కుక్కర్‌లో అన్నం లేదా పప్పు వండేటప్పుడు ఎంత నీరు పోయాలో తెలుసా

అన్నం, పప్పు రెండు కూడా మన రోజువారీ ఆహారంలో భాగమే. మన తెలుగు రాష్ట్రాల్లో చాలా మంది ఈ రెండింటి కాంబినేషన్‌ను తెగ ఇష్టపడతారు. చాలా మంది ఇళ్లల్లో సులువుగా చేసుకునేది ఈ రెండింటినే. పప్పు, అన్నం తినడానికి రుచికరంగా ఉండటమే కాకుండా త్వరగా తయారు చేసుకోవచ్చు. అయితే, చాలా మంది అన్నం, పప్పు వండేటప్పుడు ఓ సాధారణ పొరపాటు చేస్తుంటారు. ఈ పొరపాటు వల్ల అన్నం మెత్తగా ఉడకడం లేదా గట్టి పడటం జరుగుతుంటుంది. ఇక పప్పు నీళ్లు నీళ్లుగా మారడం లేదా గట్టిగా రాయిలా మారడం జరుగుతుంది.

ఈ పొరపాటుకు పరిష్కారం గురించి ఇప్పుడు తెలుసుకుందాం. కుక్కర్‌లో బియ్యం లేదా పప్పు వండేటప్పుడు ఎంత నీరు కలపాలో చాలా మంది ఓ క్లారిటీ ఉండదు. సరైన మొత్తంలో నీరు కలిపితే అవి పర్ఫెక్ట్‌గా ఉడుకుతాయి. ఎక్కువ నీరు కలిపితే రుచి పాడువుతుంది. తక్కువ నీరు అయితే అవి సరిగ్గా ఉడకవు. అయితే, ఈ సమస్యను పరిష్కరించుకోవడానికి అమ్మమ్మల కాలం నాటి ఓ సింపుల్ చిట్కాను ఫాలో అవ్వచ్చు. ఇంతకీ ఆ చిట్కా ఏంటో తెలుసా?

అన్నం వండేటప్పుడు ఎంత నీరు పోయాలి?

అన్నం సరిగ్గా ఉండేలా చూసుకోవడానికి, సరైన మొత్తంలో నీటిని ఉపయోగించడం చాలా ముఖ్యం. ఎన్ని గ్లాసుల నీరు జోడించాలో గుర్తుంచుకోవడం కష్టం. కాబట్టి ఈ ట్రిక్‌ని గమనించండి. ప్రతిసారీ నీటి పరిమాణం ఖచ్చితంగా ఉంటుంది. ముందుగా బియ్యం పూర్తిగా మునిగిపోయేలా తగినంత నీరు పోయండి. ఇప్పుడు మీ చూపుడు వేలు మొదటి లైన్‌కి చేరుకునేలా మాత్రమే తగినంత నీరు పోయాలి. ఈ కొలత ప్రతిసారీ సరైన మొత్తంలో నీటిని నిర్థారిస్తుంది. మీరు ఎన్ని గ్లాసుల బియ్యం పోసినా ఈ ట్రిక్ బాగా పనికొస్తుంది. ఈ ట్రిక్‌ని మీరు ఇన్‌స్టాగ్రామ్ వీడియోలో చూడొచ్చు.

పప్పు ధాన్యాలకు ఎంత నీరు పోయాలి?

ప్రెషర్ కుక్కర్లో పప్పు వండేటప్పుడు, ఎంత నీరు కలపాలో తరచుగా గందరగోళం తలెత్తుతుంది. దీనికి కూడా చాలా సులభమైన ఉపాయం ఉంది. ఇది మీ పనిని ఎప్పటికీ సులభతరం చేస్తుంది. మీరు పప్పును మందంగా తినాలనుకుంటే మీ చూపుడు వేలు యొక్క మొదటి రేఖకు చేరుకునేలా పప్పులో తగినంత నీరు కలిపితే సరిపోతుంది. మీరు మీడియం మందం కోరుకుంటే, మీ వేలు యొక్క మొదటి, రెండో రేఖల మధ్య ఉండేలా పప్పులో తగినంత నీరు కలపండి. లూజ్‌గా పప్పు తినాలనుకుంటే, అప్పుడు నీటి పరిమాణం వేలు యొక్క రెండో రేఖ వరకు ఉండాలి. ఈ ఫార్ములా ప్రతిసారీ ఖచ్చితంగా పనిచేస్తుంది. దీన్ని ఓ సారి ప్రయత్నించండి.

అమ్మమ్మల కాలం నాటి ట్రిక్ చూసేయండి?

కుక్కర్‌ నుంచి నీరు బయటకు పోకుండా ఉండాలంటే ఏం చేయాలి?

కొన్నిసార్లు, కొంచెం ఎక్కువ నీరు ఉంటే, అది కుక్కర్ నుంచి లీక్ అవుతూ ఉంటుంది. ఇది కుక్కర్, గ్యాస్ రెండింటినీ మురికిగా మారుస్తుంది. దీనిని నివారించడానికి మీరు ఒక సాధారణ ఉపాయాన్ని అనుసరించవచ్చు. పప్పులు వండేటప్పుడు.. కుక్కర్‌లో ఓ చెంచా నూనె లేదా నెయ్యి వేయండి. దీంతో కుక్కర్ నుంచి నీరు లీక్ అవ్వదు. కుక్కర్ మూత, విజిల్ కు నెయ్యి లేదా నూనె రాసినా సరిపోతుంది.

అన్నం వండేముందు బియ్యం ఎందుకు కడగాలి?

​గుర్తించుకోవాల్సిన ఇంకో విషయం ఏంటంటే.. అన్నం వండేముందు బియ్యం, పప్పులు కడగాలి. ఇలా కడగడం వల్ల వాటిపై ఏమైనా రసాయనాలు, మురికి ఉంటే తొలగిపోతాయి.

బియ్యాన్ని రెండు నుంచి మూడు సార్లు కడగాలి. బియ్యాన్ని కడగడం వల్ల వాటిపై ఉన్న వ్యర్థాలు పూర్తిగా తొలగిపోతాయని నిపుణులు చెబుతున్నారు.

ఈ వ్యర్థ పదార్థాల్ని తొలగించాలంటే అన్నం వండే ముందు బియ్యాన్ని కడగాలి. అంతేకాకుండా బియ్యాన్ని ఎక్కువసార్లు కడగొద్దు. ఒకటి నుంచి రెండు సార్లు కడిగితే సరిపోతుంది.

ఈ విషయాలు కూడా గుర్తించుకోండి

​అన్నం, పప్పు వండేటప్పుడు బియ్యం, పప్పుధాన్యాల్ని ముందుగా నానబెట్టడం కూడా చాలా ముఖ్యం.

బియ్యం అయితే 15 నుంచి 20 నిమిషాలు నానబెట్టాలని నిపుణులు సూచిస్తున్నారు.

కందిపప్పును కూడా సాధారణంగా వండే ముందు అరగంట సేపు నానబెడితే సరిపోతుంది. ఇది వంట సమయాన్ని తగ్గిస్తుంది. అంతేకాకుండా పప్పు సులభంగా జీర్ణం కావడానికి సాయపడుతుంది.

బ్రౌన్ రైస్, తృణధాన్యాలు అయితే ఎక్కువసేపు నానెబట్టాలి. సుమారు ఐదు నుంచి ఎనిమిది గంటలు నానబెట్టాలని నిపుణులు సూచిస్తున్నారు.