్‌లో 38 బంతుల్లో 24 పరుగులు చేసి, నెమ్మదిగా ఆడాడు.
-ఇండోర్ హోల్కర్ స్టేడియం చివరి మ్యాచ్‌లో రోహిత్ 13 బంతుల్లో 11 పరుగులు చేసి, 2 ఫోర్లు మాత్రమే బాదాడు. జాక్వెరీ ఫౌల్క్స్ బౌలింగ్‌లో క్రిస్టియన్ క్లార్క్ చేతిలో క్యాచ్ అవుతూ పెవిలియన్ చేరాడు.
*వన్డే కెరీర్ : రోహిత్ శర్మ 282 వన్డేలలో 274 ఇన్నింగ్స్‌లలో 11,577 పరుగులు చేశాడు. అతని సగటు 48.85, స్ట్రైక్ రేట్ 92.75. వన్డేల్లో 61 హాఫ్ సెంచరీలు, 33 సెంచరీలు రోహిత్ సాధించాడు. అతని అత్యధిక స్కోరు 264.