వన్డే ర్యాంకింగ్స్లో రెండో స్థానానికి దిగజారిన కోహ్లీ
sports | Suryaa Desk | Published : Wed, Jan 21, 2026, 03:54 PM
విరాట్ కోహ్లీ ఐసీసీ వన్డే ర్యాంకింగ్స్లో తన అగ్రస్థానాన్ని కోల్పోయాడు. న్యూజిలాండ్ ఆల్ రౌండర్ డారిల్ మిచెల్ అద్భుత ప్రదర్శనతో అతడిని వెనక్కి నెట్టి నెంబర్ వన్ బ్యాటర్గా నిలిచాడు. ఐసీసీ తాజాగా విడుదల చేసిన ర్యాంకింగ్స్లో ఈ మార్పు చోటుచేసుకుంది.ఇటీవల భారత్తో ముగిసిన మూడు వన్డేల సిరీస్లో డారిల్ మిచెల్ అసాధారణ ఫామ్తో చెలరేగాడు. ఈ సిరీస్లో ఏకంగా 352 పరుగులు సాధించాడు. ఇందులో రెండు శతకాలు కూడా ఉన్నాయి. ముఖ్యంగా నిర్ణయాత్మక మూడో వన్డేలో మిచెల్ 137 పరుగులతో రాణించి జట్టుకు చారిత్రక సిరీస్ విజయాన్ని అందించాడు. ఇదే మ్యాచ్లో కోహ్లీ కూడా శతకం (124) బాదినప్పటికీ, మిచెల్ ఇన్నింగ్స్ ముందు అది సరిపోలేదు. సిరీస్ ఆసాంతం చూపిన ఈ నిలకడైన ప్రదర్శన అతడి ర్యాంకింగ్ను అమాంతం పెంచింది.తాజా ర్యాంకింగ్స్ ప్రకారం, డారిల్ మిచెల్ 845 రేటింగ్ పాయింట్లతో అగ్రస్థానంలో ఉండగా, విరాట్ కోహ్లీ 795 పాయింట్లతో రెండో స్థానానికి పడిపోయాడు.
|
|