పిల్లలు మలబద్ధకంతో బాధపడుతున్నారా,...ఇలా చేస్తే కడుపు మొత్తం క్లీన్ అవుతుంది

పెద్దవారితో పాటు పిల్లల్లో కూడా మలబద్ధకం అనేది ఓ సాధారణ సమస్యగా మారింది. సరైన ఆహార అలవాట్లు లేకపోవడం, నీరు ఎక్కువగా తీసుకోకపోవడం, ఫైబర్ ఫుడ్ తినకపోవడం, రోజువారీ లైఫ్‌స్టైల్ సరిలేకపోవడం వల్ల ప్రేగు కదలికలు సరిగ్గా ఉండవు. దీంతో పిల్లల్లో మలబద్ధకం ఏర్పడుతుంది. ఈ సమస్య ఉంటే కడుపునొప్పి, టాయిలెట్‌కి వెళ్లినప్పుడు ఇబ్బందిగా ఉంటుంది. ఈ సమస్యకి చెక్ పెట్టేందుకు డాక్టర్ నవనీత్ కౌర్ భాటియా తన ఇన్‌స్టాగ్రామ్‌లో ఓ వీడియోని షేర్ చేశారు. దీని వల్ల చాలా వరకూ పిల్లల్లో మలబద్ధకం అనేది త్వరగా తగ్గుతుంది. ఆ టిప్ గురించి ఇప్పుడు తెలుసుకుందాం.

బొడ్డుపై పసుపు పూత

ముందుగా ఓ టీస్పూన్ పరిమాణంలో కొద్దిగా నీరు పోసి పేస్టులా చేయండి. దీనిని పిల్లల నాభిపై పూయండి. ఇలా చేయడం వల్ల దాదాపు ఒకట్రెండు గంటల్లో పిల్లల్లో మలబద్ధకం తగ్గుతుంది. ఇదెలా పనిచేస్తుందంటే పిల్లల నాభి అనేది శరీరంలోని ముఖ్య కేంద్రంగా ఉంటుంది. నాభి చుట్టూ జీర్ణక్రియకి సంబంధించిన అనేక నరాలు, రక్తనాళాలు ఉంటాయి. పసుపులో యాంటీ ఇన్‌ఫ్లమేటరీ, డీటాక్సీఫైయింగ్ గుణాలు శరీరానికి మేలు చేస్తాయి. కాబట్టి, ఈ టిప్‌ని హ్యాపీగా ఫాలో అవ్వొచ్చు.

వీటితో పాటు కొన్ని టిప్స్

అదే విధంగా, పిల్లల్లో మలబద్దకాన్ని తగ్గించుకునేందుకు మరికొన్ని టిప్స్ ఫాలో అవ్వాలి. అందులో ఒకటి ఉదయాన్నే ఖాళీ కడుపుతో గోరువెచ్చని నీరు ఇవ్వడం. పెద్ద పిల్లలు అయితే అందులో కొద్దిగా పసుపు, నిమ్మరసం కలపండి. దీని వల్ల జీర్ణ వ్యవస్థ మెరుగవుతుంది. దీంతో కడుపు క్లీన్ అవుతుంది.

ఫైబర్ ఫుడ్

ఇక పిల్లల డైట్ విషయానికొస్తే మంచి ఫైబర్ ఫుడ్ ఇవ్వండి. పండ్లు, కూరగాయలు, ఓట్స్, సలాడ్స్, తృణధాన్యాల వంటి ఫుడ్స్ వారిచేత తినిపించండి. దీంతో వారి కడుపులో పేగు కదలికలు బాగుంటాయి. బిడ్డకి రోజంతా నీటిని అందించండి. దీంతో హైడ్రేట్‌గా కూడా ఉంటారు.

పొత్తికడుపుపై మసాజ్

అదే విధంగా, పిల్లల కడుపుపై మసాజ్ చేయడం కూడా మంచి ఎఫెక్టివ్‌గా పనిచేస్తుంది. పొత్తి కడుపుపై ఆవ లేదా పసుపు నూనెతో మసాజ్ చేయండి. ఇలా చేయడం వల్ల పొత్తికడుపు కండరాలు సడలించి గ్యాస్, మలబద్దకం తగ్గుతుంది. ఈ టిప్స్ చక్కగా చాలా వరకూ సమస్యని తగ్గిస్తాయి.

పిల్లల్లో మలబద్ధకాన్ని తగ్గించే టిప్స్

అయినప్పటికీ సమస్య తగ్గకపోతే

ఈ టిప్స్ ఫాలో అయినప్పటికీ సమస్య తగ్గకుండా నొప్పిగా ఉంటే ఇంటి చిట్కాలపైనే ఆధారపడకుండా కచ్చితంగా డాక్టర్‌ని కలవడం మంచిది. పిల్లల్ని పరీక్షించిన డాక్టర్ వారికి అవసరమైన మెడిసిన్స్‌ని సజెస్ట్ చేస్తారు. కాబట్టి, కచ్చితంగా పిల్లల డాక్టర్‌ని కలవడం మంచిది.